Marg'ilon shahar 1-umumiy o'rta ta'lim maktabining axborot xizmati

O‘zbekiston Respublikasi Prezidentining farmoni bilan Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi yagona Ta’lim va ilm-fan vazirligi sifatida qayta tashkil etildi.

Ushbu islohotning asosiy maqsadi mamlakatimizda ta’lim, tarbiya va ilm-fanning yaxlit tizimini zamon talablari asosida tashkil etish, ta’lim sifati va samaradorligini oshirish hamda inson kapitalini rivojlantirish bo‘yicha ishlarni yangi darajaga olib chiqishdan iborat.

Shuningdek, ta’limning barcha turlari o‘rtasidagi o‘zaro uzviylik va bardavomlikni ta’minlash, maktabgacha ta’limdan tortib oliy ta’limgacha barcha bosqichlarni hamda ilmiy faoliyatni qamrab olgan yagona samarali boshqaruv tizimini joriy qilish, uning jamoatchilik oldida hisobdorligini oshirish ko‘zda tutilgan.

Manba

Facebook|Instagram|X

#Maktab_hayoti
#1_oktabr
#Ustoz_va_murabbiylar_kuni
#Ustozlar_haftaligi
#video_roliklar_tanlovi

MAKTABIMIZDA “USTOZIM — MENING FAXRIM” — VIDEOROLIKLAR TANLOVI O‘TKAZILDI.

Haftalik tadbirlar rejasiga muvofiq, 2-oktabr kuni “Ustozim — mening faxrim” mavzusida o‘quvchilar o‘rtasida videoroliklar tanlovi tashkil etildi.

Tanlovdan ko‘zlangan asosiy maqsad — o‘quvchilarning ustozlarga bo‘lgan hurmat va ehtiromini yuksaltirish, pedagog kasbining jamiyat hayotidagi muhim o‘rnini targ‘ib etishdan iborat.

Tanlov doirasida o‘quvchilar tomonidan ustozlarning fidokorona mehnati, pedagogik faoliyati va o‘quvchilar hayotidagi muhim o‘rni aks ettirilgan videoroliklar tayyorlandi.

Xususan, 3-"E", 4-“A”, 4-“B”, 4-"D", 4-“G”, 4-“H” sinf o‘quvchilari hamda yuqori sinf o‘quvchilari tomonidan tayyorlangan videoroliklar maktabning ijtimoiy tarmoqlarida namoyish etildi.

📍 Marg'ilon shahar 1-sonli umumiy o'rta ta'lim maktabi axborot xizmati

Bizni rasmiy sahifalarimizda kuzating..!
Telegram|Facebook|Veb-sayt

#Maktab_hayoti
#1_oktabr
#Ustoz_va_murabbiylar_kuni
#Eʻtibor
#Eʻtirof
#Ehtirom

🏆 Eng oliy sohaviy mukofot muborak bo'lsin, Dildoraxon ustoz!

Maktabgacha va maktab ta’limi vazirligining eng oliy sohaviy mukofoti — "Xalq ta’limi a’lochisi" ko‘krak nishoni o‘z munosib egasini topdi!
Yosh avlodga chuqur bilim va munosib tarbiya berish yo‘lidagi ko‘p yillik fidokorona mehnati hamda ta’lim sohasiga qo‘shgan munosib hissasi uchun maktabimizning sharafli ustozlaridan biri — Mahkamova Dildoraxon ushbu yuksak unvon bilan taqdirlandilar.
Dildoraxon ustozni ushbu yuksak e’tirof bilan maktabimiz rahbariyati, pedagogik jamoamiz hamda barcha o‘quvchilarimiz nomidan samimiy muborakbod etamiz!
Sizga mustahkam sog‘liq, oilaviy xotirjamlik va sharafli kasbingizda doimiy muvaffaqiyatlar tilaymiz! Ilm yo‘lidagi xizmatingiz rohatini ko‘rib yuring! 👏✨

📍 Marg'ilon shahar 1-sonli umumiy o'rta ta'lim maktabi axborot xizmati

Bizni rasmiy sahifalarimizda kuzating..!
Telegram|Facebook|Veb-sayt

#Maktab_hayoti
#1_oktabr
#Ustoz_va_murabbiylar_kuni
#Ustozlar_haftaligi
#Kelajak_markazi
#Maktab_maslahatchisi

👉Ustoz — bir umrga yo‘l ko‘rsatuvchi, qalblarga ma’rifat va ezgulik urug‘ini qadovchi ulug‘ inson. Yillar o‘tsa-da, uning bergan bilimi, tarbiyasi va hayotiy saboqlari shogirdlari qalbida hamisha yashaydi.

✅Kuni kecha 1-sonli umumiy o‘rta ta’lim maktabida “Ustozlar haftaligi” doirasida uzoq yillar davomida ta’lim-tarbiya sohasida fidoyilik bilan mehnat qilgan, bugungi kunda nafaqada bo‘lgan ustoz va murabbiylarni ziyorat qilib, ularni samimiy tabriklab, chuqur hurmat va ehtiromlarini izhor etdilar.

❗️Dasturxon atrofidagi samimiy suhbatlar, ustozlarning boy hayotiy tajribalari va ta’lim sohasidagi xotiralari yosh avlod uchun o‘ziga xos hayot maktabi bo‘ldi.
Mazkur tashabbus maktab ma’muriyati hamda maktab maslahatchisi X. Xakimova boshchiligida o'tkazildi.

📍 Marg'ilon shahar 1-sonli umumiy o'rta ta'lim maktabi axborot xizmati

Bizni rasmiy sahifalarimizda kuzating..!
Telegram|Facebook|Veb-sayt

#Maktab_hayoti
#1_oktabr
#Ustoz_va_murabbiylar_kuni
#Ustozlar_haftaligi

1-oktabr — Ustoz va murabbiylar kuni! 🌷

Marg‘ilon shahar 1-sonli umumiy o‘rta ta’lim maktabi jamoasi barcha ustoz va murabbiylarni ushbu qutlug‘ ayyom bilan muborakbod etadi! Sizlarga mustahkam sog‘liq, oilaviy xotirjamlik va sharafli faoliyatingizda ulkan zafarlar tilaymiz! 🌸
Bayramingiz muborak, aziz ustozlar!

*****
... Ba’zan bir ustozning oddiygina darsi, bir og‘iz gapi yoki qo‘lidagi bir bo‘lak bo‘r kimningdir butun hayotiga ildiz otadi. Bugun sinfxonada ekilgan bilim ertaga shifokor, muhandis, olim, ustoz yoki katta orzularga aylanishi mumkin.
Ustoz mehnatining mevasi darrov ko‘rinmaydi. Ammo yillar o‘tib, uning qarshisida butun bir avlod bo‘y cho‘zadi.

Ustoz — bugun bilim ekib, ertangi kelajakni ulg‘aytiradigan inson.❤️

Maktabimizda “Ustozlar haftaligi” davom etmoqda ... 😊😊

📍 Marg'ilon shahar 1-sonli umumiy o'rta ta'lim maktabi axborot xizmati

Bizni rasmiy sahifalarimizda kuzating..!
Telegram|Facebook|Veb-sayt

Oʻzbekiston oʻqituvchi va murabbiylariga tabrik
—
Muhtaram ustoz va murabbiylar!

Avvalo, oʻz hayotini dunyodagi eng ulugʻ va sharafli ishga – yosh avlod tarbiyasiga bagʻishlab kelayotgan sizdek moʻtabar zotlarni, yurtimizdagi barcha pedagog xodimlarni 1-oktabr – Oʻqituvchi va murabbiylar kuni bilan chin yurakdan muborakbod etaman.

Ushbu qutlugʻ ayyomda Yangi Oʻzbekistonimizning kuch-qudrati va salohiyati, qoʻlga kiritayotgan ulkan yutuq va marralarimiz, qalbimizdagi olijanob fazilatlarning bezavol manbalaridan biri bu bilim-maʼrifat, tarbiya va madaniyat ekanini yanada chuqur his etamiz. Aziz farzandlarimizni ayni shu ruhda tarbiyalab, Vatanimiz ravnaqiga munosib hissa qoʻshib kelayotgan barcha zahmatkash muallimlarimizga, ustoz-domlalarimizga samimiy minnatdorlik bildirib, cheksiz hurmat va ehtirom bilan taʼzim qilamiz.