Shaxsiy kanal

• Biror loyihada rahbar bo’lish ota bo’lishga o’xshaydi.

• Loyihada ishtirok etayotgan hamma haqida siz o’ylashga majbursiz.

• Ularning oyliklari, ish jarayonlar, biznes egasining holati, umuman olganda siz hammaning holidan xabar olishga majbursiz.

• Oylik masalasida ham shunday: hammaning oyligini berib, oxirida qolgan summa sizniki bo’ladi. Bu ba’zan juda ko’p, ba’zan esa juda oz bo’lishi ham mumkin(bo’lmasligi ham mumkin).

• Va bu holat o’ta tabiiy. O’ta. Chunki mas’uliyatni olgandan keyin, unga javob berish kerak bo’ladi.

• Boy bo’lish uchun diplom kerakmi?

• Yo’q.

• Lekin ilm va diplomning orasida katta farq bor.

• Juda ko’p podkast va intervyularda ko’rib qolyapmiz. Katta biznes egalari “menda diplom yo’q”, “boy bo’lish uchun diplom kerak emas”, kabi gaplarni gapirishadi.

• 100% qo’shilaman. Lekin bu gapning ma’nosi “o’qish shart emas”, “ilm olish shart emas” deyishni anglatmaydi.

• Gapning ma’nosi shuki, “diplom uchun o’qish kerak emas, u hech narsani hal qilmaydi”.

• Allohga tavakkal qilish ilm bilan bo’ladi. Ilm olamiz, ishni boshlaymiz va natijanigina Allohga tavakkal qilamiz.

• Diplomsiz millionerlar juda ko’p bo’lishi mumkin, lekin birorta ilmsiz millioner yo’q.

• Agar sizda ham shunday noto’g’ri tushuncha bo’lsa, to’g’rilab olishni maslahat beraman.

Rahmat, 101 bo’libmiz

• DeepSeek top.

• ChatGPT ishlatib o’tirmanglar. Oldi-qochdi gaplari ko’payib ketdi.

• DeepSeek o’ta sifatli javob beryapti.

• SMM’ni faqat rasm yoki video tayyorlash va post qo’yishdan iborat deb o’ylaydigan biznes egasining kosasi oqarmaydi )

• Hammasiga o’zingiz sababchisiz!

• Sizga fizika fanidan Tomas Edisson va Nyuton dars bersa ham, matematikadan Al Xorazmiydan dars olsangiz ham natija sizniki.

• Ya’ni, agar siz ulardan bilim olib, kuchli mutaxassis bo’lsangiz muvaffaqiyatingizga yoki shunday odamlardan o’rganib ham “qovoq” bo’lib qolayotgan bo’lsangiz, muvaffaqiyatsizligingizga faqat siz sababchisiz.

• O’zingiz o’qishni xohlamasangiz, sizga hech qaysi mutaxassis, hech qaysi kurs yordam bera olmaydi.

• Har qanday ilm olayotgan odam o’rgatilayotganidan ko’prog’ini bilishga mustaqil harakat qilmas ekan, rivojlanmaydi.

• Hech bo’lmasa, o’rganganlaringizni mustahkamlash uchun kurslardan tashqari ustingizda ishlamasangiz, “odam bo’la olmaysiz”.

Marketing hiylasi?

• Marketing=hiyla — nima? 🧐

• Kecha bitta video ko’rdim. Bir yigit Vodiy-Toshkent dovonida nok sotyapti.

• 1-qatorda qora qandaydir meva bordek. Odamlar aynan o’sha meva nima ekan deb yo’lda ketayotgan vaqtida to’xtab, u haqida so’rashmoqchi.

• Lekin odamlar kelishi bilan sariq nokdan kesib, yeb ko’rishni taklif qilyapti.

• Qora meva uchun to’xtagan odamlarga u taklif qilayotgan narsa qiziq emas. Qora meva esa shunchaki maket(tuzoq, yolg’on, xalq tilida aytganda “marketing”).

• To’xtagan odamlarning esa hafsalasi pir bo’lib, qaytib ketishyapti(kimdir so’kkan bo’lsa ham ajab emas).

• Shu sohada 3 yildan beri ishlayotgan inson sifatida aytaman, buni marketingga hech qanday aloqasi yo’q. Bu oddiygina yolg’on, aldov, firibgarlik.

• Bunday ishlar kelajakda marketingni firibgarlik Top of mind’ida* shakllanishiga sabab bo’ladi(*TOM haqida keyinroq yozaman).

• Ya’ni odamlardan marketing nima deb so’ralsa, odamlarni aldash, firibgarlik deb javob berishiga sabab bo’lishi mumkin.

• Iltimos, qilayotgan firibgarligingiz, aldovingiz, tovlamachiligingizni “Marketing” deb atamang.

• Mehnat hech qachon qadrlanmaydi.

• siz 20 kun uxlamasdan biror topshiriqni bajarasizmi, qiynalasizmi yoki 2 daqiqada qilib qo’yasizmi, buni topshirib bergan odamga ahamiyati yo’q.

• agar natija qilmasangiz, hech qachon qilgan mehnatingiz qadrlanmaydi.

• agar mehnat qadrlanganida eshak eng sevimli hayvon bo’lgan bo’lardi.

Xatoga munosabat:

• 1-martasi tajribasizlik;

• o’sha xatoni 2-marta qilish mas’uliyatsizlik;

• uni 3-marta takrorlash esa farosatsizlik.

Xatolarga bo’lgan munosabat, hayotdagi pozitsiyamizni belgilaydi.