Yoqilgʻi-energiya resurslaridan noqonuniy foydalanish holatlarini fosh etishga qaratilgan tadbirlar davom etmoqda.

Xususan, Qashqadaryo viloyatining Koson tumanida yashovchi fuqaro Sh.S. xonadonidagi issiqxonani tabiiy gaz tarmogʻiga yashirin ravishda ulash orqali foydalanib kelishi oqibatida 654 mln soʻmlik tabiiy gazni talon-toroj qilgan.

Shu kabi mazkur tumanda yashovchi Sh.A.ning xonadonidagi issiqxonada 159 mln soʻm hamda A.A.ning issiqxonasida 243 mln soʻmlik tabiiy gaz talon-toroj qilinganligi aniqlangan.

Mazkur holatlar yuzasidan Jinoyat kodeksining 169-moddasi tegishli bandlari bilan jinoyat ishi qoʻzgʻatilgan.

Hurmatli tadbirkorlar va fuqarolar!

Faoliyatingiz davomida energiya resurslaridan qonuniy tartibda va oqilona foydalaning.

Huquqni muhofaza qiluvchi hamda nazorat organlari tomonidan tabiiy gaz va elektr energiyasidan noqonuniy foydalanish holatlarini fosh qilishga qaratilgan kuchaytirilgan reyd tadbirlari davom etmoqda.

Shuni unutmangki, energiya resurslaridan qonunga xilof ravishda foydalanish holatlari fosh qilinadi va jazo muqarrarligi ta’minlanadi.

Telegram | Facebook | Instagram | YouTube | X | Veb-sayt