ONA KETTIK
Ona kettik shahar ko'rsatay,
Rasxotidan aslo g'am yemang.
Ona yuring shashlik oberay,
Faqat bolam o'zing ye demang.
Olib boray g'ozal joylarga,
Ko'zingizni biroz quvnatay.
Yoshligimda ko'p o'ynatgansiz,
Men ham sizni shunday o'ynatay.
Qo'ying bugun qozon tavoqni,
To'xtab tursin dunyo ishlari.
Bir kun yayrang siz ham iltimos,
Unutaylik dard-u g'amlarni.
Eskiribdi usti boshingiz,
Yangi ko'ylak olay demaysiz.
Bo'yingizdan bo'yim balandda,
Qachongacha bizni o'ylaysiz.
Bo'ling, kettik shaharga,
Yangi ko'ylak olib beraman.
O'g'il bo'lib bir yasantiray,
Evaziga duo olaman...
