Навоий вилояти Маънавият ва маърифат марказида вилоят ҳокимлиги, Ўзбекистон Касаба Уюшмалари Федерациясининг вилоят Кенгаши, вилоят Маънавият ва маърифат бўлими ҳамкорлигида Янги йил байрами муносабати билан вилоятдаги таълим муассасаларида узоқ йиллар давомида фаолият олиб бораётган тозалик фаришталари учун “Эътибор, эъзоз, эҳтиром!” номли маънавий-маърифий ва маданий байрам тадбири бўлиб ўтди.

Тадбирда Ўзбекистон Касаба Уюшмалари Федерациясининг вилоят Кенгаши раиси Назира То-аева иштирок этиб, йиғилганларни байрам билан табриклади ва 160 нафар соҳа фидойиларига ҳамда қимматбаҳо совғаларини топширди.

Вилоятнинг таниқли маданият соҳаси вакиллари томонидан куйланган аёлларни мадҳ этувчи куй-қўшиқлар тадбир иштирокчиларига ўзгача кўтаринкилик бағишлади.