Xalqaro hamkorlikning yangi bosqichi: Namangan davlat universitetiga hindistonlik taniqli olimlar tashrifi
Xalqaro hamkorlik aloqalarini yanada mustahkamlash va o‘zaro tajriba almashish maqsadida Namangan davlat universiteti tibbiyot fakulteti muhim bir uchrashuvga mezbonlik qildi.
Hindistonning yetakchi olimlari – Dr. Aditya Pradhan va Dr. Shveta Tyagi Giri tashrif buyurib, o‘z sohalaridagi ilg‘or tajribalarini o‘rtoqlashishdi.
Uchrashuv davomida mehmonlar tibbiyot sohasidagi dolzarb masalalar bo‘yicha ma'ruzalar o‘qishdi. Dr. Aditya Pradhan "Buyrak transplantatsiyasi" muammosiga zamonaviy yondashuvlar va ilg‘or texnologiyalarni taqdim etdi.
Ayniqsa, bu boradagi Hindiston tajribasi ko‘plab talabalarda katta qiziqish uyg‘otdi. Dr. Shveta Tyagi Giri esa "Ayollarda onkoginekologik amaliyotlar"ning robotjarrohlik va laparoskopik usullarda bajarilishi haqida atroflicha ma'lumot berdi.
Ma'ruzalar yakunida mehmonlar va talaba-yoshlar o‘rtasida qizg‘in savol-javoblar bo‘lib o‘tdi. Ayniqsa, Hindistonlik talabalar tomonidan berilgan savollarga olimlar aniq va tushunarli javoblar berib, o‘z bilim va tajribalari bilan o‘rtoqlashishdi.
Uchrashuv iliq va samimiy muhitda, qiziqarli hamda ta’surotlarga boy tarzda o‘tdi. Tadbir yakunida tibbiyot fakulteti dekani, G‘ofurjon Abdullayev, universitet jamoasi nomidan mehmonlarga minnatdorlik bildirdi. U, ayniqsa, bunday hamkorlik aloqalarini kelgusida yanada rivojlantirish zarurligini ta’kidladi va fakultet barcha imkoniyatlardan samarali foydalanishga tayyor ekanini bildirdi.
Mehmonlar ham o‘z navbatida bunday tashabbuslarni davom ettirish niyatida ekanliklarini bildirib, ZOOM platformasi orqali muntazam ma'ruzalar tashkil etish va o‘qitish metodikalari bo‘yicha tajriba almashishni yo‘lga qo‘yish zarurligini ta’kidlab o‘tishdi.
Mazkur uchrashuv ikki davlat o‘rtasidagi ilmiy va akademik hamkorlikning yangi bosqichini boshlab berdi va talabalarga zamonaviy tibbiyotdagi eng so‘nggi yutuqlar bilan yaqindan tanishish imkoniyatini yaratdi.
🌍 Namangan davlat universiteti axborot xizmati
🌐Veb-sayt|📱Facebook|📱Instagram|📱YouTube
Xalqaro hamkorlik aloqalarini yanada mustahkamlash va o‘zaro tajriba almashish maqsadida Namangan davlat universiteti tibbiyot fakulteti muhim bir uchrashuvga mezbonlik qildi.
Hindistonning yetakchi olimlari – Dr. Aditya Pradhan va Dr. Shveta Tyagi Giri tashrif buyurib, o‘z sohalaridagi ilg‘or tajribalarini o‘rtoqlashishdi.
Uchrashuv davomida mehmonlar tibbiyot sohasidagi dolzarb masalalar bo‘yicha ma'ruzalar o‘qishdi. Dr. Aditya Pradhan "Buyrak transplantatsiyasi" muammosiga zamonaviy yondashuvlar va ilg‘or texnologiyalarni taqdim etdi.
Ayniqsa, bu boradagi Hindiston tajribasi ko‘plab talabalarda katta qiziqish uyg‘otdi. Dr. Shveta Tyagi Giri esa "Ayollarda onkoginekologik amaliyotlar"ning robotjarrohlik va laparoskopik usullarda bajarilishi haqida atroflicha ma'lumot berdi.
Ma'ruzalar yakunida mehmonlar va talaba-yoshlar o‘rtasida qizg‘in savol-javoblar bo‘lib o‘tdi. Ayniqsa, Hindistonlik talabalar tomonidan berilgan savollarga olimlar aniq va tushunarli javoblar berib, o‘z bilim va tajribalari bilan o‘rtoqlashishdi.
Uchrashuv iliq va samimiy muhitda, qiziqarli hamda ta’surotlarga boy tarzda o‘tdi. Tadbir yakunida tibbiyot fakulteti dekani, G‘ofurjon Abdullayev, universitet jamoasi nomidan mehmonlarga minnatdorlik bildirdi. U, ayniqsa, bunday hamkorlik aloqalarini kelgusida yanada rivojlantirish zarurligini ta’kidladi va fakultet barcha imkoniyatlardan samarali foydalanishga tayyor ekanini bildirdi.
Mehmonlar ham o‘z navbatida bunday tashabbuslarni davom ettirish niyatida ekanliklarini bildirib, ZOOM platformasi orqali muntazam ma'ruzalar tashkil etish va o‘qitish metodikalari bo‘yicha tajriba almashishni yo‘lga qo‘yish zarurligini ta’kidlab o‘tishdi.
Mazkur uchrashuv ikki davlat o‘rtasidagi ilmiy va akademik hamkorlikning yangi bosqichini boshlab berdi va talabalarga zamonaviy tibbiyotdagi eng so‘nggi yutuqlar bilan yaqindan tanishish imkoniyatini yaratdi.
🌍 Namangan davlat universiteti axborot xizmati
Bizni rasmiy sahifalarimizda kuzatib boring:
🌐Veb-sayt|📱Facebook|📱Instagram|📱YouTube