РАМАЗАН БАҒДАРЫ

2️⃣ КЕШІРІМ

Адам баласы әлсіз, нәпсіге еріп қателеседі. Бірақ Алланың мейірімі шексіз. Рамазан – күнәлардан арылып, кешірімге бөленуге берілген ерекше мүмкіндік.

Пайғамбарымыз (Алланың салауаты мен сәлемі болсын) былай деген:

«Кімде-кім мен еске алынғанда маған салауат айтпаса, оның маңдайы қара болсын. Кімде-кім Рамазан айына жетіп, бірақ күнәларынан арылмастан бұл айдан өтсе, оның маңдайы қара болсын. Кімде-кім ата-анасының қарттық шағын көріп, бірақ сол арқылы жәннатқа кіре алмаса, оның маңдайы қара болсын».

Жәбірейіл періште (Алланың сәлемі болсын) Пайғамбарымызға (Алланың салауаты мен сәлемі болсын) келіп:

«

Кімде-кім Рамазанға жетіп, бірақ кешірімге ие болмаса, тозаққа кіреді. Алла оны рақымынан алыстатсын! Сен «Әмин!» де»

, – деді. Ол (Алланың салауаты мен сәлемі болсын): «Әмин!» – деді.

Рамазан – тәнді ғана емес, жүректі де тазартып, тозақтан құтылуға мүмкіндік беретін қасиетті ай. Бірақ кейбір адамдар оны қадірлей алмайды:

• Уақытын бос өткізіп, сауап іздемейді.
• Күнәларына тәубе етпей, кешірім сұрауды ұмытады.
• Рамазанның қасиетін түсінбей, немқұрайлы қарайды.