"МУШТУМ" журнали расмий канали 📰

Зигмунд ФРЕЙД


"МЕНИ МАҚТАШСА... ОЖИЗМАН"

* * *
Ўзингизни қиёслашингиз мумкин бўлган ягона одам, бу – Сизнинг ўтмишингиз. Сиз ўхшашингиз керак бўлган ягона одам, бу – Сизнинг айни пайтдаги ўзингиз.

* * *
Ҳеч нарса тасодифан содир бўлмайди, ҳар нарсанинг ибтидоий сабаби бўлади.

* * *
Бизлар бир биримизни тасодифан учратмаймиз. Биз аллақачонлар онгостимизда мавжуд бўлганларни учратамиз.

* * *
Аёл эркакни бўшатиши керак эмас, юмшатиши керак.

* * *
Ўз ўзингдан ҳалоллик талабчанлиги – ажойиб машғулот.

* * *
Фақат болалик оламидаги орзулар одамни чинакам бахтли қилади.

* * *
Бахтсизликда эзилган ҳиссиётлар ўлмайди, улар “оғзини ёпиб” туришга мажбурланади, холос. Улар инсонга ич-ичидан аста-секин ўз таъсирини ўтказаверади. 


* * *
Ҳар бир инсоннинг ўзгага бўлишмайдиган истаклари ва ҳатто ўзи тан олмайдиган ҳоҳишлари бўлади.

* * *
Ҳар бир тўкис одам фақат маълум нарсаларда тўкисдир.

* * *
Ҳузурнинг таъқиқланиши – ҳузурнинг нархини оширади, холос.

* * *
Биз севганимизда ҳеч қачон ҳимоясиз бўлмаймиз ва аксинча, севгилимиздан ёки унинг севгисидан айрилганимизда ҳар қачонгидан умидсиз ва бадбахтга айланамиз.

* * *
Сен куч-қудратни ҳамиша ташқаридан ахтарасан, ичкаридан эмас, аслида у доим ичкарида бўлган ва бўлади. 

* * *
Тушимиз қанчалар тушунарсиз бўлса, у шунчалар кўп маъно касб этади.

* * *
Инсон ҳеч қачон ҳеч нарсадан воз кечмайди, у фақат истакларини алмаштиради, холос.

* * *
Ҳаётдан ягона мақсад – тириклик жараёнини таъминлаш, билакс, яшаб қолиш учун мангу курашдир.

* * *
Инсоннинг қалб сирлари болалик саҳнаси фожеалари ортига яширинган бўлади, ана шу саҳналаргача етиб борсангиз, уни даволашни уддалайсиз.

* * *
Муаммони тан олиш – муаммони ҳал қилишнинг ярмисидир.

* * *
Ўзларини ўйлаганларидан-да  ахлоқли деб ҳисоблайдиганлар ўзлари тасаввур қила олмайдиган даражада ахлоқсиздирлар.

* * *
Ҳаётда ҳеч нарса беморлик ва аҳмоқлик каби қиммат турмайди.

* * *
Ҳар бир ҳаракатимизнинг асосида иккита сабаб ётади: буюк бўлиш истаги ёки муҳаббат муносабатлари.

* * *
Муҳаббат – ҳаёни уйғотадиган энг синалган усул.

* * *
Ташқаридан фаришта кўринган одамни ичида шайтони кўп бўлади.

* * *
Мени танқид қилишганида, ўзимни ўзим ҳимоя қила оламан. Лекин мақташганида, ожизман.

Носиржон ТОШМАТОВ таржимаси

➡️ Каналга обуна бўлинг 👇👇👇
https://t.me/mushtumjurnali

– Биз буни аллақачон ўйлаб қўйганмиз. Марҳум муаллифларнинг фарзандлари билан уларнинг қабрларига бориб дуою фотиҳа розиликларини оляпмиз.Тирик муаллифлар асарларини олиб кетиб ўзлари замонга мослаб келмоқдалар.
– Ишқилиб ремонт тугай деб қолдими?
– Йўқ, янги мавсумгача ҳам тугамаса керак. Лекин тезлатяпмиз…
– Мухлисларга тилагингиз?
– Янгигина ремонтдан чиқарилган, энг сўнгги замонавий талабларга мос асарлар томошаси бизнинг театрда! Йўлингизга мунтазирмиз!..

Эгамназар СОҲИБНАЗАРОВ.
Тожикистон Республикаси

⭕️ Каналга обуна бўлинг👇👇👇
https://t.me/mushtumjurnali

“Ким олади-ё, шугинани-ё – 2025” танловига!

М О С Л А Ш У В

ёхуд бир театрдаги «ремонт» ҳақида интервю

– Ҳамсуҳбатимиз машҳур «Елвизак» театрининг директори Санжар Аловуддин. Бугунги кунда театрингиз жамоаси фаолияти ҳақида қисқача сўзлаб берсангиз?
– Аввало йўқлаганингиз учун ташаккур. Энди саволингизга ўтадиган бўлсак, бугунда театр жамоаси ремонт ишлари билан банд. Шунинг учун…
– Демак, театрни янги мавсум олдидан ремонт қиляпсизлар…
– Йўғ-е, тушунмадингиз. Мен ижодий ремонтни кўзда тутяпман. Баъзи саҳна асарларини бугунги кун талабларига «лаббай» деб жавоб берадиган ҳолга келтиряпмиз.
– Ҳмм… барибир тушунмадим. Мисоллар орқали… иложи бўлса…
– Қулоқ солинг. Масалан, «Бой ила хизматчи»ни кўргансиз. Машҳур асар, қолаверса, ўз вақтида роса «кассабоп» эди. Бугунги нуқтаи назар билан қарасангиз, Солиҳбой ва Ғофур орасида битта Жамила талаш. Энди ўзингиз айтинг, ҳуснда беқиёс Жамила бугун чўнтагида ҳемири йўқ, битта рўзғорни эплолмайдиган Ғофурга тегиши мумкинми? Солиҳбойдай бадавлат одам турганда-я?.. Биз буни янгича талқинда саҳналаштирмоқчимиз. Унда Ғофурнинг розилиги билан Жамилани Солиҳбойга узатамиз. Мана, қисқача саҳна:

– Бахтлимисан, Жамилам?
– Ҳа, бой ота… узр навқироним…
– Ғофур-чи?
– Қўйинг ўша қурумсоқни!..

Шундай қилиб Солиҳбой марҳаматидан баҳраманд бўлган Ғофур Зоминдан арзон-гаровга бир машина қовун-тарвуз ва бир машина пиёз олиб Россияга кетади. Ўша ерда Соня исмли қизга ўйланади. Улардан Галичка ва Виктор туғилади. Саҳна Ғофурнинг оиласи билан Тошкентга келиши, поезддан тушаётиб «Салом, она юртим, озод юртим, мен келдим, тадбиркор ўғлингни қабул эт!» сўзлари билан очилади.
– Айтмоқчи, Хонзода-чи?
– Хонзоданинг Холмат билан дон чўқищиб юрганидан хабарингиз бор. Кунларнинг бирида Ҳожиона олмурутни тагида уларни бир-бирларига нон чайнаб бераётганларини… кўриб қолади. Шундан сўнг Хонзода отасиникига, Холмат гуноҳини ювиш учун ҳаммомга кетади.
– «Нурхон» ни ҳам қўйган эдиларинг чамаси?
– Салкам эллик йилдан бери кўрсатамиз. Бугун Нурхоннинг ўзида ҳам айб борлиги текширишда маълум бўлди. Аниқланишича, Мамат пичоғини коса ортига тезлаб, пиёз тўғрамоқчи бўлади. Раққоса эмасми, ўйнаб-ўйнаб келиб ўзини пичоқка уриб олади . Мамат айбдорми? Бу ерда биз Маматга афв эълон қиламиз. Бундан қувонган Мамат «адолат бор экан-ку» деб Ҳайдарга иккинчи синглиси, яъни Зебохонни беради. Очиғини айтганда , илгариги саҳналарда қаҳрамонлар тақдири нуқул аччиқ қисмат билан тугалланган. Бизда эса тамоман бошқача. Саҳна охирида тўю томоша. «Қутлуғ қон»да Нурини Йўлчига, Гулнорни Мирзакаримбойга унаштирамиз. Нурини истаги билан Йўлчи тижорат дўкони очиб қисқа муддатда бойиб кетади. Ва Нурини икки боласи билан баҳридан ўтади…
– Эшитишимча, «Келинлар қўзғолони» ни ҳам режалаштиргансизлар.
– Режада бор. Лекин ҳали қўл урганимиз йўқ. Лекин бир саҳнани танҳо сиз учун айтмоқчиман.Тағин ҳамма жойга доира чалманг… Фармонбибининг бир фарзанди қўшиқчи, исмиям… халиги... ўша. Тўйда пул қистиралаётганини эшитган Фармонбиби отарчи ўғлини тўйдан олдига солиб олиб кетади... Ҳайрон қоласан, ахир тамошабинлар ўз ихтиёри билан пул қистирашади. Бунинг нимаси ёмон? Аммо, битта лекини бор. Томошабинлар баъзан пул қистириб қўшиқчига халал беришади. Биз бошқача ғояни ўртага ташламоқчимиз. Санъаткорлар яқинида, қолаверса, саҳна пастида иккита яшик, худди сайловда бўлганидек ойнаванд қути қўйилса яхши бўларди. Одамлар кўнгилдан чиқариб ана шу яшикка ташлашарди… Яна солиқчилар ҳам қўшимча даромад ҳисобидан солиқ олишлари ҳам мумкин…
– Жаҳон адабиётидан қўйилган асарлар-чи?
– «Отелло»дан бошладик. Минг йилдан бери ўзбек саҳнасида бир қора ҳабаш Отелло бўлиши етар! Биз уни Отамуродга айлантиряпмиз. Дездемонани Дилором деб номладик. Кап-катта одам ҳадеб арзимаган рўмолчани сўрайвериши эриш туюлади. Биз рўмолча ўрнига носқовоқ сўратамиз.
– Ремонт қилинган асар муаллифлар, хусусан марҳум муаллифлар руҳини безовта қилмайдими?

ҲАДИСИ ШАРИФ

Енгил, аммо савоби улуғ амаллар

– Кимки қилмишига пушаймон бўлиб, узр сўраган одамни кечириб юборса, унинг хатоларини ҳам Аллоҳ таоло қиёмат куни кечиради.

– Манзилни сўраганга йўл кўрсатиш ҳам яхшиликдир.

– Дўзахдан яримта хурмо садақа қилиб бўлса ҳам сақланинглар! Агар бунга ҳам қодир бўлмасангиз ширин сўз билан сақланинг.

– Ҳалол касбдан чарчаб ухлаган одам гуноҳлари кечирилган ҳолда тунайди.

– Касал кўргани борувчи одам гўё жаннат боғида юргандек бўлади.

– Кимки дуоларим ижобат бўлсин, ташвишларим бошимдан арисин деса, камбағаллар ҳолидан хабар олсин.

– Кимки кўзи ожиз одамни қирқ қадам етаклаган бўлса, унинг жаннатга кириши муқаррардир.

– Садақа сув оловни ўчирганидек хатони (гуноҳни) ўчиради.

⭕️ Каналга обуна бўлинг👇👇👇
https://t.me/mushtumjurnali

"БИР КЕЛИБ КЕТИНГ ҚИШЛОҒИМИЗГА!.."

Суратдагилар мактаб десам, ишонасизми?
Ҳа, бу Пешку туманидаги 7-мактаб.
Бобомнинг айтишича, бундан ярим асрдан ҳам кўпроқ аввал шу бинода ўқишган. Йиллар ўтди, авлодлар алмашди, аммо бино ўша-ўша. Энди эса укам — бобомнинг невараси ҳам худди шу қадим ва чириган деворлар орасида ўқимоқда. Бобом билан укам орасидаги ёш фарқи — 56 йил. Хўш, яна қанча авлод шу бинода ўқиши керак? Қачонки, бу бино бировнинг устига қулагандагина янги мактаб қуриладими? "Янги Ўзбекистон таълим остонасидан бошланади", деймиз. Аммо келинг, бир бор шу мактаб остонасини ҳам кўриб ўтайлик... Остонаси чириган, деворлари емирилган бинода қандай қилиб замонавий ва сифатли таълим бўлиши мумкин?

Ҳурматли раҳбарлар! Бугун мамлакатимизда таълим соҳасида катта ислоҳотлар амалга оширилмоқда. Аммо мана шундай аянчли ҳолатдаги мактабларда ҳамон фарзандларимиз таълим оляпти. Таълим сифатини оширишни хоҳласак, аввало шундай муаммоларга бефарқ бўлмайлик. Ахир, сифатли таълим замонавий ва хавфсиз шароитдан бошланмайдими?!

Юсуфжон ЮНУСОВ,
журналист

⭕️ Каналга обуна бўлинг👇👇👇
https://t.me/mushtumjurnali

ҲИКМАТЛАР

(Номаълум донишмандлардан)


Ўғирлик битта нондан бошланади, ҳиёнат битта бўсадан.

* * *
Мўйлов соқолга мос бўлмаса, сартарошда нима айб?

* * *
Инсоннинг меҳнати – инсоннинг кўзгуси.

* * *
Қариндошлар билан егин, ичгин, лекин савдо қилма.

* * *
Оғзингни катта очгандан кўра, кўзингни катта оч.

* * *
Шундай ойлар бўладики, топганинг йилга етар,
Шундай йиллар бўладики, топганинг ойда йитар.

* * *
Гапираётганга боқма, гапиртираётганга боқ.

* * *
Бу дунёда сукутдан кўра мулойим жавоб йўқ.

* * *
Ҳамма гўзал ўзича гўзал, кўнгил қўйганинг ўзгача гўзал.

* * *
Ҳусни чиройлига 40 кунда тўйиш мумкин, ҳулқи чиройлига 40 йилда ҳам тўёлмайсан.

* * *
Бол бор ерда, пашша ҳам бор.

* * *
Ҳиёнатни кечирганни яна ҳиёнат кутади.

* * *
Дўстингни йиғлатма, душманингни шодлатма.

Носиржон ТОШМАТОВ таржимаси

⭕️ Каналга обуна бўлинг👇👇👇
https://t.me/mushtumjurnali

#Ҳадис
#Қариндош

Ибн Масъуд розияллоҳу анҳу бомдод намозидан кейин бир жамоат ичида ўтирарди.
“Худо ҳаққи, қон –қариндошлик алоқаларини узганлар бор бўлса, орамиздан туриб кетсин!
Биз Раббимизга дуо ўқимоқчимиз.
Қон –қариндошлик алоқаларини узганлар бор бўлган жойда осмон эшиклари ёпиқ бўлади, дуолар қабул бўлмайди” дедилар.

Имом Тобароний роҳматуллоҳи алайҳ ривояти.

* * *
Ҳар пайшанба ва жума кечаси одамларнинг амаллари тўғрисида Аллоҳ таолога хабар берилади.
Шунда силаи раҳм қилмаганларнинг  (қариндошлик алоқасини узганларнинг) яхши амалларини Аллоҳ таоло қабул этмайди.

Имом Бухорий ва Имом Муслим роҳимаҳумаллоҳ ривояти.

➡️ Каналга обуна бўлинг 👇👇👇
https://t.me/mushtumjurnali