Ramzbek Nurkulov

Eng birinchi postni 2020-yil, avgustda yozganman, 4 yarim yil bo'lyapti ekan blog boshlaganimga.

Yuqoridagi fikrlarimni o'qib ko'rib oldin qanday fikrlagan ekanman, hozir qanday fikrlayapman bilib boraman.

Mana sizga blog yuritish uchun yana bir sabab.

Birinchi marta Telegram kanal ochganimda, nom ham, ichidagi postlarni ham tikkasiga ko'chirib yuritdim, tasavvur qilyapsiz a, bir xil nom, bir xil postlar lekin ikalasi alohida odam tomonidan yuritiladi

– Keyin o'zim alohida kanal qilishim kerak ekan deb alohida kanal ochdim, uni ham bir kanalni kuzatib yurardim, o'sha kanal yo'nalishida qildim, o'sha kanalga o'xshatib yozishga harakat qilardim.

– Keyin SMM ga kirdim, bunda ham bu yo'nalishdagilar nima qilayotgan ekan deb ularni ishini o'zimni loyihalarimda qilishni boshladim, ular qilgan, men qilmaganmanku.

– Keyin bir loyiha bilan 2-3yil ishlaganimdan keyin qo'shimcha loyihalar olishni boshladim, loyihalarni oldim bir o'zim qildim, loyihalar ko'paygani sari esa buni bir o'zim qila olmasligimni, hech bo'lmaganida yonimda bitta mobilograf bilan qilishimni bildim, ikki kishi loyihalarni yuritdik.

– Keyin 2-3 ta loyihalarni yuritayotganlar qanday yuritar ekan deb qiziqib boshladim, jamoa qanday boshqarilarkan, vazifalar qanday taqsimlanarkan deb ularni o'rganishni boshladim.

– Keyin katta jamoa qilishni o'ylab qolib jamoani va loyihalarni kengaytirib boshladim, bu xuddi – marketing agentlik, ha bu ham qilingan, lekin men qilib ko'rmadimku.

Jamoani kengaytirish uchun esa mutaxassis kerak, qarasam mutaxassis yo'q, bor bo'lsa ham ular mendan bilimli va men bilan ishlashmaydi. Keyin o'zim bilganimni kurs qilib bollarga o'rgatishni boshladim

Bu 2023-yil kuz oylarida edi, kurs qildim va o'zim bilgan bilimimni o'quvchilarga o'rgatdim, natijalar jaa hammasi zo'r bo'lmasada qoniqtirdi.

Keyin jamoani kengaytirib boshladik, 3-4 kishi.

Shu yil, 2024-yil yoz oylari, loyihalar soni 6-7 taga chiqdi, boshqaruvni yaxshi bilmasdim, kelishuv qilishlarni aniq bilmasdim, tavakkal, olaverdik, nima qilib berish kerak tadbirkorga, uni xohishlarini qanday, bilmasdim, 7 ta loyihadan 2 taga quladik, qayerdadir xatolik ketdi, qilolmadik, shok boshlandi.

Buni qilolmaskanman, agentlik biznesi qiyin ekan, depressiya boshlandi.

O'rtada umuman loyiha ololmadik, loyiha chiqmadi ham.

Keyin o'rganishni boshladim, yon atrofimdagi tanishlarimdan so'rab boshladim, qanday bo'ladi, jamoani qanday boshqarasizlar, tizimi qanday, kim qanday KPI ga javob beradi, loyihalar bilan qanday kelishuv qilasizlar xullas ichim savollarga to'la, hozir ham, uyalmayman so'rashga, men bilmaydigan narsalarni u biladimi, nimadir ololamanmi bosh egib boraman.

Hozir ham Enter Marketing Agency'ni rivojlantiryapmiz, bu qilingan, men qilmaganman, lekin hozir o'zimni qiynab, majburlab qilyapman, o'sish nuqta shu aslida.

Xullas nima demoqchiman, ko'chirish yoki kimdir qilgan ishni siz qilishingiz normal.

@ramzbek

Dars o'tishim, kurslar qilishim haqida ham gap kelganida yozib ketsam

Sohaga kirib kelganimga 5 yil bo'lyapti ekan, shu vaqtga qadar ozmi-ko'pmi bilim oldik, jamoa tuzdim va jamoani kengayishining eng to'g'ri va samarali yo'li bu shogirdlar bilan o'sishi ekan.

Xuddi sizdek fikrlaydi va sizni prinsiplaringizni biladi.

Qarshi bozorida mutaxassis kam, shu sabab kurslar qilishga majbur bo'lganman, bu qaysidir tomondan daromad manbai bo'lsa, qaysidir tomondan bozorda mutaxassislarni ko'paytirish.

Lekin bunga asosiy daromad manbai deb qaramayman.

Ammo kurslarni to'xtatib qo'yadigan bo'lsam mutaxassislar bazasi to'xtab qoladi, shu sabab kurs qilib kelyapman. Shu vaqtgacha 1 yildan oshiq vaqt ichida 4 ta guruh tugatibmiz.

2024-yil hisobidan 3 ta kurs bo'ldi, xudo xohlasa endi keyingi yilda bo'ladi

Aslida loyihalar ko'p, ularni qila oladiganlar kam, katta jamoa ko'proq ishlarni qila oladi. Kursda o'quvchilar bilan o'zimiz bir jamoa bo'lib qolyapmiz. Xudo xohlasa katta jamoa bilan katta ishlarni qilamiz!

@ramzbek

O'sish uchun eng zo'ri bu risk qila olish, ma'suliyatni olish

Roppa-rosa 1 oy bo'libdi blog uchun post yozmaganimga 😑

Ayni vaqtda jamoa bilan yangi loyihalar olish va ularni ishga tushurib yuborish bilan bandman.

Jamoa tuzganimizga ham 1,5 yil bo'libdi. Oldin inhouse'da ishlardim, o'sish uchun eng zo'r narsa bu risk ekan, ma'suliyatni olish ekan. Jamoa a'zolarini ma'suliyati ham sizni ishlashingiz uchun majburlaydi.

Keling endi qanday pozitsiyaga kelyapman shu haqida aytsam.

Oldin:
Loyihalarda o'zim SMM qildim
Jamoa tuzdim
Jamoada hozir rahbar ham, project manager ham vazifasida kelyapman

Endi:
Ayni vaqtda jamoamizda SMM manager'larini project manager'likka o'tkazib ishlarni topshirmoqchiman, hali buni vaqti kelmadi lekin.
O'zim esa kengayish va boshqa yuqoridagi ishlarga o'tishni reja qilyapman.

Xulosa qiladigan bo'lsam, kelajakda o'zimni mutaxassis emas, biznes egasi pozitsiyasida ko'ryapman, jamoada esa xudo xohlasa eng zo'r mutaxassislar jamlanib boryapti, bizda mana shunaqa gaplar, sizlardachi?

Bu keyingi 5-10 yillikdagi pozitsiyam bo'lsa kerak. Ungacha sohaviy o'sishda va bozorda mutaxassislarni ko'paytirish uchun kurslar qilishda to'xtab qolmayman🙂

@ramzbek

700 ta obunachi va 250 stories koʻrishlar soni bilan Qarshi shahrida qanday qilib 3.000.000 soʻmlik kursimga 10 ta sotuv qilganim qiziqmi? (Bu 4-patok)

Har bir bosqichini aytib video qilmoqchiman

Loyihalarni olishda koʻpchilikda boʻladigan muammo LTV kichik boʻlishi.

SMM yoki marketing loyiha boʻlsin uzoqqa bormaydi — 2-3 oy.

LTV ni oshirish uchun nima qilish kerak deb oʻylasizlar? 👇🏻 keyin oʻzim fikrlarimni yozaman!

UPD: post yozishga hojat qolmadi. Izohlarni oʻqing 😊

Yangi narsa o'rganishni juda yaxshi ko'raman

Blog yozishda davom etamiz. Bugun o'zimni xarakterim deydimi buni – yangi narsa o'rganishni juda yaxshi ko'raman, shu haqida yozaman.

Odatda soha bo'yicha yangi narsa o'rgansam va uni hayotimda / ishimda qo'llasam maza qilaman. Mana shu bo'lsa kerak ishini sevish.

Qiziqarli yashash uchun ham odam o'z oldiga mana shunaqa o'zi uchun qiziq bo'lgan narsalarni qo'yishi kerak deb o'ylayman.

Masalan, hozir notion darslarini ko'rib chiqyapman. Menimcha juda ko'pchilik bunchalik ishlashni bilmasa kerak notionda. Bilardim-u, lekin bunchalik imkoniyatlarini ishlatib ko'rmagan ekanman.

Siz ayni vaqtda nimalarni o'rganyapsiz, ulashib keting!

@ramzbek

Telegram kanaldagilar uchun mini product qilmoqchiman! Narxi ham mini boʻladi, aynan ushbu kanaldagilar uchun :)

Nima deysizlar?

@ramzbek

Shu vaqtgacha Qarshi shahridagi koʻplab tadbirkorlar bilan muzokaralarda boʻlganman.

Loyihani sotsam ham, sotmasam ham bu menga tajriba boʻlgan.

Koʻp marketing/SMM loyihalarini olishda tadbirkorni kutuvini eshitish kerak va kutuvi notoʻgʻri boʻlsa mutaxassis konsultatsiya berish kerak.

Masalan SMM xizmatimizni sotishda tadbirkorni kutuvlarini eshitaman va savdoni oshirish kerak deyishadi, lekin uni qanday oʻlchaysiz raqamlarda deganimda javob berolmaydi.

Aslida savdo oshishi uchun marketing, sotuv ishlashi va SMM ayrim vazifalarni bajaruvchi boʻlishini tushuntiraman.

Oʻzi tadbirkor SMM xizmatingizdan foydalanishda umumiy 2 ta maqsadi boʻlishi mumkin:

1. Brendni tanitish
2. Savdoni oshirish (marketing boʻlimi bilan amalga oshiriladi)

@ramzbek