Challenge boshlanganda odat shakllantirishda koʻpchilik qiladigan xatoni qildim. Yaʼni oldimga koʻp odatni maqsad qilib qoʻyib yubordim. Uch kun qiynaldim qilishga sekin ishtiyoq ham pasaya boshlagandan odatlarni kamaytirdim endi xuddi bir relsga chiqib olgandek his qilib davom etdim. Bu yerda xulosa shuki, oʻzingizni odatlaringizni oʻzgartirish oson ish emas, shu sababli bu ishni kichik odatlar bilan boshlang. Odatlar kichik boʻlsa ham muhimi davomiy boʻlsin.

Tabiiyki, oʻzim uchun foydali sanagan odatlarlarni challengedan oldin odat tusiga aylantirolmiyotgandim. Challenge sababli har kunlik qiladigan ishimga aylandi. Endi qilishga dangasalik qilsam, ,,Daily habits" ga yozganim va uni bajarishim shartligi esimga tushib dangasalik ham yoʻq boʻlardi.

Jamoa bilan ishlash yolgʻiz ishlashdan koʻra ancha samaraliroq ekan. Sizda maʼsuliyat yanayam kuchliroq boʻlar ekan. Ularni qilayotgan yaxshi natijalari sizga ishtiyoq bagʻishlaydi.

Oxirgi xulosa oʻrnida aytadigan boʻlsam, motivatsiyaga suyanib qolmaslik kerak ekan, muhimi intizom va maʼsuliyat. Hamma narsani boshlanishida ishtiyoq katta boʻladi va u borgan sari soʻna boshlaydi. Shunda sizni tutib qoladigan narsa intizomingiz boʻlar ekan.

Bu club tashkilotchisi Fatilloyev Ogʻabekka oʻz minnatdorchiligimni bildiraman. Bu yerda leaderni ham oʻrni juda katta. Kerakli paytda bizni toʻgʻri yoʻnaltirib turdilar. Hech qanday manfaatsiz bizni bir joyda yigʻdilar, har kuni natijalarimizni kuzatib bordilar. Kerakli oʻrinda maqtov, kerakli oʻrinda tanqid qildilar. Foydali deb bilganlar maslahatlarni, materiallarni bizdan ayamadilar. U insondan Alloh rozi boʻlsin, ajrini koʻpaytirib bersin. Shuningdek, sabr, intizom va maʼsuliyat bilan davom etgan jamoamga ham katta rahmat.