ТАБРИКЛАЙМАН СИЗНИ МЕН

Гулдан гўзал гулғунчам,
Сўзлари бол юлдузчам,
Байрам баҳона эркам,
Табриклайман сизни мен.

Гулдек яшнаб юринг сиз,
Узоқ умр кўринг сиз,
Олов қалб, юзи қирмиз,
Табриклайман сизни мен.

Сиз борсиз-ки ҳаёт бор,
Орзу, умид, сабот бор,
Гўзалим, кўзи хумор,
Табриклайман сизни мен.

Сиз ҳаётим, жонимсиз,
Менинг меҳрибонимсиз,
Юрагимда қонимсиз,
Табриклайман сизни мен.

Офтоб чеҳра малагим,
Жонимдан ҳам керагим,
Уриб турган юрагим,
Табриклайман сизни мен.

✍️ Эркин ТУРОБ 04.03.2025 йил

P. S. Шоиримиздан яна бир гўзал табрик сиз азиз аёллар учун арғимон бўлсин! 🙋🏻‍♀️💐🌺

https://t.me/men_feruzaman