Cочлари қорларга ҳавасим келар,
Толеи ёрларга ҳавасим келар.
Ҳамма-ҳаммасидан ишонаверинг,
Отаси борларга ҳавасим келар.
Элликка кирса ҳам боладек юрар,
Кутади, ошга қўл узатмай турар.
Муаммо нимае, тортинмай сўрар,
Отаси борларга ҳавасим келар.
Уйидан барака кетмас нарига,
Розидир дастурхон йўғу борига.
Юраги оғримас, чопмас дорига,
Отаси борларга ҳавасим келар.
... Кимларгадир туюласиз катталар,
Сизга таъриф асли не деб аталар,
Болалиги тугамаган оталар...
Отаси борларга ҳавасим келар.

Xayrulla_Hamidov_

Йиғлама дил