OLOMONGA

Mashrab osilganda qayoqda eding?
Choʻlpon otilganda qayoqda eding?

Surishtirganmiding Qodiriyni yo
Qalqon boʻlganmiding kelganda balo?

Hukmlar oʻqilur sening nomingdan,
Tarixlar toʻqilur sening nomingdan.

Nimasan? Qandayin sehrli kuchsan?
Nechun tomoshaga bunchalar oʻchsan?

Qarshingda hasratli oʻyga tolaman,
Qachon xalq boʻlasan, ey sen, olomon?!

(Abdulla ORIPOV)