O'zNNTMA Namangan viloyat hududiy bo'linmasi

#Наманган
#Бобурхонлик_анжумани

♻️ЎзННТМА аъзоси Ахсикент халқаро илмий тадқиқот жамоат бирлашмаси ташаббуси билан Наманган Педагогик институтида Захириддин Мухаммад Бобур таваллудининг 542 йиллигига бағишланган “Бобур ва Ахсикент” 6- халқаро илмий амалий анжуман ўтказилди.

♻️Мазкур анжуманда вилоятимиз кенг жаоатчилиги, ННТлар вакиллари, институт профессор-ўқитувчилари, талабалар иштирок этдилар.

♻️Анжуманда Турон ФА академиги М.Мирсайдуллаев Ахсикент халқаро илмий тадқиқот жамоат бирлашмасининг 2024 йилдаги Бобурнинг хаёти билан боғлиқ янги маълумотларни ўрганиш ва Ахсикентни тадқиқ қилиш борасида ташкилот илмий ходимлари томонидан олиб борилган илмий ишлар, экспедициялар, чоп этилган китоблар тўғрисида кенг маълумот берди.

♻️Тарих фанлари номзоди, доцент Т.Қозақовнинг “Бобурнома”даги географик маълумотлар: қўрғонлар-йўллар-масофалар” мавзусидаги, филология фанлари доктори, профессор Н.Отажоновнинг “Бобурномада Қуръон мавзуси” даги маърузалари тингланди.

♻️Турон ФА Ахсикент халқаро тарих ва археология илмий тадқиқот институти директори С.Азамова Бобур ва Темурийзода маликаларнинг давлатчилик тарихида тутган ўрнини тадқиқ қилиш борасида олиб борилаётган ишлар юзасидан ахборот берди.

♻️Тадбир якунида бир гурух устозлар Турон ФА томонидан кўкрак нишонлари балан тақдирландилар. Иштирокчиларига Бобур ва Ахсикент тарихига оид маълумотлар жамланган китоблар совға қилинди.

🌐Канал: @nnt_namangan

Ахсикент халқаро илмий тадқиқот жамоат бирлашмаси

#Очиқ_эшиклар_куни
#Наманган

🇺🇿2025 йил 13-февраль куни, ЎзННТМА Наманган вилоят ҳудудий бўлинмаси ҳамда "Мадад" муассаса шаклидаги ННТнинг вилоятдаги бюроси билан ҳамкорликда навбатдаги “ОЧИҚ ЭШИКЛАР КУНИ” тадбири ўтказилди.

✅ Тадбирда, "Мадад" - муассаса шаклидаги Наманган шаҳар бюроси мутахассиси – И.Абдуллаев иштирок этди.

♻️ Кун давомида, ўтказилган “Очиқ эшиклар куни”да ННТлар ва фуқаролар томонидан умумий 5 та турли мазмундаги мурожаатлар билдирилди.

✅ Келиб тушган мурожаатлар:

➖ Ички ишлар органлари “Фахрийлар маркази” нодавлат нотижорат ташкилоти масъул ходими Нарзуллаева Хулкарой Наримоновна томонидан “ННТ нинг Адлия органидан қайта рўйхатдан ўтиш тартиби” ҳақида ҳуқуқий тушунтириш сўраган.

➖ “Тадбиркор аёл” Халқаро ишбилармон аёллар ассоциацияси Наманган вилоят бўлими раиси Абдухалимова Лола Хабибуллаевна томонидан “Солиқ хисоботлари ва даромадлар ҳақидаги хисоботни тақдим этмаслик учун қўлланадиган жарима” ҳақида ҳуқуқий тушунтириш сўраган.

➖ Фуқаро Мажидова Ҳамидахон Абдуғаффаровна томонидан “Никоҳни бекор қилиш тартиби” ҳақида ҳуқуқий тушунтириш сўраган.

➖ Фуқаро Қаҳҳарова Адиба Турдибаевна томонидан “Моддий ёрдам тайиланиши” ҳақида ҳуқуқий тушунтириш сўраган.

➖ Фуқаро Дадабоев Равшанбек Собитханович томонидан “Ота томонидан алимент тўланмаса давлат томонидан тўлаб берилиши” ҳақида ҳуқуқий тушунтириш сўраган.

👨🏻💻 Ўтказилган тадбир давомида, келиб тушган барча мурожаатлар бўйича жойида ҳуқуқий ва консультатив тавсия ҳамда маслаҳатлар берилди.

❗️Маълумот учун: ННТлар фаолиятига оид муаммоли масалалар учраётганлиги сабабли йил давомида “Очиқ эшиклар куни” тадбирини ўтказиб бориш режалаштирилган.

🌐Канал: @nnt_namangan

🇺🇿 ӮзННТМА Наманган вилоят ҳудудий бўлинмаси.

#Наманган
#Давра_суҳбати

🇺🇿ЎзЛиДеП вилоят Кенгаши мажлислар залида Ўзбекистон Республикаси Президентининг 2021 йил 21 декабрдаги "Ногиронлиги бўлган шахсларни ҳар томонлама қўллаб-қувватлаш, уларнинг бандлигига кўмаклашиш ҳамда ижтимоий фаоллигини янада оширишга оид қўшимча чора-тадбирлар тўғрисида”ги ПҚ-57-сонли қарори ижросига бағишланган давра суҳбати ўтказилди.

♻️Давра суҳбатида вилоятдаги ННТлар ва давлат ташкилотлари вакиллари иштирокида вилоятимиздаги Ногиронлиги бўлган шахслар ва уларнинг тадбиркорлигини ҳар томонлама қўллаб-қувватлаш борасидаги ҳамкорликни ривожлантириш ва келгуси режаларни муҳокама қилинди.

♻️Ўзбекистон Савдо-саноат палатаси Наманган вилоят ҳудудий бошқармаси бошлиғи О.Акбаров, вилоят Адлия бошқармаси бўлим бошлиғи З.Ахмадхўжаева, ЎзННТМА Наманган вилоят худудий бўлинмаси бошлиғи И.Каримов, Ижтимоий ҳимоя Миллий агентлиги Наманган вилоят бошқармаси ходими И.Саттаровлар ногиронлиги бўлган шахсларни қўллаб-қувватлашнинг самарали тизимини шакиллантириш, уларни меҳнат фаолиятига кенг жалб қилиш орқали ҳаёт сифати ва даражасини ошириш ҳамда ногиронлиги бўлган шахслар учун янги иш ўринларини яратиш масаларида ўзаро ҳамкорлик қилиш юзасидан фикр мулоҳазаларини билдирдилар.

♻️Давра суҳбати якунида Ўзбекистон Савдо-саноат палатаси Наманган вилоят ҳудудий бошқармаси ва Ўзбекистон Ногиронлар Ассоциацияси Наманган вилояти ҳудудий бўлими, Ўзбекистон Ногиронлар жамияти Наманган вилояти бўлими, Ўзбекистон Кўзи ожизлар жамияти Наманган вилояти бўлими, Ўзбекистон Карлар жамияти Наманган вилояти бўлими ўртасида ҳамкорлик тўғрисидаги меморандумлар имзоланди.

🌐Канал: @nnt_namangan