Tasodiflar yo‘q bu dunyoda, Uchrashmadik ikkimiz bekor. Allohimning rejalarida
Biz anglamas buyuk hikmat bor.

Sen qaydayu men qayda edik?
Go‘yo quyosh, go‘yo oy ayro.
Buni Xudo istamaganda,
Bo‘larmiding qarshimda paydo.
Charchagandim yo‘llaring kutib,
Muhabbatning ko‘zlari ojiz.

Mana endi bir lahza o‘tib,
Go‘yo eski tanishlardekmiz...
Sen qismatga ishonasanmi?
Ko‘rganmisan meni qaydadir?
Bilsang, bu mo‘jiza emas,
Taqdir derlar, azizim, taqdir..✨