Haftalik doirasida kitobxonlikni keng targ‘ib etishga qaratilgan turli loyihalar, yangi nashr etilgan kitoblar taqdimotlari hamda sohadagi dolzarb muammolarni muhokama qilishga qaratilgan seminarlar tashkil etilishi ko‘zda tutilgan.

Shuningdek, 25–26-aprel kunlari “Parkent ijod uyi”da bolalar va o‘smirlar adabiyotini rivojlantirishga bag‘ishlangan “Noshirlar va bolalar ijodkorlarining hamkorligi” mavzusida seminarlar bo‘lib o‘tadi.

Bundan tashqari, 25–27-aprel kunlari Toshkent shahridagi “Dream Park” istirohat bog‘ida hamda Qoraqalpog‘iston Respublikasi va viloyatlar markazlaridagi madaniyat va istirohat bog‘larida “Noshirdan kitobxonga” tamoyili asosida kitob savdo yarmarkalari o‘tkaziladi.