🔴Keksalarga e’tibor – jamiyat burchi!

🟢 O‘zbekiston Respublikasi Prezidentining 2022-yil 15-martdagi “Nuroniylarni har tomonlama qo‘llab-quvvatlash, ularning turmush darajasini oshirishga doir qo‘shimcha chora-tadbirlar to‘g‘risida”gi PQ-167-sonli qarori nuroniylar va yordamga muhtoj keksalar holidan muntazam xabar olish, ularni har tomonlama qo‘llab-quvvatlash borasida muhim hujjat hisoblanadi. Mazkur qarorning “O‘zgalarning parvarishiga muhtoj bo‘lgan keksalar va yolg‘iz yashovchi keksalarni ma’naviy-ruhiy hamda psixologik qo‘llab-quvvatlash” bandida belgilangan vazifalar ijrosini ta’minlash doirasida joriy yilning 14-yanvar kuni muhim tashabbus amalga oshirildi.

🟢 Navoiyning turli mahallalarida yashovchi yordamga muhtoj fuqarolar holidan xabar olish maqsadida Navoiy innovatsiyalar universiteti Yoshlar masalalari va ma’naviy-ma’rifiy ishlar bo‘yicha prorektori A.Ergashov, Iqtidorli talabalar bilan ishlash bo‘limi boshlig‘i E.Abdualimov, universitet psixologi F. Boboyeva hamda faol volontyor talabalar xonadonlarga tashrif buyurishdi. Ular tomonidan ehtiyojmand fuqarolar uchun bayramona sovg‘alar va go‘sht mahsulotlari ulashildi.

🟢Tashrif davomida fuqarolarning ijtimoiy va ruhiy holati o‘rganilib, psixologik yordam ko‘rsatildi. Shuningdek, ular bilan samimiy suhbatlar o‘tkazilib, fuqarolarning bayramni ko‘tarinki ruhda o‘tkazishlariga alohida e’tibor qaratildi. Ushbu tashabbus nafaqat fuqarolarga moddiy yordam ko‘rsatish, balki ularning ruhiy holatini yaxshilash, jamiyatga bo‘lgan ishonchini mustahkamlashga qaratilgan muhim qadam bo‘ldi.

Bu kabi tashabbuslar orqali O‘zbekistonda keksalarni qo‘llab-quvvatlash, ularning hayotini yanada mazmunli qilish borasida muhim ishlarga zamin yaratilmoqda.

🏛 Navoiy innovatsiyalar universiteti
Matbuot xizmati

Bizni ijtimoiy tarmoqlarda kuzatib boring:

📱 Telegram | 📱 Instagram | 📱 Web-sayt