Qo'rqaman, ertaga men vafot etsam -
Ko'chamda jovdirab turgan jonzotlar -
Sovuqda qaltirab yurgan jonzotlar -
Oxirat chog'ida yoqamdan tutsa...

Qo'rqaman, so'rog'in o'ylagan chog'im,
Bugun issiq uyda o'ynagan chog'im -
Ular zax yerlarga berib quchog'in,
Shafqatni topolmay, alamlar yutsa...

Qahraton achchig'in mushukdan so'rang,
Jon saqlash azobin kuchukdan so'rang...
Hoziroq ustiga ko'rpalar o'rang,
Zora, bu sovuqning zahrin unutsa...

Keling, o'nglanamiz ertamas, bugun,
Payg'ambarlar suygan
mushuklar uchun.
Axir bu dunyoga emasmiz ustun,
Ketamiz, umrimiz poyonga yetsa...

Qo'rqaman, oxirat so'rog'i qattiq...

Isroil Mirzo she'ri.

https://t.me/pishak_tv