Дўстингга қарз берсанг, ё пулни ё дўстингни йўқотасан, дейишарди. Бора-бора шунга амин бўлиб боряпман.

Иложи борича, қарз масаласида қаттиқўл бўлган маъқул экан. Агар имконингиз қодир бўлса, қийналиб қолган кишига қарз сифатида эмас, эҳсон сифатида беринг. Агар пулга ўзингизнинг ҳам эҳтиёжингиз бўлса, бермай қўя қолинг.

Аслида қарз бериш фазилатли иш. Бироқ, қарз олувчи тарафнинг айтилган муддатларга амал қилмаслиги муносабатларнинг ёмонлашишига олиб келиши мумкин.

Бу билан қарз берманг, демоқчимасман. Ўзингиз ва қарз сўровчининг шароитига қаранг. Аввало ишончли одамга қарз беринг.