Bilmaysan-Kuzatasan-Qoʻrqasan=Oʻrganasan

Muzda uchib koʻrdim hali birinchi marotaba edi. Koʻringani kabi ja unaqa qiyin emas ekan. Birinchi, uchishni oʻrganishga yordam beradigan maxsus vosita yordamida uchdim.

Mustaqil hech narsaning yordamisiz uchish biroz qiyin, chunki yiqilib tushish aniq.

Shunday boʻlsada, jur’at qilib hech narsaning yordamisiz uchib koʻrdim. Birinchi marotaba yiqildim keyin sekin-sekin oʻrganib olib, oʻzim mustaqil uchdim.

Yangi narsalarni sinab ko‘rmoqchi bo‘lganimizda, miyamiz xavfsizlik instinkti sababli, bizni ogohlantirishga yoki toʻxtatishga harakat qilib, komfort zonadan chiqmaslikka harakat qiladi. Bu insondagi tabbiy instinkt.

Qo‘rquvni yengib birinchi qadamni qo‘yganingizda, miyangiz yangi “mustaqillik va muvaffaqiyat” signalini hosil qiladi. Bu insonni o‘ziga boʻlgan ishonchni kuchaytiradi va motivatsiyani oshiradi.

Yana bir narsa. Hayotda ko‘pincha maqsadga erishishdan ko‘ra, unga eltuvchi jarayon qiziqarliroq, mashaqqatliroq boʻladi va ko‘proq zavq bag‘ishlaydi. Chunki bu davrda yangi imkoniyatlar ochiladi va inson oʻz chegaralarini kengaytiradi.

Masalan, tog‘ cho‘qqisiga chiqmoqchi bo‘lgan odamning zavqi cho‘qqiga yetgandan ko‘ra, sayohat davomida duch kelgan manzaralar, qiyinchiliklar va do‘stlari bilan birga bo‘lgan lahzalar bo‘lishi mumkin. Shu sababli, ma’nolar ko‘pincha jarayonning o‘zida yashiringan bo‘lishi mumkin.

@murodovblogg