Халқ банки фаолияти намуна сифатида хизмат қилади

Бугун Президент Шавкат Мирзиёев раислигида банк хизматлари орқали маҳаллаларда камбағалликни қисқартириш бўйича жорий йилда амалга оширилган ишлар ва 2025 йил учун асосий режалар юзасидан видеоселектор йиғилиши бўлиб ўтди.

Унда Халқ банки бошқарув раиси сўзга чиқиб, банк ташаббуси билан Осиё тараққиёт банкининг молиявий оммабоплик дастури доирасида 50 миллион сўмгача ортиқча ҳужжат ва гаровсиз кредит берилаётганини маълум қилди. Бу ташаббусни қўллаб-қувватлаб, Осиё тараққиёт банки дастурга 150 миллион доллар ажратишга тайёрлигини билдирди.

Халқ банки намунаси асосида келгуси йилда 9 та давлат банкига четдан 1 миллиард доллар кредит жалб қилиб, 250 минг одамни даромадли қилиш тавсия қилинди.

Шунингдек, йиғилишда Халқ банки молиявий кўмагида майизчилик фаолиятини йўлга қўйган паркентлик тадбиркор аёл фаолияти эътироф этилди.
Давлатимиз раҳбари, камбағалликдан чиқиш, ҳаётини яхшилаш ҳар бир инсоннинг ўзига, меҳнатига боғлиқлигига тўхталиб, тадбиркорга муваффаққият тилади.