Namangan viloyati sport boshqarmasiga yangi rahbar tayinlandi
Bugun, 2025-yil 25-mart kuni, Namangan viloyati sport boshqarmasi majlislar zalida muhim yig‘ilish bo‘lib o‘tdi. Unda O‘zbekiston Respublikasi sport vaziri Adxam Ilxamovich boshchiligida Zoom platformasi orqali onlayn uchrashuv tashkil etildi.
Mazkur yig‘ilishda sport vaziri o‘rinbosari Shaxrullo Maxmudov, vazirlik bo‘lim boshlig‘i Muzaffarxo‘ja Rahmatxo‘jayev, Namangan viloyati hokimi o‘rinbosari G‘ulomjon Murodxo‘jayev, boshqarma apparati xodimlari hamda sport maktablari direktorlarining ishtiroki kuzatildi.
Kun tartibida viloyatda 2024-yilda amalga oshirilgan ishlar, erishilgan yutuqlar, hamda yo‘l qo‘yilgan kamchiliklar muhokama qilindi. Shuningdek, sport sohasi oldida turgan yangi vazifalar, xususan, 2025-yilda amalga oshirilishi rejalashtirilgan loyihalar haqida so‘z bordi.
Yig‘ilish davomida muhim yangilik e’lon qilindi. O‘zbekiston Respublikasi sport vazirining 2025-yil 25-martdagi 22-sonli buyrug‘iga asosan, Namangan viloyati sport boshqarmasi rahbari lavozimiga Dedabayev Akram Gapparovich tayinlandi.
Yangi boshqarma rahbari Akram Dedabayev avval ham sport sohasi rivoji yo‘lida faoliyat yuritgan, o‘zining tajribasi va tashabbuskorligi bilan tanilgan mutaxassislardan biri hisoblanadi. U viloyatda sportni yanada rivojlantirish, xalqaro miqyosdagi musobaqalarda ishtirok etuvchi sportchilar sonini oshirish hamda yosh avlodni jismoniy tarbiya va sportga kengroq jalb qilish bo‘yicha aniq maqsadlarni belgilab oldi.
Uchrashuv yakunida sport vaziri Adxam Ilxamovich va viloyat hokimi o‘rinbosari G‘ulomjon Murodxo‘jayev yangi rahbarga muvaffaqiyatlar tilab, uning zimmasiga katta mas’uliyat yuklanganini ta’kidlashdi.
Mazkur tayinlov Namangan viloyatida sport sohasini yangi bosqichga olib chiqish yo‘lida muhim qadam bo‘lishi kutilmoqda.
Namangan viloyati sport boshqarmasi axborot xizmati
📝Telegram | 📝Facebook | 💻Instagram | 🎞Youtube
Bugun, 2025-yil 25-mart kuni, Namangan viloyati sport boshqarmasi majlislar zalida muhim yig‘ilish bo‘lib o‘tdi. Unda O‘zbekiston Respublikasi sport vaziri Adxam Ilxamovich boshchiligida Zoom platformasi orqali onlayn uchrashuv tashkil etildi.
Mazkur yig‘ilishda sport vaziri o‘rinbosari Shaxrullo Maxmudov, vazirlik bo‘lim boshlig‘i Muzaffarxo‘ja Rahmatxo‘jayev, Namangan viloyati hokimi o‘rinbosari G‘ulomjon Murodxo‘jayev, boshqarma apparati xodimlari hamda sport maktablari direktorlarining ishtiroki kuzatildi.
Kun tartibida viloyatda 2024-yilda amalga oshirilgan ishlar, erishilgan yutuqlar, hamda yo‘l qo‘yilgan kamchiliklar muhokama qilindi. Shuningdek, sport sohasi oldida turgan yangi vazifalar, xususan, 2025-yilda amalga oshirilishi rejalashtirilgan loyihalar haqida so‘z bordi.
Yig‘ilish davomida muhim yangilik e’lon qilindi. O‘zbekiston Respublikasi sport vazirining 2025-yil 25-martdagi 22-sonli buyrug‘iga asosan, Namangan viloyati sport boshqarmasi rahbari lavozimiga Dedabayev Akram Gapparovich tayinlandi.
Yangi boshqarma rahbari Akram Dedabayev avval ham sport sohasi rivoji yo‘lida faoliyat yuritgan, o‘zining tajribasi va tashabbuskorligi bilan tanilgan mutaxassislardan biri hisoblanadi. U viloyatda sportni yanada rivojlantirish, xalqaro miqyosdagi musobaqalarda ishtirok etuvchi sportchilar sonini oshirish hamda yosh avlodni jismoniy tarbiya va sportga kengroq jalb qilish bo‘yicha aniq maqsadlarni belgilab oldi.
Uchrashuv yakunida sport vaziri Adxam Ilxamovich va viloyat hokimi o‘rinbosari G‘ulomjon Murodxo‘jayev yangi rahbarga muvaffaqiyatlar tilab, uning zimmasiga katta mas’uliyat yuklanganini ta’kidlashdi.
Mazkur tayinlov Namangan viloyatida sport sohasini yangi bosqichga olib chiqish yo‘lida muhim qadam bo‘lishi kutilmoqda.
Namangan viloyati sport boshqarmasi axborot xizmati
📝Telegram | 📝Facebook | 💻Instagram | 🎞Youtube