#mulohaza
Shu kunlarda eng ko'p qiynalayotgan narsam– fikrlamaslik, o'ylamaslik.
Tasavvur kuchi haqida ko'p gapirishadi. Uning behad afzalligi, barcha kashfiyotlarda hissasi kattaligi haqida.
Ammo, fikr-hayollar voqe'likdan bizni negadir olib qochib ketadiganday, ko'zlarimizni shamg'alat qilib, oldimizdagi hikmatlardan yashiradiganday.
Yarim soat bir nuqtaga tikilib hech narsani o'ylamay tura olgan kishining ruhi tanasidan ajralishi haqida dalillangan psixotexnikaga oid kitoblar ta'rifini eshitganimda hech narsani o'ylamaslikning kuchini ma'lum darajada tasavvur qilgandim.
Negadir doim o'y-hayollar zanjiri hayolimizga kelaveradi. Ilmiyot buni impulslar deb ataydi. Ya'ni, istaklar.
"Diqqat" kitobida Kel Nyuport bir olimning tadqiqoti xulosasini keltirgan: bugun insonlar istaklariga qarshi kurashish bilan kunlarini o'tkazishadi.
Albatta, bu nafsning o'yinlari. Imom Shofe'iy rahmatullohi alayhi aytgandilar: so'fiylardan 2 muhim narsa o'rgandim. Ikkinchisi shunday edi:
Agar sen nafsingni haq bilan mashg'ul qilmasang, u seni botil bilan mashg'ul qiladi.
Barcha chalg'ituvchilardan (distractors) xalos bo'lib, yolg'iz qolsangiz nafsingizni "chehra"sini ko'rishni boshlaysiz.
Sizni imkon qadar o'tirib, chuqur tafakkur qilishdan qaytaradi. Chunki, tafakkur va tahlil jarayonida inson asl qiymatli narsa nima-yu havoyi istaklar nima, farqiga bora boshlaydi.
Shuning uchun, shaxsan o'zim kundalik ijtimoiy tarmoqdan foydalanish vaqtimni ma'lum qolipga solishga qaror qildim. (Tafsilotlar shart emas)
Alloh taolo kalomi sharifi Qur'onda bekorga "Tafakkur qilmaydilarmi?!" degan ma'nodagi oyatlarni qayta-qayta ta'kidlamagan.
Barcha payg'ambarlar cho'pon bo'lishgan. Nega?! Chunki :
Cho'ponlik diqqat va xushyorlikni talab etadi. Bundan tashqari, yolg'izlikda ko'pdan-ko'p narsalarni fikr qilish imkoni bo'ladi.
Ular kundalik tashvishlar, chalg'ishlardan ajralib, tafakkur qilib, ko'plab haqiqatlarni o'zlari uchun kashf qilishgan, va qavmlariga yoyishgan.
Bugun ilmiyot ham buning naqadar ahamiyatli ekanligini isbotladi. XXI asrda eng kerakli soft skill bu Concentration, ya'ni DIQQAT.
Oramizda mislsiz mental rivojlanish istagi borlar bo'lsa, bu instrumentsiz niyatiga yetolmaydi.
Meni oddiy falsafam bor: agar bir marotaba (bu dunyoda) yashash imkoni bor ekan, nega eng zo'ri bo'lishga urinmaslik kerak?!
(Menimcha yakuniy ma'no hammaga tushunarli)
