✍️ Yurtimizda amalga oshirilayotgan ilmiy tadqiqot ishlarida Shayx Muhammad Sodiq ilmiy merosidan nafaqat Islom ilmlari sohasida, balki boshqa yo‘nalishlarda ham foydalanilmoqda. Ana shunday PhD dissertatsiyasidan biri 2024-yil O‘zbekiston xalqaro Islom akademiyasida falsafa fanlari yo‘nalishi, dinshunoslik ixtisosligi bo‘yicha muvaffaqiyatli himoya qilingan.

✨ Ushbu tadqiqot ishi Madaliyeva Xonzoda Abduvohid qizi tomonidan “Din falsafasida muqaddaslik fenomenining kognitiv-gnoseologik tahlili” mavzusida tayyorlangan. Unga falsafa fanlari doktori, professor Madayeva Shaxnoza Omonullayevna ilmiy rahbarlik qilgan. Tadqiqotning maqsadi va vazifalari din falsafasidagi “muqaddaslik” fenomenining kognitiv-gnoseologik mohiyatini, O‘zbekiston ziyoratgohlaridagi “muqaddaslik” fenomeni bilan bog‘liq amaliyotlarni ochib berish, “muqaddaslik” kategoriyasini tadqiq qilishning nazariy-metodologik asoslarini hamda mavzu yuzasidan taklif va tavsiyalarni ishlab chiqishdan iborat.

📚 Dissertatsiyada hazratimizning “Tafsiri Hilol”, “Sunniy aqidalar”, “Ruhiya tarbiya”, “Hidoyat imomi” kabi asarlaridan ham foydalanilgan. Madaliyeva Xonzoda Abduvohid qiziga kelgusi ilmiy faoliyatlarida muvaffaqiyatlar tilab qolamiz!

Telegram | Instagram | YouTube | Facebook