Meni ko'tarib tezroq joyimga qo'yib tezroq ketishni harakatida bo'lishar ekan, dunyoda menga qayg'urganlar hozir menga juda kerakli paytlarida mendan yiroqlashayotganini ko'rib chinqiraman dodlayman, ammo baribir eshitishmaydi.

Shuning uchun tiriklik chog'imda bu so'zlarimni yozib qo'yayapman. Boshqalar men haqimda dindor va yana falon nimadirlar deb ikkiyuzlamachi bo'lgan holimga boqqanlarida, meni asl yuzimni faqat siz bilar edingiz. Meni qanchalar amalsizligimni, qanchalar gunohlarga botib botqoqliklardan chiqa olmas darajada bo'lgan holatlarimni faqat siz bilasiz.

Agar Robbim huzuriga ketgan chog'imda meni so'nggi manzilga kuzatishda hamrohlardan bo'lsangiz, iltimos, toqatiz yetgan darajada meni tashlab qo'ymang. Axir ahvolimni bilasizku nima bo'lishini, Mehribonimni menga rahm qilishini so'rab, meni adolat qilinishimga tashlab qo'ymang. Rahmati nasib aylashini so'rab biroz yonimda qoling. Bilasizki, u payt sizni chaqirganlarim, chinqirganlarim, dodlaganlarim sizga eshitilmaydi.

So'nggi manzilga ketar chog'imda, meni yolg'izlatib qo'ymang.

@yozganlarim_satri I ✍