Olloyorbek Tojibayev | Yuridik kadr

📑 O‘quv jarayoni uchun quyidagi hujjatlarni shakllantirib beramiz:

1️⃣ ariza;
2️⃣ tushuntirish xati;
3️⃣ bayonnoma;
4️⃣ dalolatnoma;
5️⃣ normativ-huquqiy hujjat;
6️⃣ protsessual va boshqa hujjatlar.

➡️ Murojaat uchun: @Olloyorbek_Bakhtiyorovich

🇺🇿 18-noyabr – Oʻzbekiston Respublikasining Davlat bayrogʻi qabul qilingan kun!

1991-yil 18-noyabrda "O‘zbekiston Respublikasining Davlat bayrog'i to‘g'risida"gi O‘RQ-407-XII-son Qonun imzolangan.

Bayroq qadim-qadimdan xalq uchun mustaqillik, hurlik, tinchlik va barqarorlik timsoli bo‘lib kelgan. Jangu jadallarda ham bayroqning yerga tushishi mag'lubiyatni anglatgan. Shunday ekan, millat bayrog'i — bu g'urur timsoli sanaladi. Bayrog'imiz hamisha yuksaklarda hilpirayversin!

@ohtmuz
@Olloyorbek_Baxtiyorovich

17-noyabr – Xalqaro talabalar kuni!

Ma'lumki, kanalimiz kuzatuvchilari orasida talabalar ham yo'q emas va nima sababdan kanalimizni kuzatuvchisi ekanligi haqida admin sifatida o'zim bilaman. Albatta, maqsad Vatanga xizmat qilishga bo'lgan qiziqishdir.

Hurmatli talabalar!

Yurtimizga xizmat qilish yo'lida ta'lim olar ekansiz, maqsadingizga yetishishingizda sizlarga tengma-teng yelkadoshmiz. Kelajakda xalqimizga va davlatimizga kerakli kadrlar bo‘lib yetishishingizga tilakdoshmiz. Ilm olish va izlanish yo‘lida aslo to‘xtamang. Bayram muborak bo‘lsin!

@ohtmuz
@Olloyorbek_Baxtiyorovich

❗️“O'zbekiston Respublikasi Vazirlar Mahkamasi to'g'risida”gi Konstitutsiyaviy Qonun (O'RQ-982-son 25.10.2024 y.) qabul qilindi

🔰Unga ko'ra, Vazirlar Mahkamasi – ijro etuvchi hokimiyatning oliy organi bo'lib, iqtisodiyotning, ijtimoiy va ma'naviy sohalarning samarali faoliyat ko'rsatishiga rahbarlik qilishni, Konstitutsiya va qonunlar, Oliy Majlis palatalari qarorlari, Prezident farmonlari, qarorlari va farmoyishlari ijrosini ta'minlaydi.

🏢Vazirlar Mahkamasi O'zbekistonda ijro etuvchi hokimiyatning yagona tizimiga rahbarlik qiladigan kollegial organdir.

📜 Vazirlar Mahkamasi o'z faoliyatida Oliy Majlis va Prezident oldida javobgardir.

🔍 Respublika ijro etuvchi hokimiyat organlarining yaxlit tizimiga vazirliklar, qo'mitalar, agentliklar va inspeksiyalar kiradi.

✅ Vazirlar Mahkamasi O'zbekiston Hukumatining a'zolari – Bosh vazir, uning o'rinbosarlari va vazirlardan iboratdir. Qoraqalpog'iston Respublikasi hukumatining boshlig'i Vazirlar Mahkamasi tarkibiga o'z lavozimi bo'yicha kiradi.

📌Qonun rasmiy e'lon qilingan kundan e'tiboran kuchga kiradi.

@Olloyorbek_Baxtiyorovich

🇺🇿 25-oktyabr – O'zbekiston Respublikasi ichki ishlar organlari xodimlari kuni!

🔰 O‘zbekiston Respublikasi Prezidentining 1991-yil 25-avgustdagi PF-237-son Farmoniga va O‘zbekiston Respublikasi Prezidenti huzuridagi Vazirlar Mahkamasining 1991-yil 25-oktyabrdagi "O‘zbekiston Respublikasi Ichki ishlar vazirligi haqida"gi 270-son qaroriga muvofiq O‘zbekiston Respublikasi Ichki ishlar vazirligi tashkil etilib va uning faoliyati to‘g‘risidagi Nizom tasdiqlangan.

📄 Shuningdek, 2016-yil 16-sentyabrda "Ichki ishlar organlari to‘g‘risida"gi O‘RQ-407-son Qonun imzolanib ichki ishlar organlari faoliyati mustahkamlandi.

🎉 Shu munosabat bilan, xalqimiz osoyishtaligini ta‘minlash yo‘lidagi mashaqqatli va sharafli vazifalarni ado etib kelayotgan soha vakillariga mustahkam sog‘liq, oilaviy xotirjamlik va ishlarida omad tilaymiz!

@ohtmuz
@Olloyorbek_Baxtiyorovich

⚡️ 2024/2025-o‘quv yili uchun Huquqni muhofaza qilish akademiyasining "Prokurorlik faoliyati" bakalavr yo‘nalishiga o'tish ballari ma'lum qilindi

1️⃣ Kunduzgi ta'lim shakli bo‘yicha o‘zbek tili guruhiga:

🔹 davlat granti asosida: 180,6 ball
🔸 to‘lov-kontrakt asosida: 169,8 ball

2️⃣ Kunduzgi ta'lim shakli bo‘yicha rus tili guruhiga:

🔹 davlat granti asosida: 182,4 ball
🔸 to‘lov-kontrakt asosida: 161,2 ball

3️⃣ Sirtqi ta'lim shakli bo‘yicha (o‘zbek tili guruhi, to‘lov-kontrakt asosida): 160,3 ball

@ohtmuz
@Olloyorbek_Baxtiyorovich

⚡️ Yurisprudensiya ta'lim yo'nalishida sodir bo'lgan joriy yildagi ayrim o'zgarishlar

1⃣ Huquqni muhofaza qilish akademiyasida ikkinchi va undan keyingi ta'limning "Yurisprudensiya (prokurorlik faoliyati)" yo‘nalishi sirtqi ta'lim shaklida ham joriy etildi.

2⃣ Endilikda Jahon iqtisodiyoti va diplomatiya universiteti "Yurisprudensiya (xalqaro huquqiy faoliyat)" yo‘nalishi o‘rnida "Yurisprudensiya (faoliyat turlari bo‘yicha)" qabul e'lon qilgan.

@Olloyorbek_Baxtiyorovich

🏛 Huquqni muhofaza qilish akademiyasi “Prokurorlik faoliyati” bakalavriat ta'lim yoʼnalishiga qabul boʼyicha


✅ Oʼzbekiston Respublikasi Prezidentining 2022-yil 28-noyabrdagi “Jinoyatlarni tergov qilish sohasida malakali kadrlarni tayyorlashning sifat jihatidan yangi tizimini joriy etish toʼgʼrisida” PF–257-sonli Farmoniga asosan Oʼzbekiston Respublikasi Huquqni muhofaza qilish akademiyasida 2023/2024-oʼquv yilidan boshlab “Prokurorlik faoliyati” bakalavriat ta'lim yoʼnalishi boʼyicha kadrlarni tayyorlash joriy etilgan.

‼️ Shunga koʼra, Huquqni muhofaza qilish akademiyasida 2024/2025-oʼquv yili uchun “Prokurorlik faoliyati” bakalavriat taʼlim yoʼnalishiga qabul davom etayotganligi maʼlum qilinadi.

❇️ “Prokurorlik faoliyati” bakalavriat taʼlim yoʼnalishi boʼyicha oʼqitish kunduzgi va sirtqi taʼlim shakllarida, oʼzbek va rus tillarida, davlat granti va toʼlov-kontrakt asosida amalga oshiriladi.

📱O‘qishga qabul qilish bo‘yicha tanlovda ishtirok etuvchi nomzodlar joriy yil 5-iyundan 25-iyunga qadar (25-iyun kuni ham) test sinovi topshirish uchun my.uzbmb.uz saytining “Oliy va professional taʼlim muassasalariga (2024-2025-oʼquv yili uchun)” boʼlinmasida “Yurisprudensiya” va “Chet tili” fanlar majmuasi, taʼlim tili va test topshirish hududini tanlashi lozim.

🔠 Test sinovlari iyul-avgust oylarida oʼtkaziladi.

📄 Shuningdek, nomzodlar “Chet tili sertifikati” boʼlinmasida tegishli sertifikatni yuklashi mumkin.

@ohtmuz
@Olloyorbek_Baxtiyorovich

⚡️ Rasman: Qurbon hayiti 2024-yil 16-iyun, yakshanba kuni nishonlanadi

@Olloyorbek_Baxtiyorovich

🇺🇿 Huquqiy, ijtimoiy va dunyoviy davlat – Konstitutsiyaning ilk moddasida aks etgan biz uchratgan yangi so‘zlar aslida qanday ma'no anglatadi?

1⃣ huquqiy davlat – davlat o‘z faoliyatini, jamiyat va fuqarolarning yashash tarzini faqat Konstitutsiya va qonunlar asosidagina amalga oshirilishini ta’minlaydi. Natijada, davlat organlari va mansabdor shaxslar qonun ustuvorligi asosida xalq manfaatlari uchun ishlaydi, unga xizmat qiladi.

2⃣ ijtimoiy davlat – har bir inson uchun farovon turmush darajasi, xususan sifatli ta’lim, kafolatli tibbiy xizmat, munosib mehnat sharoiti va adolatli ish haqi, pensiya va nafaqalar, ijtimoiy yordam va xizmatlar tizimi yaratilgan, uy-joyli bo‘lish sharoiti mavjud bo‘lgan, ijtimoiy tafovutlar yumshatilgan, muvozanatlashgan, hech bir fuqaro o‘z muammolari bilan yolg‘iz qolmaydigan adolatli davlatdir.

3⃣ dunyoviy davlat – diniy tashkilotlar va birlashmalar davlatdan hamda davlat hokimiyati dindan ajratilgan, davlat boshqaruvi diniy qoidalar bilan emas, balki Konstitutsiya va qonun hujjatlari bilan tartibga solinadigan, qarorlar qabul qilishda diniy asoslarga tayanilmaydigan davlat hisoblanadi.

O‘zbekistonni dunyoviy davlat sifatida belgilash – dunyoviy taraqqiyot, turli din va mazhablar o‘rtasida bag‘rikenglik va totuvlikni mustahkamlashga, diniy birlashmalarning mustaqil faoliyat yuritishiga, din va e’tiqod erkinligini ta’minlashga xizmat qiladi.

@Olloyorbek_Baxtiyorovich

📑 Kazus yoki fabula asosida quyidagi hujjatlarni tayyorlab beramiz:

1️⃣ ma'muriy ishlar bo'yicha hujjatlar (ariza, tushuntirish xati, dalolatnoma, bayonnoma va hokazo);
2️⃣ tergov protsessual hujjatlari (ariza, tushuntirish xati, qaror, xulosa, bayonnoma va hokazo);
3️⃣ fuqarolik ishlari bo'yicha hujjatlar (da'vo arizasi, iltimosnoma);
4️⃣ prokuror nazorati hujjatlari (protest, ariza, qaror, ogohlantirish, taqdimnoma);
5️⃣ normativ-huquqiy hujjatlar;
6️⃣ advokaturaga oid korporativ hujjatlar.

⚠️ Yuqorida ko'rsatib o'tilganlar faqat o'quv jarayoni uchun.
🤝 Hujjat narxi ish hajmiga qarab kelishiladi.

➡️ Murojaat uchun: @Olloyorbek_Bakhtiyorovich