Qiz bilan suhbatlasharkan, Uinston toʻgʻri eʼtiqodning oʻzi nimaligini tushunmasdan ham toʻgʻri eʼtiqodli odam boʻlib koʻrinish juda oson ekanligini angladi. Maʼlum maʼnoda partiyaning dunyoqarashi uni tushunmaydigan odamlar ongiga samaraliroq singadi. Ular haqiqatning dahshatli buzilishiga ham rozi boʻlib ketaveradilar, chunki oʻzlaridan talab qilinayotgan narsaning mohiyatini anglamaydilar, ijtimoiy hodisalarga qiziqmaganlari bois, atrof-javonibda nimalar sodir boʻlayotganidan gʻofil qoladilar. Tushunmaslik aqldan ozishdan saqlaydi. Ular hamma narsani birin-ketin yutaveradilar va yutganlari ularga zarar bermaydi, xuddi qush oshqozonidan makkajoʻxori doni hazm boʻlmasdan oʻtib ketgani kabi, ularning dillarida asorat qoldirmaydi...
© Jorj Oruell " 1984 " kitobidan
© Jorj Oruell " 1984 " kitobidan