Есиклерди "Инсан қәдири" ашқанда...
Инсан турмысында өмирге деген көзқараслары өзгереди.
Аўа, усылай!
Қарақалпақстан Республикасы ҳаял-қызлар реабилитация, саўалландырыў орайында аўыл-қалалардағы айырым ҳаял-қызлар шаңарақта зулым көргенлер усы орайда ўақтынша баспаналы болады. Орайда олардың денсаўлығы қайта тикленеди, ҳуқықый ҳәм психологиялық жәрдемлер көрсетиледи.
Бүгин қала ҳәкиминиң ҳаял-қызлар ислери бойынша орынбасары Д.Қутлымуратова орайда болып, жас балалы ҳаял-қызларға Жаңа жыл мүнәсибети менен саўғалар тапсырды.
Саўға өз жолына, лекин итибар, орайдағылардың машқаласын тыңлаў, дәртлес болыў, кеўиллерин алыў бул ҳәр қандай саўғадан да үстин ҳәм әзиз турады.
Адамзат бар ол кеўилге, мийримге мүтәж. Меҳир ҳеш кимге көплик етпейди.
Д. Қутлымуратова орайдағы ҳәр бир ҳаял-қызлар менен айрықша сөйлесип, оларды тыңлады. Ҳаял-қызлардың мүрәжатлары басшылыққа алынды.
-Керек болса, байрам сәнесинде де мүрәжатлар тыңлаўға, халыққа хызмет етиўге таярмыз,-дейди Д.Қутлымуратова.