#NMPI_90_jıl

◾️Qaraqalpaqstandaǵı tuńǵısh joqarı oqıw ornı – pedagogikalıq instituttıń 90 jıllıǵı belgilenedi

1934-jılı Tórtkúl qalasında Qaraqalpaq mámleketlik muǵallimler institutı sıpatında shólkemlestirilgen házirgi Ájiniyaz atındaǵı Nókis mámleketlik pedagogikalıq institutı bıyıl 90 jıllıq torqalı toyın belgilemekte.

Qaraqalpaqstan Respublikası Joqarǵı Keńesi hám Ministrler Keńesi, Joqarı bilimlendiriw, ilim hám innovaciyalar ministrliginiń baslaması hám qollap-quwatlawı menen usı jıldıń 31-oktyabr kúni saat 10:00 de paytaxtımız Nókis qalasındaǵı Berdaq atındaǵı Qaraqalpaq mámleketlik akademiyalıq muzıkalı teatrında «Qaraqalpaqstandaǵı birinshi ilim-bilim dárgayına 90 jıl!» atamasındaǵı respublikalıq konferenciya hám koncert baǵdarlaması shólkemlestirilmekte.

Pedagogikalıq institut pitkeriwshisi, Ózbekstan Qaharmanı, xalıq shayırı Ibrayım Yusupovtıń:
«Qaraqalpaqqa qalıń kitap oqıtqan,
Sen teberik dárgayısań bilimniń», – dep atap ótkenindey, xalqımızdıń tereń bilimli, ozıq-oylı, joqarı intellektuallıq potenciallı bolıwına xızmet etip kiyatırǵan ilim-bilim orayı – Ájiniyaz atındaǵı Nókis mámleketlik pedagogikalıq institutınıń 90 jıllıq toyına bársheńizdi mirát etemiz!

Ájiniyaz atındaǵı Nókis mámleketlik pedagogikalıq institutı rektoratı hám miynet jámááti.

Bizdi baqlap barıń
📱 Telegram | 📱 Instagram | ▪️ Facebook | ▪️ YouTube