"Parkent tongi" gazetasi I Расмий канал

#Муҳим

⚡️⚡️⚡️ "Метан" нархи 5500 сўмга кўтарилиб, "свет" ичимлик суви пропан нархи хам ошади

2025 йил 1 апрелдан электр энергияси нархи 24 фоиз, газ 36 фоиз, пропан 25 фоиз, метан 39 фоизга оширилиши белгиланган.

Жумладан, электр ва газ нархлари ўсишининг ўзи инфляция даражасини 1,8 фоизгача кўтариб юбориши кутилмоқда.

Бу ҳақда Марказий банк раиси Мамаризо Нурмуродов 31 октябрь куни Тошкент шаҳрида ўтказилган журналистлар билан мулоқотда маълум қилди, дея хабар берди “Дарё” мухбири.

👉 @PARKENT_TONGI

#Муҳим

⚡️⚡️⚡️Цирк томошаларида ёввойи ҳайвонлардан фойдаланиш тақиқланди

Вазирлар Маҳкамасининг “Ёввойи ҳайвонларни сақлаш тартибини такомиллаштириш чора-тадбирлари тўғрисида”ги қарори билан жисмоний шахслар томонидан ярим эркин шароитларда, сунъий яратилган яшаш муҳитида ёки тутқунликда сақланиши тақиқланган ёввойи ҳайвонлар рўйхати тасдиқланган.

Рўйхатга, хусусан, йўлбарс, шер, гепард, ягуар ва уларнинг барча кенжа турлари, горилла, шимпанзе, йирик бўғма илонлар оиласига мансуб барча турлар, отларнинг барча турлари (хонаки отлар бундан мустасно) киритилди.

Шу боис, эндиликда цирк томошаларида ёввойи ҳайвонлардан фойдаланиш тақиқланади.

👉 @PARKENT_TONGI

#Шеърият

Эгил, ўзни пана қил,
Борлигингни билдирма.
Йўталганга ўн беш йил,
Аксирганга йигирма.

Кар бўл, кўр бўл, тишла тил,
Бошга бало келтирма.
Гапирганга ўн беш йил,
Эшитганга йигирма.

Қаламингни душман бил,
Қоғоз узра жилдирма,
Роман ёзсанг – ўн беш йил,
Достон ёзсанг – йигирма...

✍️ Эркин ВОҲИДОВ, Ўзбекистон Қаҳрамони, халқ шоири

👉 @PARKENT_TONGI

#Муҳим

⚡️⚡️⚡️ “Метан заправка”ларни танқид қилган эркак қамалди

Шохобча ходими унинг устидан судга шикоят қилган.

26 декабрь куни Тошкент шаҳар жиноят ишлари бўйича Бектемир туман суди газ қуйиш шохобчалари иш вақтларига киритилган чекловларни танқид қилган йигитни 15 сутка маъмурий қамоққа ҳукм қилди.

Гап шундаки, жорий йил декабрь ойининг ўрталарида республика бўйлаб кузатилган совуқ об-ҳаво сабаб энегетика вазирлиги барча метан заправкалар иш вақтига чекловлар киритган ва натижада метан газ қуйиш шохобчаларида турнақатор навбатлар пайдо бўлган эди.

Тошкент шаҳар Бектемир тумани ҳудудидаги шохобчаларнинг бирида навбатда турган Ғ.Д. эса киритилган чекловларни танқид қилган ва оиласини йўналишли такси хизмати ортидан боқаётгани, ногирони борлиги, метан газ шохобчалари иш режимига киритилган чекловлар ортидан оиласи таъминотини қила олмаётганини айтиб чиққан эди.

Тошкент шаҳар жиноят ишлари бўйича Бектемир туман суди раиси Д.А.Дадаханова раислигида ўтган суд мажлисида эса йигит МЖтКнинг 183-моддасида назарда тутилган ҳуқуқбузарликни содир қилганликда айбланган.

Суд Ғ.Д.га МЖтКнинг 183-моддаси билан 15 (ўн беш) сутка маъмурий қамоқ жазоси тайинлади.
 
Шунингдек, жазо ўталганидан сўнг Ғ.Д.дан Тошкент шаҳар ИИББ Маъмурий тартибда қамоққа олинган шахсларни сақлаш махсус қамоқхонаси фойдасига қамалганларни сақлаш билан боғлиқ бўлган харажатлар учун маъмурий қамоқнинг ҳар бир суткаси учун базавий ҳисоблаш миқдорининг 15 фоизи миқдорида, яъни жами 843 750 сўмни давлат фойдасига ундириш ҳам белгиланган.

👉 @PARKENT_TONGI

#Табрик

⚡️⚡️⚡️ Ҳоким Сардор Исоқуловнинг янги йил байрами муносабати билан туманимиз аҳолисига йўллаган табриги

Ҳурматли туманимиз аҳолиси!

Бугунги шукуҳли лаҳзаларда туманимиз аҳолисини янги – 2025 йил билан чин дилдан муборакбод этиб, тинчлик-омонлик, сиҳат-саломатлик, хонадонларига қут-барака тилайман.

Қадрли тумандошлар!

Барчамизга бениҳоя қувонч, шодлик улашаётган бахтли кунларимизда Янги йил – 2025 йил учун янги-янги режалар тузиб, ўз олдимизга улкан мақсадларни қўямиз. Бунда албатта, ҳар биримизнинг ҳаётимиз, туманимиз ҳаётида содир бўлган қувончли воқеалар, янгиланиш ва ўзгаришлардан куч оламиз, руҳланамиз.

Айниқса, тумандошларимизнинг ҳаётини ўзгартирган хайрли ишлар барчамизни эзгу мақсадлар атрофида янада ҳамжиҳат қилиб, ўзаро аҳил-иноқлигимизни мустаҳкамлайди. Қувонарлиси шундаки, ҳамжиҳатлигимиз ортиб бораверар экан, ҳаётимиз янада фаровонлашиб, саодатли кунларимиз бардавом бўлаверади.

👉 БАТАФСИЛ ЎҚИШ 👈

👉 @PARKENT_TONGI

#Саховат

⚡️⚡️⚡️ Кам таъминланган оилаларга байрам совғалари берилди

Дунёда шундай оилалар борки, айрим сабабларга кўра оғир шароитга тушиб қолади.

Ана шундай оилаларга саховат кўрсатиб, фарзандларини қувонтириб, бахтли болалик онларини ҳадя этишда ҳикмат кўп.

Ҳаётда шундай эзгу ишларга дуч келганимизда уни ибрат учун гапирмасак бўлмайди.

Савоб қилганларнинг юзини, улар аслида қандай инсон эканлигини тушуниб оламиз.

Туман Мактабгача ва мактаб таълими бўлими мудири Набижон Юнусов, ташкилот касаба уюшма қўмитаси раҳбари Олимжон Хусанбоев хайрли ишга қўл уришди.

Йил якунланиш арафасида Мактабгача ва мактаб бўлими мутасаддилари маҳаллаларимиздаги кам таъминланган, ижтимоий ёрдамга муҳтож 10 га яқин оилаларга байрам совғаларини топширди.

Масъуллар ушбу оилаларнинг муаммоларини сўраб, янги йил билан табриклаб, ўзининг самимий тилакларини билдиришди.

👉 @PARKENT_TONGI

#Долзарб

⚡️⚡️⚡️ "Тўй ва бошқа тантаналар риё ва исрофга тўлди" — Ўзбекистон мусулмонлари идораси

Ўзбекистон мусулмонлари идораси Уламолар Кенгаши раиси, муфтий Шайх Нуриддин ХОЛИҚНАЗАР мурожаат билан чиқди.

ўз мурожаатида саховатпеша кишиларни мактаб қуриш ёки таъмирлаш ишларига ҳам катта эътибор қаратишларини тавсия этди.

Таъкидланишича, маърифат, зиё маскани бўлган таълим даргоҳларини қуриш, обод қилиш ажри улуғ амаллардан.

Шунингдек, таълим муассасалари талаба ва ўқувчиларни моддий тарафдан таъминлаш, уларни контракт-шартномаларини тўлаб бериш, ўқув қурол ва дарсликларини олиб бериш савоби доимий ёзилиб турадиган садақаи жория бўлади.

"Таассуфки, тўйлар, оилавий тантаналар, марҳумлар хотираси, ҳаж ва умрага бориб-келувчиларни кутиб олишга бағишланган йиғинлар, улардаги бир-биридан ўтиб тушадиган, кимўзарга, риёга, исрофга тўла ишлар халқимизнинг жиддий муаммоларидан бири бўлиб келмоқда.

Шу ўринда, зиёлилар, ёши кекса отахону онахонлар, нуронийларга айтар сўзимиз, келинг, биргаликда юртимиз аҳолисига, айниқса, юқоридаги каби исрофгарчилик ва дабдаба қилаётганларга тушунтириш ишларини кўпайтирайлик, бу каби иллатларга биргаликда барҳам берайлик. Аллоҳ таоло ато этган мол-дунёни исроф қилиш – катта гуноҳ, эканини уқтирайлик! Бунинг ўрнига топганларимизни савобли ишларга сарфлаб, бева-бечора, ночор, муҳтожларга ёрдам берайлик, ана шунда улкан савобга эга бўламиз, иншоааллоҳ", дейди Муфтий ҳазратлари.

Ижтимоий ҳимоя бўйича давлатимиз раҳбарининг ташаббусини қўллаб-қувватлаган ҳолда, дин пешволари қуйидаги 7 та вазифани амалга оширишни белгилаб олмоқда:

Биринчи, уламолар ва имом-хатиблар “Хайру саховат – қалбларга қувонч улашади” шиори остида тарғибот-ташвиқот ишларини кенг кўламда амалга ошириш.

Иккинчи, ҳар бир марказий масжид 5 тадан эҳтиёжманд оилани оталиққа олиб, уларнинг фарзандларини ўқув курсларида ўқитиши, касб-ҳунарга ўргатиши ва доимий даромадга эга бўлишига кўмаклашиш.

Учинчи, ҳар бир туман-шаҳар бош имом-хатиблари ҳудудидаги камида 1 та мактабни ҳомийларни жалб этган ҳолда таъмирлаш ишларига ёрдам кўрсатиш.

Тўртинчи, “Вақф” хайрия жамоат фонди Ижтимоий ҳимоя миллий агентлиги билан ҳамкорликда мамлакатимиз бўйича кам таъминланган оилалар фарзандлари бўлган 200 нафар ёшни касбга ўргатиш ва иш билан банд қилиш.

Бешинчи, “Вақф” хайрия жамоат фонди “Инсон” ижтимоий хизматлар маркази билан ҳамкорликда жисмоний имконияти чекланган болаларга 50 дона спорт аравачаси ва бошқа реабилитация воситалари олиб бериб, уларнинг даволанишларига кўмаклашиш.

Олтинчи, масжид имом-хатиблари ҳомийларни жалб этган ҳолда “Меҳрибонлик”, “Саховат”, “Мурувват” уйларига ва меҳнат фахрийларига моддий ёрдамлар кўрсатиш ишларини ташкил этиш.

Еттинчи, имом-хатиблар томонидан тўй-маърака маросимлардаги исрофгарчилик, умра зиёратидан қайтгандан кейин ҳар хил хўжакўрсин маросимлари уюштиришдек иллатларнинг олдини олиш юзасидан тарғибот ишларини амалга ошириш.

👉 @PARKENT_TONGI

#Диққат_тарқатинг

⚡️⚡️⚡️ Байрам кунлари чироғингиз ўчмайди!

“Ҳудудий электр тармоқлари” акциядорлик жамияти байрам кунлари электр энергиясининг барқарор етказиб бериш чоралари кўрилишини маълум қилди.

Янги йил ва байрам кунлари – 2024 йил 30 декабрдан 2025 йил 3 январгача истеъмолчиларни барқарор электр энергияси билан таъминлаш учун тармоқларда юзага келиши мумкин бўлган носозликларни бартараф этиш мақсадида “Ҳудудий электр тармоқлари” АЖда 1395 та махсус авария бригадалари (6466 киши ва 1334 та техника) туну кун фаолият юритиши белгиланди.

Агар сиз байрам кунлари электр энергияси таъминоти бўйича қандайдир муаммога дуч келсангиз, электр энергияси таъминоти юзасидан 1154 қисқа рақамига ёки Telegram’даги @het_admin администраторга мурожаат қилишингиз мумкин.

👉 @PARKENT_TONGI

#Инсон_қадри_учун

⚡️⚡️⚡️ "Сизни Янги йил байрами билан табриклагани келдим" – ҳоким ўринбосари Дилёр Диловаров

Айни дамларда юртимизда Янги йил байрами шукуҳи кезиб юрибди.

Паркентликлар ҳам дилидаги  эзгу тилакларини ўз яқинларига билдириб, кириб келаётган 2025 йилни байрам кайфиятида қаршиламоқда.

Мана шундай қувончли кунларда Паркент туман ҳокими ўринбосари Дилёр Диловаров ҳамда инвестициялар, саноат ва савдо бўлими ходимлари билан биргаликда байрам совғаларини олиб, оғир иқтисодий шароитга тушиб қолган, кўмакка муҳтож оилаларнинг хонадонига борди.

Ҳоким ўринбосари 10 га яқин оиланинг фарзандларига атаб олинган совға-салом, озиқ-овқат маҳсулотлари ва ширинликларни уйма-уй юриб ўз қўли билан топшир экан “Сизни Янги йил байрами билан табриклагани келдим”, дея ўзининг самимий, эзгу тилакларини билдирди.

Байрам совғалари билан йўқлаб келган меҳмонлардан қувонган меҳрга тўла кўзларини бир кўрсангиз эди...

Ўз дунёсида тантана қилган болакайларнинг қувноқ кулгуларини бир эшитсангиз эди...

👉 @PARKENT_TONGI

#Ободлик

⚡️⚡️⚡️ Маҳаллаларимизда ҳашар давом этмоқда

Аввал хабар берганимиздек, туманимиз маҳаллаларида бўлиб ўтаётган ҳашарда катта ҳажмдаги ишлар амалга ошириляпти.

Ободонлаштириш ишларида коммунал соҳа ва бошқа турли идора ходимлари фаол қатнашмоқда.

Ҳашарда йўл бўйида жойлашган хонадонларнинг ташқи қисмини бўяш, таъмирлаш каби ишлар бажариляпти.

Хуллас бетакрор Паркентимизнинг обод бўлиши учун ташкил этилган ҳашар ишлари давом этмоқда.

👉 @PARKENT_TONGI

#Матбуот
#Пресс_анонс
        
"ПАРКЕНТ ТОНГИ" ГАЗЕТАСИНИНГ 2024 ЙИЛ 28 ДЕКАБРЬ СОНИДА:

👉 Ҳоким Сардор Исоқуловнинг туманимиз аҳолисига йўллаган янги йил табриги

👉 Янги йил шодиёналари

👉 Ортда қолаётган йил қандай ўтди?

👉 Интилиш ва изланишлар меваси

👉 Ободлик ва яратувчанлик ифодаси

👉 Электр тизимида янги лойиҳа

Шунингдек, газетамиз саҳифаларида туманимиз ижтимоий-сиёсий ҳаётига оид хабарларни ўқийсиз!

👉 @PARKENT_TONGI

BARCHA MEBELLAR 20% CHEGIRMADA

🎁 Yil so‘nggigacha ISHONCH do‘konlaridan istagan mebelingizni xarid qiling va 20% CHEGIRMANI qo‘lga kiriting. Yangi yilni yangi mebelda kutib olish uchun bu imkoniyatni qo‘ldan boy bermang.

Chegirma 28-dekabrdan 31-dekabrgacha barcha ISHONCH do‘konlarida amal qiladi.

Batafsil:
📞 +998735152222
🤖 @ishonch_chatbot

Barcha aksiya va yangiliklardan xabardor bo‘lish uchun @ishonch kanaliga obuna bo‘ling!