Magistrlar Official

Ходимга меҳнатга лаёқатсизлик нафақаси (больничный) қанча тўланиши керак?

Кўпинча, ходимлар больничный учун қанча тўланиши ҳақида мурожаат қилишади ва аксарият ҳолатларда ўзларининг бир нечта вояга етмаган фарзандлари борлиги, ногиронлиги мавжудлиги ёки кўп йиллик иш стажи мавжудлигини айтиб 100 фоиз больничный олишга ҳақли ёки йўқлигини сўрашади.

❗️Амалдаги қонунчиликка мувофиқ, вақтинча меҳнатга лаётатсизлик нафақаси тайинлашда касалликнинг аҳамияти ва ходимнинг иш стажи инобатга олинган ҳолда меҳнатга лаётатсизлик нафақаси (больничный) тайинланади.

Хусусан, «Давлат ижтимоий суғуртаси бўйича нафақалар тайинлаш ва тўлаш тартиби тўғрисида»ги низом (рўйхат рақами 1136, 08.05.2002 й.) 27-бандига асосан ижтимоий аҳамиятга эга бўлган касалликлар (сил касаллиги, онкология касалликлари, янгидан пайдо бўладиган хатарли ўсимталар, жинсий йўл билан ўтадиган касалликлар, СПИД, мохов (лепра) касаллиги, руҳий касалликлар) бўйича ҳисобда турган ходимларга улар томонидан давлат ижтимоий суғурта бадали тўлаган даврининг (умумий иш стажининг) давомийлигига боғлиқ равишда вақтинча меҳнатга қобилиятсизлик нафақаси қуйидаги миқдорларда тўланади:

👉 Умумий иш стажи 8 йил ва ундан ортиқ бўлган ходимларга иш ҳақининг - 100 фоизи миқдорида;
👉 умумий иш стажи 5 йилдан 8 йилгача бўлган ходимларга иш ҳақининг - 80 фоизи миқдорида;
👉 умумий иш стажи 5 йилгача бўлган ходимларга иш ҳақининг - 60 фоизи миқдорида.

Мана шу қоидага кўра ходимдаги касалликнинг хавфлилик даражаси ва унинг иш стажини инобатга олган ҳолда меҳнат вазифасини бажаришдан озод бўлгани, бошқача айтганда бу даврда ойлик олмагани учун нафақа тўланади.

@magistrlarofficial
@magistrlarofficial_group

⚡️Aytishlaricha, bugun 2025/2026 o'quv yili uchun Oliy ta'lim muassasalariga qabul kvotalari e'lon qilinishi kutilmoqda.
@magistrlarofficial
@magistrlarofficial_group

Xususiydan davlat universitetiga o‘qishni ko‘chirish mumkinmi?

Xususiy universitetdan davlat universitetiga o‘qishni ko‘chirsa bo‘ladi. Har yili 15-iyul – 5-avgust oralig‘ida o‘qishni ko‘chirish uchun arizalar topshiriladi.

Arizalar my.uzbmb.uz platformasi orqali onlayn qabul qilinadi. Ro‘yxatdan o‘tganingizdan so‘ng, transkript yoki zachotka faylini (pdf/jpg formatda) yuklashingiz kerak bo‘ladi.

15–20-avgust kunlari maxsus test sinovlari bo‘lib o‘tadi. Natijalarga ko‘ra ko‘chirish masalasi hal qilinadi.

O‘qishni qanday holatlarda ko‘chirish mumkin?

- Mos yoki turdosh yo‘nalishlar bo‘yicha – test topshirasiz, sinov natijasiga qarab qaror qabul qilinadi.

- Noturdosh yo‘nalishlar bo‘yicha – sinovsiz, ammo tabaqalashtirilgan to‘lov-kontrakt asosida o‘qishingiz davom ettiriladi.

Eslatma: Xususiy yoki xorijiy universitetdan davlat OTMga o‘tayotganda rasmiy hujjatlar tayyor bo‘lishi, to‘lov va shartlarga diqqat qaratilishi lozim.

@magistrlarofficial
@magistratura_qabul2020

❗️ Ertaga OTM ga arizalar qabulining so'nggi kuni!

📌Ertaga qabulning oxirgi kuni bo’lgani uchun testga kirishda to’lanadigan to’lovni ham ertadan kechiktirmay qilish kerak.

To'lov ertaga 25-iyun kuni soat 23:59 gacha qabul qilinadi. Undan kechiksa abituriyent ro‘yxatdan o‘tmagan deb hisoblanadi va test sinovlariga qo‘yilmaydi.

📆Avvalgi yillarda bitirganlar testga kirish uchun 187 ming 500 so'm miqdorida to'lov qilishi kerak bo'ladi. To'lovni belgilangan muddatga qadar bo'lib to'lash ham mumkin, undan kechiksa, testga kiritilmaydi;

Imkon qadar to’lovni ham oxirgi daqiqalarga qoldirmang. Serverga yuklama ortishi munosabati bilan tizim ishlamay qolishi mumkin va bu sizga kutilmagan muammolarni yuzaga keltiradi.

💬Quyidagilar testga kirish uchun to‘lovdan ozod qilingan:

— taʼlim muassasasini joriy yilda tugatganlar;

— Mehribonlik uyi va Bolalar shaharchalari bitiruvchilari;

— to‘liq davlat taʼminotidagi shaxslar;

— nogironligi bor shaxslar;

— ijtimoiy himoya yagona reyestriga kiritilgan shaxslar va ularning farzandlari;

— “Yoshlar daftari”ga kiritilgan yoshlar.

@magistrlarofficial
@magistrlarofficial_group

❗️Hujjat topshirish boshlanishiga 8 kun qoldi, lekin haligacha hech qanday yangilik yo'q. Bizningcha sabab, hamma ta'limga oid tashkilotlar, bitta tashkilot ya'ni vazirlik qoshiga o'tganidan keyin, topshiriq bo'lmasa qilmaymiz zayilida ishlashga o'tishgan. Oldin o'z xohishiga ko'ra qilishardi. Endi bo'lsa kimnidur qosh qavog'iga qarashi kerak.

Bu yili qabul my.edu.uz platformasi orqali amalga oshiriladi

O'zi aslida avval yaxshi edi. Hamma narsani boricha ko'rar edik. Qabul jarayonlari ham to'liq yoritilib borar edi...

@magistrlarofficial
@magistrlarofficial_group

❗️ Ba'zi sertifikatlar orasidagi muddat bir yildan oshmasligi lozimligi belgilanmoqda!

Xorijiy tillar va umumtaʼlim fanlarini bilish darajasini belgilovchi milliy va xalqaro tan olingan sertifikatlar roʻyxatiga oʻzgartirish va qoʻshimchalar kiritish toʻgʻrisida loyiha matni regulation.gov.uz muhokamalar portaliga joylandi. Qaror matniga quyidagicha qo'shimcha kiritilmoqda:

***umumiy oʻrta, oʻrta maxsus, kasbiy taʼlim tashkilotlarida faoliyat yuritayotgan pedagoglardan Teaching Knowledge Test (TKT), Teaching English for Speakers of Other Languages (TESOL), Teaching English as a Foreign Language (TEFL), Teaching English as a Second Language (TESL) sertifikatlari Common European Framework of Reference (CEFR) tizimining B2 yoki undan yuqori darajadagi sertifikat bilan birgalikda qabul qilinadi va ularga ustama belgilangan tartibda toʻlanadi. Bunda taqdim etilgan malaka koʻnikmasi va til bilish sertifikatlari olingan vaqt oraligʻi bir yildan oshmasligi lozim;

Ya'ni bu qo'shimchaga ko'ra, siz 2025-yil 20 sentyabrda TKT sertifikatlarini jamlagan bo'lsangiz, tabiiyki ustama uchun yoniga B2 sertifikat so'raladi. Ushbu B2 sertifikat muddati bilan TKT sertifikatining muddatlari oralig'i bir yildan ko'p bo'lmasligi kerak. Ya'ni B2 sertifikatingiz 2024-yil 20-sentyabrgacha olingan bo'lishi kerak.
Agar bir yildan oshgan bo'lsa, deylik siz 2024-yil mayda yoki avgustda B2 ni olgan bo'lsangiz, bu TKT sertifikatingiz uchun yaroqli bo'lmay qoladi.
Lekin hali bu loyiha bosqichida. Siz loyihaning aynan shu qismiga o'z e'tiroz yoki takliflaringizni bildirishingiz mumkin.

👉 Loyiha matniga fikr bildirish

☝️ Ushbu qaror matni hali loyiha bo'lib, hali rasman tasdiqlanmangan! Qaror rasman imzolangunga qadar u yoki bu o'zgartirishlar kiritilishi mumkin!

@magistrlarofficial
@magistrlarofficial_group