Namangan davlat texnika universitetida bitiruvchilar bandligiga bag‘ishlangan uchrashuv bo‘lib o‘tdi
Bugun Namangan davlat texnika universitetida O‘zbekiston Respublikasi Prezidentining 2025-yil 14-fevraldagi PQ-61-62 sonli Qarorlari ijrosini ta’minlash maqsadida muhim uchrashuv tashkil etildi. Tadbir Markaziy bankning Namangan viloyati bosh boshqarmasi hamda O‘zbekiston Respublikasi Prezidenti huzuridagi Davlat xizmatini rivojlantirish agentligi Namangan viloyati filiali bilan hamkorlikda o‘tkazildi.
Mazkur uchrashuvda universitetning iqtisodiy sohalar bo‘yicha tahsil olayotgan bitiruvchi kurs talabalari, viloyatimizdagi yetakchi banklar vakillari hamda davlat tashkilotlari mutasaddilari ishtirok etdilar. Tadbir davomida talabalar va ish beruvchilar o‘rtasida ochiq muloqot o‘rnatilib, mehnat bozoridagi dolzarb masalalar, iqtisodiyotning rivojlanishi uchun malakali kadrlarni tayyorlash jarayoni va bitiruvchilarning ish bilan ta’minlanish imkoniyatlari haqida atroflicha fikr almashildi.
Tadbirda so‘zga chiqqan mutaxassislar bank-moliya sohasida zamonaviy kasbiy ko‘nikmalarga ega bo‘lish muhimligi, bu borada oliy ta’lim muassasalari va ish beruvchilar o‘rtasidagi hamkorlikni yanada kuchaytirish zarurligini ta’kidladilar. Shuningdek, bitiruvchilarga ishga joylashish jarayoni, bank tizimidagi mehnat faoliyati, zamonaviy bank xizmatlari va innovatsion moliyaviy texnologiyalar haqida kengroq tushunchalar berildi.
Yig‘ilish yakunida talabalar uchun muhim yangilik e’lon qilindi: Namangan davlat texnika universitetining 15 nafar bitiruvchisi viloyatimizdagi turli banklarda ish boshlash uchun tavsiyanomaga ega bo‘ldi. Ushbu tavsiyalar yosh mutaxassislarga o‘z sohalarida faoliyat yuritish va professional rivojlanish uchun keng imkoniyatlar yaratadi.
Mazkur tashabbus Prezident Qarorining amaliy ijrosini ta’minlash bilan birga, oliy ta’lim muassasalarida kadrlar tayyorlash sifatini oshirish va bitiruvchilarning mehnat bozorida o‘z o‘rnini topishiga xizmat qiladi.
Bugun Namangan davlat texnika universitetida O‘zbekiston Respublikasi Prezidentining 2025-yil 14-fevraldagi PQ-61-62 sonli Qarorlari ijrosini ta’minlash maqsadida muhim uchrashuv tashkil etildi. Tadbir Markaziy bankning Namangan viloyati bosh boshqarmasi hamda O‘zbekiston Respublikasi Prezidenti huzuridagi Davlat xizmatini rivojlantirish agentligi Namangan viloyati filiali bilan hamkorlikda o‘tkazildi.
Mazkur uchrashuvda universitetning iqtisodiy sohalar bo‘yicha tahsil olayotgan bitiruvchi kurs talabalari, viloyatimizdagi yetakchi banklar vakillari hamda davlat tashkilotlari mutasaddilari ishtirok etdilar. Tadbir davomida talabalar va ish beruvchilar o‘rtasida ochiq muloqot o‘rnatilib, mehnat bozoridagi dolzarb masalalar, iqtisodiyotning rivojlanishi uchun malakali kadrlarni tayyorlash jarayoni va bitiruvchilarning ish bilan ta’minlanish imkoniyatlari haqida atroflicha fikr almashildi.
Tadbirda so‘zga chiqqan mutaxassislar bank-moliya sohasida zamonaviy kasbiy ko‘nikmalarga ega bo‘lish muhimligi, bu borada oliy ta’lim muassasalari va ish beruvchilar o‘rtasidagi hamkorlikni yanada kuchaytirish zarurligini ta’kidladilar. Shuningdek, bitiruvchilarga ishga joylashish jarayoni, bank tizimidagi mehnat faoliyati, zamonaviy bank xizmatlari va innovatsion moliyaviy texnologiyalar haqida kengroq tushunchalar berildi.
Yig‘ilish yakunida talabalar uchun muhim yangilik e’lon qilindi: Namangan davlat texnika universitetining 15 nafar bitiruvchisi viloyatimizdagi turli banklarda ish boshlash uchun tavsiyanomaga ega bo‘ldi. Ushbu tavsiyalar yosh mutaxassislarga o‘z sohalarida faoliyat yuritish va professional rivojlanish uchun keng imkoniyatlar yaratadi.
Mazkur tashabbus Prezident Qarorining amaliy ijrosini ta’minlash bilan birga, oliy ta’lim muassasalarida kadrlar tayyorlash sifatini oshirish va bitiruvchilarning mehnat bozorida o‘z o‘rnini topishiga xizmat qiladi.