Oddiy inson | Shaxsiy blog

Turmush qurish uchun hijobga kirgan qizga “история” qoʻyish uchun Jumaga chiqadigan yigit toʻgʻri kelsa hech ajablanmayman…

Imperator saroyidan ketib qolgan bulbul oʻrniga yasama, qimmatbaho toshlar bilan bezalgan va buyruqlarga binoan tinimsiz sayraydigan soxta bulbul emas, oʻz xohishiga qarab sayraydigan va kerakli vaqtda yonida boʻla oladigan haqiqiy bulbulga muhtojdir imperator ayni damda.

Hammasi oʻz yoʻliga: ammo yurakdagi qushchani oʻldirib qoʻymaslik eng muhimi.

Inson – chorasiz emas,
duosizdir.

Pulga ruchka bilan yozadigan har bir odamga 12 varaqli yoʻl-yoʻl daftar olib bergim keladi!

Koʻzlar koʻrganini sevmaydi,
sevganini koʻradi.

Nodon insonlar ayb toparlar,
Johil insonlar uni yoyarlar,
Ahmoqlar esa soʻzsiz ishonur.
Inson boʻlgan insonlar esa:
Biz bilmagan bir tomoni
bordir, deya masalani yoparlar.!

Vaqti kelib nevaralarimga Amerikaga bormaganimni sababi Green Kartaga rasmga tushgani hafsala qilmaganim uchun deyman:)

Boshing uzra yomgʻir sharros quysa ham, nasibing qadar hoʻl boʻlasan.

Deyarli doim quloqlarimga naushnik taqib ba'zan qo'shiq, ba'zan esa audio kitoblar eshitib yuraman.

Audio kitobdan eshitgan va ta'sirli bo'lgan bir kichik hikoyani yozmoqchiman.

Bir yigit o'z ayolini amakisiga ayolim juda yaxshi, juda mehribon va sabrli deb maqtaydi. Shunda amakisi rostdanmi deb, sinamoqchi bo'lishadi..?
Avvaliga amakisi o'zini uyiga borib, xotiniga xotin tarvuz olib kel dey aytadi va ayoli tarvuzni ko'tarib olib keladi.
Lekin yo'q bu tarvuz menga yoqmadi bor boshqasini olib kel deb ayolini boshqa tarvuz olib kelishga jo'natib yuboradi.
Ikkinchi tarvuz ham yoqmaydi, shunday tarzda amaki o'zini ayoliga 10- marta tarvuz olib kelishga jo'natadi ayoli indamay 10- marta borib tarvuzni olib keladi. Va bo'ldi menga shu tarvuz yoqdi deydi. Yigit esa shunchaki kuzatib turadi. Endi xuddi shu ishni yigitni uyiga borib qilishadi.
Yigit ayoliga tarvuz keltirishni buyuradi. Ayoli olib kelgach yo'q boshqasini keltir deydi.
Ayoli xo'p deb boshqasini olib keladi. Lekin Ikkinchisi ham yoqmagach yo'q bu ham yoqmadi boshqa tarvuz olib kel deydi. Ayoli ranjib uchinchi tarvuzni olib keladi. Eri bu ham yoqmadi degan edi ayoli birdan ovozini balandlatib nima uyga bir mashina tarvuz keltirib qo'yganmidizki yoqmadi boshqa keltir deb buyuraverasiz , ana yoqmagan bo'lsa boring o'zizga yoqqani tanlab oling deb jertib tarvuzni tashlab ketadi.
Shu payt amakisi yigitga qarab ko'rdingmi deydi ..?
Yigit ham ha deb xo'rsinib qo'yadi.

Bu yerda eng asosiy holat shunda ediki, amakini uyida bor yog'i 1 dona tarvuz bor edi xolos, lekin ayoli bir xil tarvuzni 10 marta olib keldi.
Yigitni uyida esa 3 dona tarvuz bor edi, nima bo'lgani esa yuqorida ko'rdik.

Balki bunday ayollar hozir yo'qdir lekin reallikdan ko'ra shu kitob qahramonlari menga ko'proq yoqyabdi.

Daryoning ovozi karga begona
Dunyoning pardozi ko’rga begona
Zar uchun oringdan kechma birodar
Yerda bor topganing go’rga begona .

bahorni, yozni qoʻyaver. bu fasllarda hamma oshiq boʻla oladi.
sevsang, bir kishini kuz yomgʻirlari ustiga yogʻayotganida sevgin...

Hamma cho'qqiga intilayotganda oxiri ne bo'larkin deb tikilib qolaveripmiz, mana endi balanddan turib taassurotlarini aytsalar alam qilyapti. Bu tepalikning ortida nima bor ekan deb o'y surardik, endi eshitganlarimizni hayolan chizib yuripmiz. Muqovasi qalin ekan, qattiq ekan deb qancha kitoblarga javonning eng yuqorisidan joy beribmiz-u, bir changini artib qo'ymapmiz. Qancha kitoblarning orasida varaqlar buklangancha kutib yotibdi, bir kun davom etar, hotimam qiziqtirar deb.
Ehheee hayotini qog'ozga jamlagan qancha shoirlar tug'ilib, qanchasi o'tdi. Shoir ahli hayotining be'tartib dunyosini qofiyada tartiblasa kerak deb o'ylab qolaman. Biz na she'r yozdik, na yod oldik. Eplaganimiz qog'oz buklash bo'pti o'ylab qarasam.
Mana endi hamma tushayotgan o'sha tepalikka chiqishimiz kerak, endi shartmas-u lekin qiziq.

Ilmning mukammali – uni ishlatish, Amalning mukammali – uni oz deb bilishdir!

!

Oʻylashga vaqt topolmayapman. Koʻp narsalar oʻylanilmay kutib turibdi meni.