#qisqa_hikoyalar

♦️Yomg‘ir
— Ko‘chada yomg‘ir yog‘yapti! Yur aylanib kelamiz!
— Qo‘ysangizchi! Axir ko‘chada yomg‘ir yog‘yapti!

♦️Ona
— O‘g‘il kutyapsizmi, qizmi?
— Farzand kutyapman.

♦️Qoziq
Qizim, ixtiyoring o‘zingda. Biz seni, mana shuni tanlaysan, deb majburlamaymiz. Yuragingga quloq tut. Bu sening hayoting. Mana ikki nomzod, birovini tanla!

♦️Farzand
Qizini to‘lg‘oq tutib, xavotirda tug‘ruqxonaga yetib kelgan ona palatadan chiqib kelayotgan shifokorni ko‘rib kuyovi bilan bir ovozdan savolga tutishdi:
— Bolam salomatmi?

♦️Shayton
— Ich!
— Ichmayman!
— Ich, bo‘lmasa joningni olaman!
— O‘ldirsang ham ichmayman, yo‘qol! ket!
Xayol ichida do‘sti kelib qolganini sezmay qoldi.
— Tinchlikmi do‘stim, rangingda rang yo‘q, kimga baqiryapsan?
— Sardo-o-r, do‘stim, shayton menga qadah tutib ichishga majburladi, ichmadim, rost aytyapman, aniq ko‘rdim, o‘z ko‘zlarim bilan!
— Siqilma do‘stim, ko‘p ishlaganingdan hammasi, necha marta aytdim, qo‘y shu ishingni, bizga qo‘shil, biroz dam ol, – deb,  hech gapimga kirmaysan! Yur endi, bir otamlashamiz, ichsang  yengil  tortasan...

✈️ Oddiy odamlar | Ibratli dunyo