O‘zbekiston Respublikasi Bosh vaziri - Fuqaro muhofazasi boshlig‘ining 2024-yil 22-yanvardagi 1-sonli hamda Navoiy viloyati hokimi - Fuqaro muhofazasi boshlig‘ining 2024-yil 21-oktabrdagi “2024-yil 20-22-noyabr kunlari Uchquduq tumanida o‘tkazilishi rejalashtirilgan hamkorlikdagi qo‘mondonlik-shtab o‘quv mashqiga tayyorgarlik ko‘rish va o‘tkazish to‘g‘risida”gi 15-FM-sonli buyruqlariga asosan, joriy yilning 21-noyabr kuni “Issiqlik manbai” DUK Uchquduq filialida “Tabiiy va texnogen xususiyatli favqulodda vaziyatlar sodir bo‘lganda filial fuqaro muhofazasi tuzilmalari hamda tegishli xizmatlar bilan hamkorlikdagi harakati” mavzusida ko‘rgazmali maxsus-taktik o‘quv mashqi o‘tkazildi.

O‘quv mashqining asosiy maqsadi korxonaning Uchquduq filialida “Favqulodda vaziyatlarda ularning oldini olish va bartaraf etish rejasi” ning amaliyligini tekshirish, rahbarlar tarkibi va FM tuzilmalari shaxsiy tarkibining fuqaro muhofazasi tadbirlarini bajarishdagi tajriba va malakasini oshirish hamda obyekt rahbariyati va tuman FVDqT xizmatlarining hamkorlikdagi harakatlarini amalda tekshirish va muvofiqlashtirish deb belgilandi.

O‘tkazilgan tadbirlarga Uchquduq tumani Favqulodda vaziyatlar davlat tizimining hududiy quyi tizimlari hamda filial FM tuzilmalaridan jami 93 kishi va 14 ta maxsus texnika jalb etildi.

O‘quv mashqi rahbariyati tomonidan obyekt Fuqaro muhofazasi tuzilmalari sodir bo‘lishi mumkin bo‘lgan favqulodda vaziyatlarni bartaraf etishga “Tayyor” deb baholandi.