ҚАРИНДОШЛАР.!

Бегонадек яшаяпмиз жим,
Қадр қиммат қани  қайдасиз.
Бир бирини йўқламас ҳеч ким,
Қариндошлар айтинг қайдасиз.

Узоқлашиб кетяпмиз мана,
Меҳр йиғлар ўртада ана,
Тоғам қани ҳолам-чи она,
Қариндошлар айтинг қайдасиз.

Йиллар ўтар бориш келиш йўқ,
Соғинчимиз отмай қўйди ўқ,
Оқибатдан ҳамон дарак йўқ,
Қариндошлар айтинг қайдасиз.

Дада қани жигарларингиз,
Йўқламайди жиянларингиз,
Бўлсайдилар қани акангиз,
Қариндошлар айтинг қайдасиз.

Кўргим келар дийдорларини,
Дийдор ширин деганларини,
Бир даврада бўлганларини,
Қариндошлар айтинг қайдасиз,

Кўча-куйда кўришиб аранг,
Бегонадек ўтамиз қаранг,
Қовун-қовундан олади ранг,
Қариндошлар айтинг қайдасиз.

Ҳаммамиз ҳам бўлиб бетоқат,
Дунё билан машғулмиз фақат,
Келинг йуқолмасин оқибат,
Қариндошлар айтинг қайдасиз.

ФАРҲОДХОН.✍️

❣️❣️❣️❣️💯❣️❣️❣️

@qadrdonim2021
❤️ҚАДРДОНЛАРИМ❤️