NODIR | SEO & Google Ads

Saytingizga trafik ko’paytirishni 5 ta usuli

Onlayn biznesingizni rivojlantirish uchun veb-saytingizga tashrif buyuruvchilar sonini oshirish muhim ahamiyatga ega. Quyida shu bo’yicha 5 ta usullar keltirilgan.

1️⃣ Saytda blog yaratish orqali trafikni oshirish
Blog – foydali kontentni muntazam nashr etish orqali organik trafikni oshirish vositasi. Bu foydalanuvchilarning axborotga bo’lgan ehtiyojlarini qondirishga yordam beradi va saytingizni qidiruv tizimlarida yuqori o’rinlarga olib chiqadi.

2️⃣ Subdomenlarni joriy etish
Muayyan maqsadlar, auditoriya yoki hududlar uchun maxsus subdomenlar yaratish orqali saytning qidiruv tizimlaridagi ko’rinishini yaxshilash va yangi foydalanuvchilarni jalb qilish mumkin.

3️⃣ Ijtimoiy tarmoqlarda faoliyatni kuchaytirish
Ijtimoiy tarmoqlarda faol ishtirok etish, foydali va qiziqarli kontentni ulashish orqali brendingizni keng auditoriyaga tanitish va saytingizga qo’shimcha trafik jalb qilish mumkin.

4️⃣ SEO optimallashtirishni amalga oshirish
Saytning qidiruv tizimlariga moslashuvi, to’g’ri kalit so’zlardan foydalanish va sifatli kontent yaratish orqali organik trafikni oshirish mumkin.

5️⃣ Reklama kampaniyalarini o’tkazish
Kontekstli reklama, bannerlar yoki ijtimoiy tarmoqlardagi reklama kampaniyalari orqali saytingizga maqsadli auditoriyani jalb qilish va trafikni oshirish mumkin.

Ushbu usullarni qo’llash orqali veb-saytingizga tashrif buyuruvchilar sonini oshirishingiz va onlayn biznesingizni rivojlantirishingiz mumkin.

Ps: Saytingizni SEO bilan jonlantiring!

@nodir

18+ saytlar nega .UZ domenida yo‘q?

Yangiliklar saytini yuritganim uchun, elektron pochtaga ogohlantirishlar kelib turardi, Ogohlantirish shundaki nojo‘ya saytlar, qimorga oid saytlar o‘zini saytini saytdagi profiliga yoki xabarlardagi izohlarga yozib ketish holatlari ko‘p bo‘lardi.

SEO dan xabarim bo‘lgani uchun ko‘p nojo‘ya saytlar nima uchun bunaqa qilishini bilaman. Shu sabab ogohlantirish kelib turardi, shu sahifada shu mazmunda maʼlumot bor, olib tashlang yoki domenni bloklab qo‘yamiz degan maʼnoda. 

Nima demoqchiman, .UZ domeni doim tekshirilib turadi, shunchaki xohlagan mavzuda sayt qilib ketolmaysiz, qonun doirasida ishlash talab qilinadi. .UZ domeni toza ishlash uchun yaxshi, qing‘ir yo‘llarga to‘g‘ri kelmaydi.

2 kun oldin, 5 taga yaqin domenlarni ro‘yxatga olmoqchi edim, pulini to‘ladim, negadir bittasi ro‘yxatdan o‘tmadi, telefon qilishdi nega bu domenni olyapsiz? nima maqsadda ishlatasiz deb, nima maqsadda ishlatishimni tushuntirganimdan keyin ro‘yxatdan o‘tqazib berishdi. Tushunyapsizmi? hozirgi kunda aldovlar ko‘payib ketganligi uchun, dunyoda mashhur bo‘lgan domenlarga yaqin .uz variantini olishda tekshirib ko‘rishyabdi. Bu juda zo‘r xavfsizlik uchun eʼtiborsiz emas.

Maʼlumot uchun, shuning uchun .UZ domenda 18+ saytlar, azart o‘yinlarni saytlari yo‘q, kontentda ham ishtirok etsa ogohlantirish keladi. Shu tomoni juda yaxshi, nazorat qilib turishadi, bo‘lmasa bormi nimalar bo‘lib ketardi. 

TV da ham shunaqa nazorat bo‘lganda, kinolarimizni oilaviy tomosha qilib o‘tiradigan bo‘lardik. Afsuski unaqa emas.

P.s: Saytingizni SEO bilan jonlantiring!

@nodir

Sayt yaratishda asosiy xatolik: Texnologiya tanlashda adashmang!

Sayt yaratishda eng muhim qismlaridan biri, qaysi texnologiyada saytni qilish kerak? SEO bo‘yicha 7 yildan beri ishlab kelaman va mijozlarimda bo‘ladigan katta xatoliklardan biri to‘g‘ri texnologiyada sayt qildirmagani, to‘g‘ri ularda ham ayb emas, sababi tushunmaydi, sayt bo‘lsa bo‘ldi deb sayt yaratib qo‘yishgan.

Sayt nima maqsadda ochmoqchisiz shuni oldin aniqlab oling, ertaga ko‘proq trafik jalb qilish niyat bo‘lsa va blog joylab borish niyat bo‘lsa Tilda va kodda sayt qildirmang, Tildada sahifalar soniga qarab oylik to‘lov o‘zgarib boradi va har bir blog static qilib sahifa yaratib qo‘shib boriladi, kodda bo‘lsa har bir funksiya qo‘shimcha ish va ortiqcha mablag‘ talab qiladi, boshqa birovni kodiga boshqa dasturchi ishlagisi kelmaydi va boshqatdan sayt qilish yaxshi variant deb aytishi mumkin. Kodga tushunadigan mutaxassis topish ham muommo bo‘lishi mumkin. Topgan taqdiringizda ham qimmatga tushasiz. 

Bir martalik loyihalar, kichik sayt bo‘lsa bo‘ldi deydigan loyihalar uchun tilda bo‘ladi, Tilda zapuskchilar uchun ideal variant. Murakkab saytlar uchun kodda yozgan yaxshi, misol uchun portallar, katta internet do‘konlar va shunga o‘xshab murakkab funksiyali loyihalar uchun kodda yozish to‘g‘ri bo‘lishi mumkin, shunda ham SEO mutaxassis bilan maslahatlashgan holda qilinsa ertaga shuncha xarajat qilib sayt qildik nega odam kirmiyabdi deb vaqtingizni va mablag‘ingizni havoga uchirmaysiz.

Nega deysizmi ko‘p dasturchilar SEO dan xabari bo‘lmaydi, aslida xabari bo‘lmasligi tabiiy hol, chunki mutaxassisligi kod yozish. Tajribamdan kelib chiqib aytishim mumkin, O‘zimizda kodda yozilgan saytlarda umuman SEO uchun moslashtirilmagan va visual ishlaydigan qilib berishadi dasturchilar. Bu keyinchalik buyurtmachiga boshidan struktura noto‘g‘ri tanlanganligi sababli qimmatga tushadi.

Kichikroq va o‘rta loyihalar uchun wordpress yaxshi variant, faqat hosting va domenga pul to‘laysiz, cheksiz sahifalar yaratish mumkin, muhimi bepul. 2024 yil statistikasiga ko'ra dunyo bo'yicha 43-45% saytlar wordpressda ochilgan va CMS bozori bo'yicha 60% wordpressga to'g'ri keladi.

Xohlagan paytingizni SEO mutaxassis yollashingiz mumkin, Wordpress SEO bo‘yicha barcha standartlarga to‘g‘i keladi. Hostingga o‘rnatish ham oson. Ertaga loyihani optimizatsiya qilish niyatingiz bo‘lsa ham mutaxassis topish murakkab emas va qimmatga ishlashmaydi. Kompaniya saytlari, kichik internet magazinlar, blog saytlar va shunga o‘xshash loyihalar uchun ideal tanlov. O‘zimga ham maslahat so‘rab yozsangiz to‘g‘ri tanlov qilishingizga yordam berib yuboraman.

Dunyodagi barcha saytlar bo'yicha kichik statisika:

WordPress: 43-45%
Wix: 2-3%
Shopify: 4-5%
Tilda: 0.1-0.3%

Bu postni nimada sayt yaratamiz yoki sayt yaratish rejasi bor odamlarga yetkazib qo‘ying, ertaga 2-3X ortiqcha to‘lov qilishmasin.

P.s: Saytingizni SEO bilan jonlantiring.

@nodir

Endi premium domenlar auksionda sotiladi

Uzex premium domenlar va egasiz qolib ketgan domenlarni auksion orqali sotishni yo’lga qo’yibdi. Bu yaxshimi? albatta yaxshi lekin narxlar ko’tarilib ketadi.

Chiroyli domenlar va oldin ishlagan domenlar SEO tomondan qaraganda qiymati baland hisoblanadi. Yangi domen olib ishlatgandan ko’ra, eski ishlab turgan domenni olib ishlatish vaqt va mablag’ tomondan yaxshi baholanadi.

Endi domenlarni ham auksiondan sotib olib ishlatishimiz mumkin, hozircha domenlar soni juda kam, endi to’ldirib borilsa kerak.

P.s: Saytingizni SEO bilan jonlantiring!

@nodir

🏘 Poydevorsiz uy barpo etasizmi? Saytingizni SEO'siz yaratmang!

Ko‘p tadbirkorlar sayt yaratishga katta mablag‘ sarflaydi, ammo mijozlar oqimini ta'minlashni o‘ylamaydi. Natija nima? Chiroyli, ammo hech kim tashrif buyurmaydigan sayt. Sayt yaratishdan oldin SEO haqida o‘ylamaslik – uy qurishda poydevorni e'tiborsiz qoldirishga o‘xshaydi.

🔍 Sayt yaratishda SEO maslahati nega muhim?
To‘g‘ri tuzilma: SEO bo‘yicha maslahat sayt tuzilmasini boshidanoq mijozlar va qidiruv tizimlari uchun qulay qilishga yordam beradi.
Kalit so‘zlar tahlili: Qaysi mahsulot yoki xizmatlarga talab borligini aniqlab, ularni saytda aks ettirishni ta'minlaydi.
Kelajakdagi trafik: Boshlang‘ich SEO strategiyasi saytga organik mijozlar oqimini kafolatlaydi.

🎯 To‘g‘ri start uchun qadam tashlang!
Saytingizni yaratishga kirishmasdan oldin SEO mutaxassisi bilan maslahat oling. Bu sizga vaqt, pul va asabni tejash bilan birga, biznesingizni bir qadam oldinga olib chiqadi.

P.s: Saytingizni SEO bilan jonlantiring!

@nodir

Saytga oyiga qancha backlink qo’yish tavsiya qilinadi?

Bu mavzuda ko’p gapirish mumkin, Sizlarga sodda qilib tushuntiraman, saytni yoshiga qarab oyma oy quyidagi holatda backlink qo’yib borishni tavsiya qilaman.

* Saytning birinchi 1-3 oyida oyiga 20 ta havola qo’shish.
* 3-6 oylarda bu ko‘rsatkich oyiga 50 ta havolagacha chiqarish mumkin.
* 6-12 oylarda esa oyiga 60 dan 100 tagacha havola qo‘shish mumkin.

Aynan yuqoridagi tavsiyaga amal qilgan holda targ‘ib qilinayotgan saytda havolalarni asta-sekin va xavfsiz tarzda ko‘paytirish tavsiya etiladi.

Bu usul yordamida saytni optimallashtirish jarayonida haddan tashqari ko‘p havola qo‘shilishining oldini olish va tabiiy rivojlanishni ta’minlash mumkin.

P.s: Saytingizni SEO bilan jonlantiring!

@nodir

Sifatli backlinklar: Nega muhim va qanday olish mumkin?

Backlinklar — bu boshqa saytlardan sizning saytingizga olib boruvchi havolalar desak bo’ladi. Sifatli backlinklar sayt obro‘sini oshiradi va qidiruv tizimlarida yuqori o‘rinlarni egallashga yordam beradi. Ammo bu havolalar faqat sifatli va tabiiy bo‘lishi kerak, aks holda foyda o‘rniga zarar yetkazishi mumkin.

Sifatli backlink olishning eng yaxshi usuli — foydali va qiziqarli kontent yaratish. Masalan, foydalanuvchilarga kerakli maslahatlar yoki dolzarb mavzularda maqolalar yozing. Yaxshi kontent boshqalar tomonidan ulashiladi va tabiiy ravishda backlinklar paydo bo‘ladi.

Misol uchun zamin.uz saytimizdagi maqolalarni boshqa saytlar olib o’zini saytiga qo’yishardi va manba sifatida zamin saytini ko’rsatardi. Shu ham backlink sifatida foydali bo’lardi. Shuning uchun kontentizdan boshqa saytlar foydalanganini bilib qolsangiz, sayt egasiga murojaat qilish kerak, havola bilan qo’ying yoki olib tashlang deb.

Shuningdek, boshqa bloglar yoki saytlarga mehmon maqolalar yozish ham foydali. O‘sha maqolalarga o‘z saytingizga olib boruvchi havola qo‘shish mumkin. Bu nafaqat trafikni oshiradi, balki ishonchli backlink olishga yordam beradi.

Yana bir muhim narsa – backlinklar tabiiy ko‘rinishi kerak. Agar havolalar sun’iy yoki spam usullar bilan olingan bo‘lsa, qidiruv tizimlari buni payqab qoladi va saytingiz reytingini pasaytirishi mumkin. Shu sababli sifatsiz manbalardan havola olishdan qoching.

Sifatli backlinklar olish sabr va mehnat talab qiladi, lekin natijasi uzoq muddat davomida sizga foyda keltiradi. Asosiysi – sifatli kontent va ishonchli manbalar bilan ishlash! 😊

Kontent foydali bo’lgan bo’lsa reaksiya qoldiring.

P.s: Saytingizni SEO bilan jonlantiring!

@nodir

Xitoydan serverni masofadan yoqib o'chiradigan narsa buyurtma qilgan edim, o'rnatib keldim juda qulay narsa ekan. Telefon orqali boshqarish mumkin.

Sababi server uyda turmaydi ishxonaga o'rnatganman, masofadan turib o'chirish yoki yoqish mumkin.

Ko'p holatda svet o'chsa serverni yoqish kerak bo'ladi. Masofadan yoqish juda qulaylik beradi.

Endi UPS olishimiz kerak, svetga o'chmasligiga ishonch yo'q, doim server doim online bo'lib turishi juda muhim.

Sababi backlinklar va google business profilni topga chiqarish va saytlarni analiz qilib turish doim ishlab turishi kerak.

Imkon darajasida ishingizni osonlashtiradigan, vaqtingizni tejaydigan narsalarga investitsiya qiling.

P.s: Saytingizni SEO bilan jonlantiring!

@nodir

Avtomatlashtirish muhim!

2012 yildan beri shu sohada bo’ladigan bo’lsam, qo’l mehnati bilan ko’p vaqtimni ketqazganman, oxirgi yillarda shunaqa hulosaga keldim.

Nima ishni boshlamoqchi bo’lsam, oldin shuni avtomatlashtirish imkoniyati bormi? shu savolni o’zimga beraman va avtomatlashtirish bo’yicha yechim qidiraman. Avtomatlashtirish yo’lini topsam keyin avtomatlashtirib qo’yaman.

Hozirgi texnologiya zamonida juda ko’p narsalarni avtomatlashtirish imkoni bor, shu sabab avtomatlashtirish Sizga yetarlicha vaqt va ko’p imkoniyatlar eshigini ochadi, shu sabab avtomatlashtirish juda muhim!

Yuqoridagi kompyuterni zo’rini olishdan maqsad, juda ko’p ishlarni bir vaqtni o’zida bajarish va vaqtdan unumli foydalanish uchun investitsiya sifatida olindi.

Siz ham hozir qilayotgan ishingizni avtomatlashtirib qo’yish mumkinligini haqida o’ylab ko’rganmisiz?

P.s: Saytingizni SEO bilan jonlantiring!

@nodir