💠 “Tog‘-kon sanoatida mahalliylashtirish va sanoat kooperatsiyasini rivojlantirish ilmiy-amaliy markazi” davlat muassasiga rahbarlar tayinlandi

Tog‘-kon sanoati va geologiya vazirligida markaziy apparatning tegishli departament va boshqarmalari rahbarlari, “Tog‘-kon sanoatida mahalliylashtirish va sanoat kooperatsiyasini rivojlantirish ilmiy-amaliy markazi” davlat muassasi xodimlari ishtirokida yig‘ilish o‘tkazildi.

Kon-geologiya vaziri o‘rinbosari U.Yusupov rahbarligida o‘tgan yig‘ilishda tashkiliy masala ko‘rib chiqildi. Ilhamov Murod Axtamovich “Tog‘-kon sanoatida mahalliylashtirish va sanoat kooperatsiyasini rivojlantirish ilmiy-amaliy markazi” DM direktori, Xoldaraliyev Dilshodbek Abduraximovich Ilm-fan va innovatsiyalar hamda mis, rangli, nodir va noyob metallarni qayta ishlashni rivojlantirish masalalari bo‘yicha direktor o‘rinbosari lavozimlariga tayinlandi.

Tanqidiy ruhda o‘tgan yig‘ilishda vazir o‘rinbosari Tog‘-kon sanoatida mahalliylashtirish va sanoat kooperatsiyasini rivojlantirish borasida kelgusida qilinadigan ishlar, muassasa oldida turgan dolzarb vazifalarni bajarishda hamjihatlikda ishlash, yuksak natijalarga erishish muhimligini qayd etdi.

📱Sayt 📱 Facebook 📱 Telegram 📱 Youtube 📱 Instagram

@missanoati