NamMTI Rektori O.Mamatkarimov

Bugun 27-iyun Matbuot va ommaviy axborot vositalari xodimlari kuni!

Sana munosabati bilan, barcha fidoiy jurnalistlarni va ommaviy axborot vositalari vakillarini Namangan muhandislik-texnologiya instituti jamoasi samimiy tabriklaydi.

©Namangan muhandislik-texnologiya instituti Axborot xizmati
Telegram |Facebook | Instagram | X | YouTube

NamMTI talabalari “UzTest” va "Milliy Metrologiya" korxonalarida amaliyot o'tamoqdalar

Institutimizning “Metrologiya, standartlashtirish va mahsulot sifati menejmenti” ta’lim yo‘nalishining 3-bosqich talabalari hozirda “UzTest” davlat muassasasining Namangan filiali hamda O‘zbekiston Milliy Metrologiya Instituti davlat muassasasi Namangan filiali korxonalarida o‘z malakaviy amaliyotlarini muvaffaqiyatli davom ettirishmoqda.

Mazkur amaliyot davomida talabalar o‘z nazariy bilimlarini real ish jarayonlarida qo‘llab, zamonaviy xalqaro standartlar va talablarga muvofiq ravishda ishlash tajribasini o‘rganmoqdalar. Ushbu tajribalar talabalarga kelgusidagi professional faoliyatlari uchun mustahkam asos yaratishga xizmat qilmoqda. Kafedra professor-o‘qituvchilari amaliyot jarayonlarini ko‘zdan kechirib, talabalarning tajriba orttirish va rivojlanishlariga oid fikr-mulohazalari bilan o‘rtoqlashdilar.

Talabalar o‘zlari o‘rgangan nazariy bilimlarni muvaffaqiyatli qo‘llayotganliklarini ta’kidlab, bu jarayon ularga katta foyda keltirayotganini aytib o‘tishdi.

Amaliyot talabalarning kelajakdagi kasbiy mahoratini oshirib, nazariy bilimlarini amaliyotda qo‘llashlariga katta turtki bo‘lmoqda.

©Namangan muhandislik-texnologiya instituti Axborot xizmati
Telegram |Facebook | Instagram | X | YouTube

Menejment ta’lim yo‘nalishining talabalari Malakaviy Amaliyotlarni muvaffaqiyatli davom ettirishmoqda

Menejment ta’lim yo‘nalishining 2- va 3-bosqich talabalari hozirda "Namangan To'qimachi" MChJ, "Home Textile NT" MChJ va "Namangan Qog'ozi" MChJ kabi korxonalarda o‘z malakaviy amaliyotlarini muvaffaqiyatli davom ettirishmoqda. Bu korxonalarda talabalar nazariy bilimlarini amaliyotda qo‘llab, real ish jarayonlarini yaqindan o‘rganish imkoniyatiga ega bo‘lmoqdalar. Bu esa ularga kelgusidagi professional faoliyatlari uchun mustahkam asos yaratishga yordam bermoqda.

Kafedra mudiri Isroil Ibragimov talabalar o‘tayotgan amaliyot jarayonlarini ko‘zdan kechirdi. U talabalar bilan uchrashib, ularning tajriba orttirishlari va rivojlanishlariga oid fikr-mulohazalari bilan o‘rtoqlashdi. Talabalar o‘zlari o‘rgangan nazariy bilimlarni amaliyotda muvaffaqiyatli qo‘llayotganliklarini va bu jarayon ularga katta foyda keltirayotganini ta’kidladilar.

Amaliyot jarayonida talabalarning kelajakdagi kasbiy mahoratlari oshmoqda va nazariy bilimlarini amaliyotda muvaffaqiyatli qo‘llashlari ularning professional rivojlanishlariga katta turtki bermoqda.

©Namangan muhandislik-texnologiya instituti Axborot xizmati
Telegram |Facebook | Instagram | X | YouTube

Hokim va yoshlar uchrashuvi o'tkazildi

Namangan muhandislik-texnologiya institutida 30-iyun Yoshlar kuni munosabati bilan "Yangi O‘zbekiston yoshlari birlashaylik!" shiori ostidagi yoshlar oyligi doirasida "Hokim va yoshlar" ochiq-muloqoti bo‘lib o‘tdi. Ushbu tadbirda Davlatobod tumani hokimi Anvarjon Tojimirzayev hamda Namangan muhandislik-texnologiya instituti rektori Odiljon Mamatkarimov ishtirok etdi va talaba-yoshlar bilan ochiq muloqot o‘tkazildi.

Tadbir davomida yoshlar o‘zlarini qiziqtirgan savollar bilan murojaat qilishdi va hokim hamda rektor ularning savollariga batafsil javob berishdi. Muloqotda yoshlarga zamonaviy ta'lim, innovatsiyalar, tadbirkorlik, kelajak rejalar va O‘zbekistonda amalga oshirilayotgan islohotlar haqida ma'lumot berildi. Shuningdek, yoshlarning fikr-mulohazalari va takliflari tinglandi.

Anvarjon Tojimirzayev talabalarga davlat tomonidan ko‘rsatilayotgan e'tibor va imkoniyatlar haqida so‘z yuritib, ularni faol bo‘lishga, yangi g‘oyalar va tashabbuslarni amalga oshirishga chaqirdi. U, shuningdek, yoshlar uchun yaratilayotgan sharoitlar va loyihalar haqida batafsil ma'lumot berdi.

Institut rektori Odiljon Mamatkarimov esa, talabalarning bilim va ko‘nikmalarini rivojlantirish, o‘quv jarayonida innovatsion yondashuvlarni qo‘llash hamda institutda amalga oshirilayotgan ilmiy-tadqiqot ishlari haqida so‘zlab berdi. U, shuningdek, talabalarning tashabbuslarini qo‘llab-quvvatlash va ularni amalga oshirishda yordam berishga tayyor ekanligini bildirdi.

Yakunda bir guruh faol yoshlar institut rahbariyati va tuman hokimligining tashakkurnomalari bilan taqdirlandilar.

©Namangan muhandislik-texnologiya instituti Axborot xizmati
Telegram |Facebook | Instagram | X | YouTube