Shuningdek, tadbirda O'zbekiston Respublikasi Ichki ishlar vaziri o'rinbosari Bekmurod Abdullayev va O'zbekiston Respublikasi Tashqi ishlar vaziri o'rinbosari Olimjon Abdullayev ishtirok etdi, deb xabar bermoqda o‘zining rasmiy sahifasida «МВД России».

Rossiya tomonidan uchrashuvda Rossiya IIV tizimidagi turli bo‘limlar rahbarlari ishtirok etgan.

Migratsiya masalasi uchrashuvning asosiy mavzulardan biri bo'lgani qayd etilmoqda. “Xorijiy hamkorlarga ushbu sohadagi Rossiya qonunchiligining asosiy yangiliklari, xususan, joriy yilning 5-fevralidan boshlab nazoratdagi shaxslar reyestri ishga tushirilishi va Rossiya Federatsiyasi hududida hujjatsiz yurgan O'zbekiston Respublikasi fuqarolarining statistik ma'lumotlari yetkazildi, deyiladi “МВД России” xabarida.

Rossiya tomoni so'nggi yillarda qonuniy ishlayotgan o‘zbekistonliklar soni oshganini ta'kidlagan.

Shu bilan birga, ushrashuv vaqtida Rossiya Federatsiyasida migratsiya qonunchiligiga rioya qilmaydigan shaxslar ustidan nazorat kuchaytirilayotgani ham ko'rib chiqilgan. Tomonlar bugungi kunda Rossiyada noqonuniy bo'lgan o'zbekistonliklarning huquqiy maqomini tartibga solishga qaratilgan profilaktika ishlarini O'zbekiston Respublikasida o'tkazishi muhimligini bir ovozdan ma'qulladi.

Rossiya tomoni Rossiyada bo‘lish uchun qonuniy asoslarini yo'qotgan chet el fuqarolariga hujjat rasmiylashtirish imkoniyati Vladimir Putinning farmoniga ko'ra, 2025-yil 30-aprelgacha berilganini alohida ta'kidlab o‘tgan.