Yo'ldalik...

@mushohadaa

Channel's geo and language: Uzbekistan, Uzbek

Category: Books

Narsa yo'qki xoriji olam erur,
Har ne istarsen, o'zingda jam erur. (Rumiy)

Related channels

Channel's geo and language

Uzbekistan, Uzbek

Yo'ldalik...

27 Apr, 17:01

#fikringiz_muhim

"Ildiz"dagi oxirgi 20 kunlik yozmalarni bir qarab chiqib, fikr va takliflar bildirsalaringiz, yana ham manfaatli boʻlar edi.

Kitob oʻqiydigan auditoriya uzun matnli postlarni oʻqishadi deb hisoblayman. Bu kabi yoziqlarni sekin-sekin berib boraverish kerakdir-a?!

Bugun Tolstoy va Dostoyevskiy haqida maza qilib yozildi. Kanalga oʻtib, qoʻllab-quvvatlab kelingizlar! 🙈🤍

Tolstoy haqida:
https://t.me/Ildizkitoblari/9763?single

Dostoyevskiy haqida:
https://t.me/Ildizkitoblari/9765?single

Qaysiki manzilga yoʻllab qoʻyilgan boʻlsa, vijdonan yondoshish nasib etsin.

@mushohadaa

Ildiz kitoblari | Rasmiy kanal

32 0 0 1

Yo'ldalik...

27 Apr, 16:43

#noma

Hayot olib kelib qoʻyadi: tushunishga, anglashga, voz kechishga, qaygʻurishga, sevinishga, topinishga...

Niyatlar vaqti bilan ildizidan koʻkaradi. Bekorga ildiz demadim. Hozirgi yozmoqchi boʻlganlarim ildizga bogʻliq.

"Najot Taʼlim"da oʻqigan vaqtim guruhda hammaga maʼlum yoʻnalishdagi loyihalar berilgan edi. Ustozimiz negadir menga kitob doʻkon loyihasini bergandilar. Juda sevingandim. Oʻzingiz yaxshi koʻradigan jarayonda boʻlish yoqimli-da!

Yaqin qalbdoshim arab tili oʻquv markazi loyihasi ustida rejalar qilgan edilar. Kursni tugatib, men oʻquv markaz va maktabga ketdim, ular esa "Najot Taʼlim"da qoldilar.

Oradan vaqt oʻtdi. Nimalardir anglandi, ustozlardan oʻrgandik, bu sohada ham oʻzimizni his qilib koʻrdik. Bugun ular oʻzlari istagan loyihada faoliyat olib bormoqdalar. Muhitdan quvonishlarini aytadilar.

Aylanib-aylanib meni ham "Ildiz"ga olib kelib qoʻydi. Sevindim. Chiroyli muhit! Maqsadlari goʻzal boʻlgan harakatlar! Hamd boʻlsin!

Takror-takror his qilyapman: Biz istasak, toʻgʻri va xolis niyat qilsak, bizni eng yaqin va oʻzimizdan ham yaxshiroq tinglaguvchi Zot yetkazib qoʻyar ekan.

Nima boʻlishidan qatʼiy nazar umidlarimizni soʻndirib qoʻymaylik!

@mushohadaa

Ildiz kitoblari | Rasmiy kanal

🌱 Ilmning ildizi shu yerda! 📚 Siz izlagan barcha kitoblar maskani 📍 Manzilimiz: Zarqaynar koʻchasi, 2-uy 📞 Bogʻlanish uchun: 998535550 Dunyo boʻylab yetkazib beramiz!

33 0 0 5

Yo'ldalik...

27 Apr, 06:51

#noma

Firoqning ofatidek mehnat-mashaqqat yoʻq, u ulugʻ olovdir. Uning diydordan boshqa davosi yoʻqdir. Baʼzi hakim zotlardan soʻraldi: "Quyosh nima uchun botar vaqtida sargʻayadi?" "Firoqning xavfidan", deb javob berdilar. Menga firoqni tushirgan Zotning firoqi firoqlarning eng ogʻiridir.

© Abul~Futuh— shayx Ahmad Gʻazzoliy "Bahrul muhabba" (Muhabbat dengizi) asaridan

@mushohadaa

42 0 0 1

Yo'ldalik...

20 Apr, 20:45

#hayrat

Senga bersun ilohi Nuh umrin,
Manga ham furqatingda sabri Ayyub.
... Bu gʻam kim bizdadur, bu husn sizda,
Seni Yusuf desunlar, bizni Yaʼqub.

© Atoiy

@mushohadaa

108 0 2 8

Yo'ldalik...

18 Apr, 21:15

#sheʼr_vaqti

BOLALIKDAGI UY

Otamning qo‘llari qadoq bo‘lardi
Qavat-qavat qadoq,
Qavat-qavat dard.
Otam shomda horib ishdan qaytganda
Uning qo‘lidagi qabariqlarni
ezg‘ilab o‘ynashni yaxshi ko‘rardim.
Men nodon... men go‘dak qaydan bilardim
Otam dardi bilan o‘ynaganimni.

Ko‘zyoshni ko‘p ko‘rdim onam ko‘zida.
Orzu, xavotirga to‘la edim men.
Qo‘ng‘ir Yer ustida,
Moviy osmon ostida
Hech kimimiz yo‘q edi Xudodan boshqa.

Ufq eshigida bir uy bor edi.
Shafaqni tomorqa qilgan bir hovli...
Devori – dashtu dala
Darvozasi – dashtu dala.
Hovlimiz ustida ko‘rib qolardim
Ba’zan farishtalar uchib yurganin.

Tunda yakkam-dukkam bo‘ri uvlardi,
Chiqib kelar edi to‘qaydan shamol,
Uch yuz yildan beri yalangoyoq kezgan
G‘amgin ziyoratchi darveshday go‘yo.
Suvning nafasini olib kelardi
Bizning uyimizga bu qari darvesh.

Saratonda salqin shamol qo‘zg‘alsa,
Onam: "Farishtalar qanot qoqayapti" der edi.
Mezonda ilk yomg‘ir tomchilaganda
“Momong yig‘layapti” der edi onam.

Opam kitoblarni yaxshi ko‘rardi,
Qizg‘aldoqni qattiq suyardi singlim.
Men esa kun bo‘yi dala kezishni –
O‘zimni kezishni yaxshi ko‘rardim.

Olis bir qishloqda,
ovloq qishloqda
Yovvoyi qo‘rquvni qo‘lga o‘rgatgan
Odamlarni ko‘rdim. Mardlarni ko‘rdim.
Yuragini to‘kin dasturxon qilgan
Qashshoqlarni ko‘rdim, dardlarni ko‘rdim.
Ko‘zyosh to‘kib turgan buyuk tog‘larni,
Chinorlarni ko‘rdim bobomday suyuk.
Topganin dunyoga sochgan bog‘larni,
Bag‘irlarni ko‘rdim dashtday keng... kuyuk...

Xullas...
Bulutlar, chaqmoqlar zug‘um qilar chog‘,
Saraton, qahraton qahr qilar chog‘.
Qo‘ng‘ir Yer ustida,
Moviy osmon ostida
Hech kimimiz yo‘q edi Xudodan boshqa.
Hechi kimimiz yo‘q edi Xudodan boshqa!

✍️ Eshqobil SHUKUR

@mushohadaa

115 0 1 6

Yo'ldalik...

18 Apr, 21:08

#kechinma

Savollarim koʻp. Javoblar kutyotgandekman. Shunaqa oʻylarga koʻmilib turganimda tashqarida shamol qattiqlashdi. Daraxtlar bir tarafga qarab shovulladi, barglari qattiq titrashga tushdi.

Derazadan boshimni chiqarib shamol bilan qoʻshilib yelgim keldi-yu, yuzimga chang urilib, birdan ortga chekindim...

Lekin quloq tutdim: shamol gʻuvillayapti. Ehtimol, uning ovozi bilan javoblar aytilayotgandir.

Har kuni tongda kelib hol soʻraydigan qushchalar bor. Ularni sekin-sekin tushunaman deyapti odam. Lekin shamolni anglash qiyin ekan.

U lahzada uzoqqa ketib qolishi, lahzada boshqa tomonga yoʻnalishi mumkin. Beqarorlik yaxshi emas. Qattiq his qildim.

Yana bir gap: aslida koʻp belgilar tabiatda turibdi. Axtarayotganlarimiz ham. Shunchaki, borliqning muvozanati haqida oʻylashning oʻzi jumboqlar yechimi uchun kalit vazifasini oʻtab berar...

@mushohadaa

91 0 1 5

Yo'ldalik...

16 Apr, 04:00

#kechinma

Bu millat har kuni zilzilalar ichida... Odamlari botin va zohir zilzilalari oraligʻida yuribdi.

Bu millatning yuragi toʻla ogʻriq, hadik... Bu elni ogʻriqlari bilan, zilzilalari bilan sevaman. Erkning, rostlikning ichida boʻlishini istayman...

Giyohini siypalagim, daraxti bilan qoʻshilib yigʻlagim, qushlari bilan dardlashgim keladi...

Katta elmiz! Faqat ulkanligimizni bilmayotgan, mayda narsalarga qorishib yotgan elmiz...

Oʻzligida kuchi turgan, lekin shu oʻzligidan qoʻrqib, u bilan yovlashib yurgan bir elmiz...

Ehh, suyunishni ham dard bilan koʻtarib turuvchi, yuragi ulkan, elim!

@mushohadaa

98 0 2 12

Yo'ldalik...

16 Apr, 03:20

#ayni_lahza

Bahor yomgʻirida hayot, kuz yomgʻirida dard bor...

@mushohadaa

93 0 1 9

Yo'ldalik...

3 Apr, 17:43

#kechinma

Nur... U haqida koʻp oʻylayman, koʻp yozgim keladi... Nega oʻsha vaqtlar ham "Nurga toʻyingan najot" istaganman, bilmadim...

Shu aniqki, bu nurning mohiyatini tushunmagan ekanman, faqat koʻngil buyurgan va qoralab qoʻyilgan...

Ustozimiz: "Nimadir yozsangiz, hatto oʻylasangiz ham, oxiriga bir yorugʻlik, bir umid qoldiring!" derdilar...

Anglamagan ekanman...

Axir hamma-hammasidan oldin, barcha yaratiqlardan ham oldin, shu kosmos-u, yerdan ham oldin "Nurlari" bor edi-ku. Barcha Paygʻambar alayhissalomlarda ham bu nur jilvalantirilib, yetkazib kelindi-ku...

Toʻgʻri, dunyo zimistondek, baʼzan barchasi zulmatdek tuyilar. Lekin zimistonni anglatish uchun ham uning ziddi kerak boʻladi.

Xullas, "Nurga yoʻgʻrilgan najot"ga yetkazilganmiz. Oʻzimiz yetib borishimiz uchun esa his qilishimiz, sevishimiz, amal qilishimiz darkordek...

@mushohadaa

210 0 2 7

Yo'ldalik...

3 Apr, 13:49

Rad etib boʻlmas taklif yoxud Turk tilidan kafolatli natija...

✨ Sertifikat olish, magistraturaga topshirish, kitoblar mutolaasi uchun Turk tilini chuqur oʻrganishni istayotgan va reja qilgan boʻlsangiz, "Maʼrifat taʼlim"da yangi qabullar boshlandi.

📌 Nega "Maʼrifat taʼlim"?

1. Turk tilidan C1 darajali, tajribali ustoz;
2. Haftada 4 kun dars (1 kun alohida "konuşma"— soʻzlashuv mashgʻuloti);
3. Doimiy 2 ta ustoz nazorati;
4. Har bir daraja oxirida sinov imtihonlari boʻladi va guruhlar saralab shakllantiriladi;
5. Maxsus dars rejasi va interaktiv usul.

Til oʻrganish — yangi olamni kashf etish boʻlganligi uchun qiziqarli onlayn darslarimizda hoziroq qatnashib koʻring!

🗓 Darslar rejasi:
Toq va juft kunlari
20:00 | 08:00 da

Hoziroq murojaat qiling! 💥

👉 @marifat_qabul

Faqat ayol-qizlar uchun!

355 0 3 2

Yo'ldalik...

1 Apr, 18:38

#tuyma

Yurib koʻrmagan koʻchani kezish ham bir sayohatga tengligi bor gap. Nega deysizmi? Yangi joyning muhiti koʻngilga yangilik soladi. Atrof odatdagidan qiziqroq tuyiladi. Yana kimga qanaqa deng?!

Joʻram bilan uyga boshqa bir kichik, oraliqdagi "odam topmas" koʻchadan borish fikri tugʻilib qoldi. Yura boshladik. Suhbatimiz qizib ketdimi kimningdir "Heey" degan tovushidan choʻchib ketdik.

Ortga boqib qarasakki, men doim suhbatlashib koʻrishni istaganim amaki oʻtirar edilar. Bilmadim, zimdan kuzatadiganim, oʻz olamida yuruvchi "Indamas" insonlar bor. Ulardan biri shu amaki!

Ertalab toza havoda sayrga chiqsam, atrofda nimalardir yigʻib yurgan boʻlardilar. (Ehtimol, yashab qolish uchun, lekin oʻz olamida). Bilasizmi, bu insonlarni men bilmayman, hech soʻz ham aytishga haqlimasman. Lekin ular bizdan baland deb bilaman. Chunki, kibrini sindirishgan.

Ular biz chopayotgan hamma narsaning va har kimning orqasidan yugurayotgani yoʻq. Kimgadir yaltoqlanishni ham bilishmaydi. Albatta, har kimning asl holi Oʻziga ayon... Lekin koʻzlarida bir boshqa dardmi, nimadur bordek tuyilaveradi...

Xullas, ortimizdagi bir bino zinasida, qoplar orasida oʻtirgan ekanlar. Ovoz chiqarib nimadir deganlaridan quvonib ketdim va birdan bidirlay boshladim. Boshida jahldorroqmi, yoki tundroqmi qiyofada bizga qarab turgan amaki sekin yumshagandek koʻrindilar.

"Sizni taniyman, doim suhbatlashgim kelardi, ismingizni aytasizmi, amaki" deya sevinganimdan xayolimga kelganlarini bidirlayveribman.

Buni suhbat ham deb boʻlmas. Ulardan aytarli soʻz ham eshitmagandirmiz. Ammo bu holatning oʻzi meni boshqacha qildi. Axir biz bilgan-bilmagan, ahamiyat qilgan-qilmagan odamlarning ichida qancha ulkan olamlar bordir...

Xullas, biz kabi oʻzingizga qiziq tuyilgan yoʻllardan ham yurib turing! Bir oʻzgachaliklarni kashf qilib chiqarsiz...

@mushohadaa

140 0 4 13

Yo'ldalik...

29 Mar, 07:10

Forward from: Farrux Jabborbek

Oxirgi postimga juda ko‘p munosabat bildirildi, qarab turmaymiz, yordam berishga shaymiz, degan izohlar yozildi. Elning daldasi umid bag‘ishlab, ulug‘ ayyom kunlari yana bir post qo‘yishga qaror qildim.

Yo‘ldosh Eshbek xalqimizni milliy ozodlikka boshlagan shoirlardan biri. Shunday shaxsning xor-u zorlikda yashashiga tomoshabinlik qilish bizga yarashmaydi. Eng yomoni, bu ahvol surunkali ravishda davom etmoqda. Shoir sovet davridayoq ta’qibga uchragan bo‘lsa, mustaqillik yillarida ham ro‘shnolik ko‘rmagan, 10-15 yilcha uy qamog‘ida saqlangan. Bu, tabiiyki, oilani uch-quyruqsiz muammolar zanjiriga giriftor qilgan. Ko‘pchilik ziyolilar vaziyatni oldindan yaxshi biladi (sabablarini ham), imkon qadar ko‘mak berib keladi.

Yo‘ldosh Eshbek “Yig‘layotgan qiz” timsolida butun dunyodagi barcha ezilgan mazlumlarga, hayotda ko‘p aldangan soddadillarga hamdard, hasratdosh bo‘ldi. Ne tongki, o‘zining ham qismati “yig‘layotgan qiz”ga aylanib ketdi.

Bu dunyo aslida aldoqchilardir!
Bu dunyo aslida yig‘layotgan qiz!

Biror yillar ilgari borganimda Yo‘ldosh Eshbek sobiq yotoqxonaning bir bo‘lmasida yashardi, har holda. Keyin oshxonaga ko‘chib chiqibdi. Oilaviy sharoit shuni taqozo qilgan. Kamida besh jon tiqilib kun kechirmoqda: ota, ona, o‘g‘il, qiz, nabira… Ustiga ustak, shoirni xastaliklar qiynayapti: qand kasali bor, ko‘z ko‘rmay qolgan, o‘t azob beradi… Shu holida ham ijoddan to‘xtagani yo‘q. Og‘riqlar orasida she’rlar bitadi, ulug‘ ulamolarimizdan tarjimalar qiladi (aytib turib yozdirsa kerak).

Avvalgi postim ijtimoy tarmoqda keng tarqalib, yaxshi odamlar amaliy yordam taklifi bilan chiqdi, manzilini surishtirgan ham ko‘p bo‘ldi. Menimcha, hamma uyiga borib, bezovta qilmagani durust. Xijolatli... Do‘stlar bilan kengashib, eng to‘g‘ri yo‘l plastik kartaga ko‘mak yig‘ish deb o‘yladik. Shoirning o‘zi bu haqda eshitishni ham istamadi. Shuning uchun shaxsiy karta ma’lumotlarimni e’lon qilyapman.

👉 UZCARD 5614681908452158 (Djabbarov Farrukh)

👉 HUMO 9860060102409871 (Farrukh Djabbarov)

👉 VISA 4195250040623413 (Farrukh Djabbarov)

Olganing – birovniki, berganing – o‘zingniki, deganlar. Katta elmiz, bir g‘ishtdan qo‘yib, osmono‘par minorlar tiklaganmiz. Millatim deb yashagan shoirini millatimiz yolg‘iz qo‘ymasligiga ishonaman. Imkoningiz boricha yordam qilsangiz quvonaman, imkoningiz bo‘lmasa tushunaman. Postning ko‘proq odamga yetib borishiga hissa qo‘shing 🙏

🗄Farrux Jabborbek

124 0 1 2

Yo'ldalik...

27 Mar, 22:17

03:42

Video is unavailable for watching

Show in Telegram

#ogʻriq

"Vijdonsiz nomusli niqobin qoʻymas,
Vijdonning har dami ruhiy iztirob
Vijdonsiz xatosiz kunlardan toʻymas
Vijdon bu xatodan ulgʻaygan azob..."

Yoʻldosh Eshbekning bu sheʼrini bugun kechki paytdan boshlab bilmadim necha marotaba tingladim. Ilk marta eshitganimdan buyon boʻgʻzimda turib qolgan... Dard boʻlib...

Joʻra, siqilmayman, degandim sizga! Lekin eplay olmayapman, kechiring! Nima qilay, bunday xabarni eshitgach yuragi uygʻoq odamlar uchun qoʻshilib yigʻlagingiz keladi-da...

Yostiqday kitoblarni, ulkan tuygʻularni qalbida har qanday holatda ham ulgʻaytirayotgan shaxslarni hamon qadriga yetmayapmiz-a?!

@mushohadaa

417 0 9 7

Yo'ldalik...

25 Mar, 21:56

Forward from: daftarim

Baland arg'imchoq edi. Uchishni juda istadim.
- Qo'rqasan dedilar.
Qo'rqmasligimni takrorlab atrofimdagilarni ishontirdim. Yonimda jo'ram menga hamrohlik qiladigan bo'ldi.
- Qo'rqasan yana takrorladilar
Men ularni ishontirishga harakat qildim. Uchmasimizdan oldin jo'ram qat'i ko'rinardi. Undagi qat'iylikni ko'rib o'zimga bo'lgan ishonchim ortayotgandi. U faqat mendan tashvishlanar edi. Uchishni boshlashimizdan oldin jo'ram qo'limdan mahkam tutdi.
- Bizni sekinroq uchiring dedi u meni o'ylab
Uchishni boshladik. Biz yerdan osmonga ko'tarilib borayotgan edik. Hayolimda oyoqlarim yashil maysalarga, yuqoridan mitti bo'lib ko'rinayotgan ko'lga, baland tog'larga tegib bulutlargacha yetayotgandek edi. Men qo'llarimni yoydim. Jo'ram bir qo'li bilan arg'imchoq zanjirini ushlab olgan, ikkinchi qo'li bilan mening qo'llarimni mahkam siqib turardi. U menga baqirdi
- Ushlang, qo'yib yubormang
Angladimki jo'ram qaltiray boshlagandi. Men uni hotirjam qilishga urindim.
- Biz uchayapmiz, xuddi istaganimiz kabi, qarang bir qush kabi. Biz bulutlarga borib yetayapmiz dedim. Men o'zimni butkul boshqa olamda his etayotgandim. Dunyodan, odamlardan uzilgandek bo'ldim. Biz arg'imchoqdan tushdik, jo'ram hamon qaltirardi.
- Qo'rqdingizmi dedim
- Bir oz dedi jo'ram
Tilimga bir so'z keldi
- Qanotlarimiz bo'la turib nega uchmaylik...

Agarki xato bo'lmasa, harakatlarimiz kimgadir ozor yetkazmasa lahzalarda yashab qolishimiz kerak. Chunki umr shu lahzalardan iboratdir. Samimiy hamrohlik uchun rahmat jo'rov

143 0 1 6

Yo'ldalik...

23 Mar, 18:59

#safar

Uchish baxti yoxud argʻimchoq...

Joʻra, bu bizning argʻimchogʻimiz edi. Boshqachasi. Yana ham yaqinrogʻi. Ha-ha, koʻkka, suvga, bulutlarga va Unga yaqinrogʻi...

Joʻra, oʻzi qoʻllarim qaltirab boshlagandi. Agar siz yonimda boʻlmaganingizda qoʻrquvimni yengib oʻtishim qiyin boʻlardi. Keling, oʻsha lahzalarni xayolimizda tiklaymiz.

...Tepaga qoʻyilgan argʻimchoqqa oʻtirdik. Mahkam qilish uchun himoya zanjiri va arqoni oʻtkazildi. Men oʻng qoʻlim bilan sizning chap qoʻlingizni qattiq siqib oldim. Oyoqlarim titray boshladi. Lekin siz xotirjamlik va haliymlik bilan oʻtirardingiz. Shunda mening ham koʻnglimga bir boshqacha titroq yugurdi.

"Ucha olish baxti berilganda, nega uchmaylik, qoʻllaringizni keng yoying, erkin boʻling" dedingiz. Men birdan boshqacha boʻldim: Haqiqatda bundayin uchishni istamasmidim? Imkon boʻlganida nega boricha his qilmayin? Va qattiq yumib olgan koʻzlarimni ochib, bulutlarga, samoga mahliyo boʻldim...

Bu ulkan argʻimchoq har borib kelganida shamol bilan qoʻshilib, yuragimiz kuylardi. "Huuuuu!"

@mushohadaa

241 0 1 12

Yo'ldalik...

22 Mar, 17:05

#safar

Tor-u keng yoʻllarda ot, eshak, qoʻy-u qoʻzilarni koʻrgancha tepalikka qarab ketaverdik. Hazrati Bashir ziyoratgohi tomon havo yana-da musaffolashib, yashillik ortib borardi.

Baland-baland daraxtlar mahobati va jildirab oqayotgan suvlar ovozi olis-olisga olib ketdi. Bu olislik asliyatga yaqinroq boʻlgan oʻtmishmidi yoki qalbimizda boʻlishini istaganimiz xotirjam kelajakmi, bilmadim...

Zinalardan yuqoriladik. Avliyolar manzilida olamni tutib turgan bir boshqacha ruhoniyat bor ekan-da... Hassalaridan koʻkargan archaning 650 yildan buyon oʻsib turishi hayratimizni chandon va chandon orttirdi.

4,5 asrlik gʻorga kirib hayajonlandik. Juda salqin. Oʻrtada qumdan ustun tiklangan. U esa atrof devorlarga tayanch boʻlib turgandek. Qarangki, gʻorning ham suyanchi bor, u boʻlmasa, toʻkilish hech gap emas. Shu joyda insonning qalb ustunlari haqida ham oʻylab ketasan kishi...

Xullas, bu manzilga borib, his qilish kerak ekan.

@mushohadaa

165 0 0 8

Yo'ldalik...

22 Mar, 17:02

#safar

Xotirjamlik, toza havo va soflik istasangiz, qoʻlingizni bering, Hazrati Bashir ziyoratgohiga boramiz.

Agar inson asl xususiyatlarini saqlab, pok qola olsa, bir so'z bilan aytganda, "asl" bo'lsa, har qanday sharoitda ham insonligini yo'qotmaydi.

© Begali Qosimov

Asllikni men bu joylarda his qildim. Odamlar tanishsa-tanishmasa, samimiy suhbatga, beminnat yordamga tayyor.

Joʻram olgan surat va videolarning oʻzi bir olam. Teran nigohlaringizni tasvirda ham aks ettira olishingizdan hayratlanaman! (Mualliflik huquqi asosida tasvir manbalaridan foydalanish boshlandi🙈)

@mushohadaa

113 0 0 7

Yo'ldalik...

22 Mar, 14:52

#tanaffus

Kayfiyatni tushirmaymiz :)
Bu gapni shu kunlarda koʻp bor eshityapman.

Tabiatning ajoyibotlaridan, insonlarning samimiyatidan soʻzlaydigan xabarlarga tayyormisiz?

@mushohadaa

118 0 0 1

Yo'ldalik...

22 Mar, 14:49

#oʻylar

"Tabiatdagi yirtqich hayvonlar ham, agar ularning qorni toʻq boʻlsa, insondan farq qilaroq, oʻljaga— oʻzining dushmaniga hamla qilmaydi"

Insonga nima kerak? Bu olamdan ortmoqlab keta oladigan nimalar kerak? Men bilmadim. Lekin vahshiylikni oddiy-sodda, boshqaga zarar yetkazishni istamaydigan qalbi butunlar tanlamasligi aniq!

Dunyo taraqqiyot, rivojlanish deb ortidan chopayotgan narsalarning asl hukmi qanday ekan-a?!

Agar uni saqlash uchun kishilarning terisini shilish zarur boʻlsa, unday sivilizatsiyaning manfaatiga, hatto oʻziga ham laʼnatlar boʻlsin, deb yozgan ekan Dostoyevskiy.

https://youtu.be/2yqXIs4a4KU?si=g75npx8XAHXAEG-R

"Gʻarbiy frontda oʻzgarish yoʻq" asari asosida urush haqida fikrlar | HAYRAT

"Hayrat" koʻrsatuvining ushbu sonida Rahmon Qoʻchqor Erix Maria Remarkning "Gʻarbiy frontda oʻzgarish yoʻq" asari asosida urush haqidagi fikrlari bilan boʻlishadi. Doʻstlaringiz bilan ham ulashing! Fikrlaringizni izohlarda kutamiz! Bizga ijtimoiy tarmoqlarda obuna boʻling va yangi sonlarni oʻtkazi...

124 0 1

Yo'ldalik...

22 Mar, 14:26

Forward from: Amirxon Valijonov | Blog

#falastin

"Фаластинликлар камдан-кам йиғлайди, фақат жуда ёш болаларнинг йиғлаганини кўришингиз мумкин. Кейин улар қўрқув нималигини билмайдиган ботир эркак ва аёл бўлиб улғайишади, улар шафқатсиз дунёнинг камералари ва объективларига қараб кулишади. Зеро, улар адолат ўзлари томонида, дунё эса алдаётганини билишади.
Фаластинликлар ўз тарихини синчковлик билан ёзадилар".

"Falastin. Agar o'lishim lozim bo'lsa" kitobidan