Ⓗ︎Ⓐ︎Ⓕ︎Ⓢ︎Ⓐ︎Ⓛ︎Ⓐ︎

“Dunyo yaxshi joy va u uchun kurashishga arziydi deyishadi. Ikkinchisiga qoʻshilaman”

Se7en

Bu hayotda beparvoga yashash oson, ko‘p narsa kutganga esa qiyin. Munosabatlardagi ko‘plab muammolar ham aynan bir-biridan ko‘proq narsa kutishidan kelib chiqadi, do‘st, qarindosh, suyukli inson, qadrdon tanish, jufting, yana kimdir bo‘lsa ham, xullas, hech kim bir-biri uchun biror narsaga majburmasligini bilgan holda yashasalar, qolgan hammasi yaxshi bo‘ladi.

Yoʻqlikning sababi - sababning yoʻqligidadir.

Bu yerda yaxshi post boʻlishi mumkin edi...

O'qib olim bo'larmiding? Yoxud duch kelgan kitobni o‘qish uchun hayot qisqalik qiladi.

2022-yil hisobiga ko'ra, dunyo bo'yicha 156 million kitob mavjud ekan. Albatta, bu - nisbiy hisob. 3yil oldingi statistika. Balki hozirda bundan ham ko'pdir. Endi qara, sen bir haftada 1 dona kitob o'qib tugatsang, bir yilda o'rtacha 50 dona kitob o'qiy olasan. Agar o'zingni kitobxon sanaydiganlardan bo'lsang va hozirdan boshlab 50 yil umringni kitobga bag'ishlasang, bor yo'gi 2500 dona kitob o'qish qo'lingdan kelarkan. Umring yetsa shunda ham. Albatta, bu - nisbiy.

O‘qish jarayoni faqat kitoblarni tugatish bilan cheklanmaydi; u tafakkur, tahlil va hayotiy tajriba orqali haqiqatga yaqinlashishdir. Bu yondashuvni olim bo‘lishning bir shakli sifatida ko‘rish mumkin.

Oʻqigan paytingizda hamma oʻqishi kerak deb o‘ylagan kitobingizni commentda yozing (men oʻqimay qolib ketmasligim uchun🥹)

Dushanbadan

1. Dushanbadan boshlab erta turasan.

2. Dushanbadan maqsadlaring sari jiddiy qadamlar tashlaysan.

3. Dushanbadan boshlab ijtimoiy tarmoqlardan kam foydalanasan.

4. Dushanbadan boshlab kitob o‘qiysan, o‘rganasan.

5. Dushanbadan sen ertalab yugurishga chiqasan, sport bilan shug‘ullanasan.

6. Dushanbadan ozishga yoki semirishga harakat qilasan.

7. Bugun Dushanba lekin...

8. O'n kundan keyin eski tos, eski tog‘ora, chunki har doim, har yil ham shunday bo‘lgan.

O‘zgarish sanalarga bog‘lanmaydi. O‘zingni aldama! Dushanbani qanday boshlashdan ko'ra 365 kuningni har tongini qanday boshlashing muhim.

2025-yil kelsin aniq boshlayman degan yilingni ham bir oyi nihoyasiga yetdi!

Kutubxonadami, kitob do'konidami ishlagim keladi...
xullas, tirik insonlar bilan ishlagim keladi...
u yerda ishlayapman ham demaysan, xizmat ko‘rsatyapman ham demaysan... kuzatasan, dam olyapman deysan.

qachondir yetkizar, axir.

eh, bu haqida o‘ylashning o‘zi menga osudalik beradi.

qachondir.
ha, qachondir.

Oxir-oqibat o'zingizga mukammal darajada mos bo'lgan ma'lum bir soha, mavqe yoki imkoniyatga duch kelasiz. Uni topganingizni albatta sezasiz, chunki u bolalarcha hayrat va hayajon uyg'otadi. Topishingiz bilan hammasi o'z o'rniga tushadi. Siz tezroq va chuqurroq o'rgana boshlaysiz. Mahoratingiz shu darajaga yetadiki, o'zingiz ishlayotgan guruhda mustaqilligingizni bildirib, o'z yo'lingizdan ketasiz. Biz nazorat qila olmaydigan narsalarga to'la dunyoda bu sizga eng oliy kuchni beradi. Vaziyatingizni mustaqil belgilaysiz. O'zingizga xo'jayin bo'lib, zolim boshliqlar yoki ayyor tengdoshlaringizning injiqliklariga ortiq tobe bo'lmaysiz. Bundan tahminan 2600 yil avval qadimgi yunon shoiri Pindar "Kim ekaningizni o'rganish orqali o'zingizga aylaning!", deb yozgandi. U shularni nazarda tutgan: tug'ma xususiyatlaringiz va intilishinglaringiz sizni taqdirning bir qismiga aylantiradi. Bu asliyatingizdir. Ba'zilar hech qachon o'zligini topmaydi, o'ziga ishonmay qo'yadi, boshqalarning didiga moslashadi va oxir-oqibat asl tabiatini yashiradigan niqob kiyadi. Ichingizdagi ovoz yoki kuchga e'tibor qaratib, kimligingizni anglashga imkon bersangiz, aylanishingiz kerak bo'lgan shaxs, mahorat egasi bo'la olasiz.

Robert Grin, "Mahorat" kitobidan

Hayot aslida juda ham go'zal.

Shunchaki buni anglab yetish uchun ba'zida aqlimiz va qolgan 90% hollarda pulimiz yetmaydi.

KITOB O‘QIYVERING

Mashoyixlardan biri hikoya qiladi: Bir kuni shayximga: "Ustoz, ushbu kitobni to‘liq o‘qib chiqdim, lekin xotiramda bu kitobdan hech narsa qolmadi", dedim.

Shunda ustozim bir dona xurmo berib: "Buni chaynab yegin dedi" va birozdan so‘ng menga: "Katta bo‘lib qoldingmi?", dedi.
Men: "Yo‘q", dedim.

Ustozim: "Lekin bu xurmo mayda-mayda bo‘lib, sening jasadingda go‘sht, suyak, pay, teri, soch va tirnoqlarga aylangan", dedi.

Shundan anglab yetdimki, men o‘qiyotgan kitob ham mayda-mayda bo‘lib, o‘zim bilmagan holda mening lug‘at boyligimni oshirar, aqlimni ziyoda qilar, axloqimni sayqallar hamda gapirish uslubimni go‘zal qilar ekan".

"Hikmatlar chashmasi"dan.

"6 maqsad" qoidasi

Bir kunda 20 ta ishni tugatishga urinish, uzog'i bilan bu ishlarni keyinga qoldirish bilan tugaydi. Sifat haqida gapirmasa ham bo'ladi.

Yaxshisi, bir kunga ko'pi bilan 6 ta maqsad qo'ying. Va ularni amalga oshirgunga qadar ishlang.

Agar ulardan faqatgina 4 tasini tugatishga ulgurgan bo'lsangiz, ertangi kunga faqat 2 ta qo'shimcha ish qo'shishingiz mumkin.

Shunday qilib, har kuni rejangizda faqat 6 ta maqsad bo'lishini nazorat qiling.

Bilsang…
so’zlar juda og’ir
Qushlar so’zlay olganida, ucha olishmasdi…

Qo‘rqoqmisan?

1. Insonlarni nimadirga erishishida qo‘rquv tuyg‘usi muhim ekanligini tushundim.

2. Yoshligida misol ishlamagani yoki uy vazifasini bajarmagani uchun, ustozidan gap eshtib, ikki olishidan qo‘rqqan bola, hozir Amerikada o‘qishda yuribdi.

3. Imtihondan yiqilib, o‘qishga kirolmasligidan qo‘rqayotgan bola, kechasi ikki-uchgacha darsini qilyapti.

4. Oilasini och qolishidan qo‘rqayotgan, otasi tashlab ketgan o‘n ikki yoshli bola, kuniga 14 soat sovuqda ishlayapti.

5. Farzandini kasalidan qo‘rqayotgan ona, meros qolgan sirg‘asini bozorda sotyapti.

6. Xudoni qahridan qo‘rqayotgan tadbirkor, biznesiga bir gramm ham yolg‘on, ribo aralashtirmayapti.

7. Har ko‘rganingda havasingni keltiradigan insonlar, oldin yoki hozir nimadandir qattiq qo‘rqqan bo‘ladilar.

8. Motivatsiya qidirib o‘tirma. Qo‘rquv qidir. Seni uxlatmaydigan, bekorchilikka soatlaringni sarflatmaydigan qo‘rquv.