ҲАР БИР ХОНАДОНГА КИРИЛЯПТИ

Динимиз таълимотига кўра, мискин, фақир, боқувчисини йўқотган, кам таъминланган оилалар ҳолидан хабар олиш, уларга ҳам моддий, ҳам маънавий жиҳатдан кўмаклашиш – савоби улуғ амаллардан.

Тошкент вилояти бош имом-хатиби ўринбосари Абдулҳамид домла Маликов бошчилигида бир гуруҳ имом-хатиблар Оҳангарон туманида бўлишиб, маҳалла фаоллари билан биргаликда муҳтож оилалар ҳолидан хабар олдилар.

Ҳомийлар кўмагида эҳтиёжманд фуқароларга озиқ-овқат маҳсулотлари тарқатилди.

Шу билан бирга, имом-домлалар Тошкент вилояти ижтимоий қўллаб-қувватлаш марказида ҳам бўлишиб, у ердаги ёши улуғ инсонлардан ҳол сўраб, уларга совға-саломлар улашилди.

Буюк  мутафаккир шоиримиз ҳазрат Алишер Навоий айтганларидек:

Кимки бир кўнгли бузуғнинг хотирин шод айлагай,
Онча борким, Каъба вайрон бўлса, обод айлагай.

Аллоҳ таоло хайрли ишларни бардавом қилсин!

ЎзМИ Тошкент вилояти вакиллиги
Матбуот хизмати

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA