Как говорит М1

@m1etganide

Channel's geo and language: Uzbekistan, Uzbek

Category: Telegram

Субьектив Фикрларим
Афоризимлар
Cover талкиндаги кўшиклар

Related channels

Channel's geo and language

Uzbekistan, Uzbek

Как говорит М1

12 Mar, 19:10

“Ҳар нарсанинг охири бор. Ҳаёт ҳам бундан мустасно эмас. Бир кун келиб, бу ерда бўлмайман… Ҳамма нарса орқамда қолади – сўзларим, ишларим, ҳатто орзуларим ҳам.

Шу кун ҳақида ўйлаб кўраман: ўша сўнги кунимда нима ҳис қиламан? Афсусланаманми? Ёки табассум билан кетаманми? Мен қўрқмайман, лекин бекорга ўтган ҳаётдан қўрқаман. Кечирилмаган хатолардан, айтилмаган сўзлардан, амалга ошмаган мақсадлардан.

Шунинг учун мен бугун яшайман! Ҳар кунимни охиргидек қадрлайман. Ҳар бир инсонга керакли сўзларни айтаман, орзуларимни ортга сурмайман, қўрқмайман. Чунки сўнги кун келганида, мен ҳаётга миннатдорлик билан қарашни истайман.

Бу кун келади… Аммо у кунгача мен харакат килишни, максадларимни амалга оширишни давом этаман!”*

1.7k 0 1 9

Как говорит М1

12 Mar, 01:43

Ҳаммаси яхшиликка

Ҳаёт синовларсиз бўлмайди.
Қийинчиликлар – йўлимизни ёритувчи нур,
Оғриқлар – сабримизни синаш учун.

Ҳар бир синовда бир ҳикмат бор. Ҳаммаси яхшиликка )

2.4k 0 2 26

Как говорит М1

11 Mar, 21:18

Кеч кирди…

Яна бир кун ортда қолди. Аммо ичимдагилар тугамади. Кеч кириши билан миямда минг хил саволлар чарх уради. Жавоби йўқ, ечими ноаниқ, тинч қўймайди… Юрагим оғир, руҳим эзилган. Кимдир бу фақат чарчоқ дер, кимдир вақтинчалик босим. Лекин мен биламан – бу оддий асабийлик эмас. Ичимда нимадир синияпти, нимадир мени ич-ичимдан эзиб боряпти.

Қачон тугайди булар?
Ким билсин… Балки эртага, балки ҳеч қачон. Балки ўзим бу саволларга жавоб топмагунча, улар мени тарк этмайди. Балки мен курашишдан чарчагунимча, улар менга тинчлик бермайди.

Аммо бир нарса аниқ – мен ҳали ҳам бардош бераяпман. Бу ҳам ютишнинг бир шакли эмасми?

2.4k 0 1 23

Как говорит М1

11 Mar, 20:54

“Бас қил, эй нафс!” китобини бир кундан ҳам қисқа вақтда тугатдим…

Ҳар саҳифа ўйга толдирди. Ҳар сўз – юракка ўқдек ботди. Гўё менга қараб гапираётгандек, менинг ҳикоямни айтаётгандек эди. Ҳар саҳифада ўзимни топдим, ўз хатоларимни кўрдим.

Вақтни унутдим, чунки бу китоб менга сабоқ берди. Ҳар бир сўзи руҳимни ювди, ғуруримни синдирди, хаёлларимни силкитди. Нафсим билан юзма-юз келдим.

Бир кун эмас, балки бир умрлик ҳақиқатларни ўқидим. Ва тушундим: бу китоб тугади, лекин мен учун энди ҳақиқий синов бошланди. Энди билганларим билан яшашим керак… )

2.4k 0 2 24

Как говорит М1

11 Mar, 20:38

Сени синишингга сабаб бўладиган гапларни бегоналар айтмайди…

Бегона инсон сенинг қалбингни емиролмайди. Чунки у сенга яқин эмас. У сени кечаги кунингдан, борган йўлларингдан, кечирган дардларингдан бехабар. Унинг ташланган сўзи шамол каби: учиб келади, учиб кетади.

Лекин сени чиндан синдирадиган гаплар доимо яқинларингдан чиқади. Сен ишонган инсонлардан, сен қадрлаганлардан. Чунки фақат уларгина сени қайси жойинг оғришини, қалбингнинг қайси нуқтаси заиф эканини билади. Ва баъзан билмасдан, баъзан эса атайлаб ана шу нуқтани босади…

Бироқ унутма: ҳар синиш – янги бир шаклга кириш демак. Агар сени синдиришган бўлса, демак, сен қайта қуриласан. Янада мустаҳкам, янада бақувват, янада чидамли бўлиб.

Сени синдирганларга раҳмат айт. Чунки улар сенинг ҳақиқий кучингни юзага чиқарди ))

2.6k 0 1 25

Как говорит М1

11 Mar, 18:26

00:15

Ишонч сени олдиради)

2.5k 0 1 21

Как говорит М1

11 Mar, 16:33

Forward from: как говорят узбеки

13 соат роза тутиб, 13 дақиқада тоқ болиш бу дунё рохатининг қанчалик қисқа эканлигига мисолдир

2.7k 0 0 31

Как говорит М1

11 Mar, 14:38

Хаётимда килган энг тўғри ишларимдан бири бу менинг вактимни, фикри хаёлимни ўғирлайдиган нарсалардан, туйғулардан воз кечганимдур.

Хозирги вактда айрим кимсаларга ўхшаб, охири аник бўлмаган муносабатларга кирмаганим бу менинг катта ютукларимдан бири деб хисоблайман. Осон бўлмаган пайтида мен хам севдим лекин мейоридан ортик севгим акамгача йетиб борди, кунларнинг бирида менга кўнғирок килиб ишхонасига боришимни айтди. Бордим хаёлимда минг хил ўй эди лекин айнан бу мавзу эканлигини хаттоки хаёлимга хам келтирмаган эдим…

Узок сухбатдан кейн акамнинг гаплари туғри эканлигини тушундим ва жуда кийин карорни кабул килдим ва охири аник бўлмаган барча муносабатлардан воз кечдим. Шу кундан бери кайсидур кизга гапирмокчи бўлсам акамнинг гапи хаёлимга келад ва жим бўламан.

Тўғрисини айтсам шундан кейн анча ўзгардим. Чунки энди мен вактимни кимгадур учун сарфламаятгандим. Факат ўзим учун келажагим учун харакат киладиган бўлдим. Хар нарсани яхши тарафини кўришни ўргандим. Агар ўша куни шу сухбатлар бўлмаганда балким мен хали хам кимдур учун вактимни бехуда сарфлаб юрган бўлар эдим )

2.8k 0 3 27

Как говорит М1

11 Mar, 12:23

Таасавур килинг - Сиз Яшаяпман деб ўйлаган бу хаёт туш бўлсачи?

Агар шу ҳаёт туш бўлса, ҳақиқий ҳаёт қаерда? Ва биз қачон уйғонамиз? Балки, ҳақиқий ҳаёт энди бошланар…

Биз уйғонадиган кун келади. Савол шуки – у кунгача ҳақиқий ўзлигимизни топа оламизми?

2.9k 0 2 28

Как говорит М1

11 Mar, 04:57

00:39

2.8k 0 2 30

Как говорит М1

11 Mar, 02:08

07:24

Тўғри бироз вактингизни оламан.

Ўзи тушунганимги кискарок килиб айтиб бергим келди. Лекин курбм йетмади. Кўп адашдим шунинг учун ўкиб бердим.

Кўлдан келганча харакат килдим Сизларга тушинтиришга. Нуткмда бироз хатоликлар бўлди тўғри тушунасизлар деб ўйлайман

2.9k 0 3 30

Как говорит М1

10 Mar, 22:15

00:12

2.9k 0 3 24

Как говорит М1

10 Mar, 20:41

“Кўр қалблар”

Баъзи инсонлар бор – улар фақат ўз ҳақларини биладилар, аммо бурчларини унутадилар. Ўзларини ҳақ деб ҳисоблайдилар, бошқаларни эса айбдор. Улар учун муаммо ҳамиша ташқаридан: ҳаёт адолатсиз, атрофдагилар ношукр, яқинлари эса тушунмайди. Аммо улар ўзларига бир бор савол бермайди: балки муаммо менда? Балки мен кўрман?

Оила азобда, яқинларининг кўзида мунг, лекин улар бунга эътибор бермайди. Юраклари музлаган, қулоқлари ҳақиқатга берк. Фақат ўз истаклари, ўз ҳақиқатлари билан яшайдилар. Ўзларини қанчалик ҳимоя қилишмасин, аслида йўқотиятган нарсаси – яқинларининг ишончи, ҳурмати ва меҳридир.

Одам ҳаётда кўп нарсани бой бериши мумкин, лекин энг ачинарлиси – инсонилигини йўқотишдир!

Кеч бўлмасдан уйғонинг.Сўнгида ёлғиз коласиз хеч ким сизга ишонмайди хатоки сизни тинглашдан хам воз кечишади ))

2.9k 0 2 19

Как говорит М1

9 Mar, 21:42

Ҳар нарса ўз вақтида ва ўз ўрнида

Ҳаёт шошилмайди. У ҳеч қачон ортиқча тезлашмайди ва ортга қайтмайди. У ўз йўлидан бормоқда, ўз қонуниятлари билан.

Баъзан биз шошамиз. Орзуларимиз реалликдан илгарилаб кетади. Сабр қилиб кутиш ўрнига, қўл тўплаб йиғлаймиз, тақдирга нолиймиз. Нега ҳозир эмас?

Лекин бир кун келиб тушунасан. Ҳар нарса ўз вақтида ва ўз ўрнида келади.

Сен хоҳлаган иш кечикиши мумкин, лекин у кечикмаган – фақат сени тайёр бўлишингни кутиб турган. Ҳали бунга лойиқ эмас эдинг, шунинг учун ҳам келмаган.

Сен истаган муваффақият қўлингга дарҳол тушмаслиги мумкин. Сен нолийсан, чарчайсан, нафратланасан. Лекин бир кун келиб, ҳаёт сени айнан шу кечиккан муваффақиятга тайёрлаш учун синовлардан ўтказганини тушунасан.

Ҳеч нарса кечикмайди. Ҳеч нарса ортиқча тезлашмайди. Ҳар нарса – ўз вақтида, ўз ўрнида.

Ҳаётингдан шубҳа қилма. Фақат Аллохга ишон, сен кутган кунлар, сени хам кутмокда ))

2.9k 0 2 26

Как говорит М1

9 Mar, 21:29

01:05

2.9k 0 2 21

Как говорит М1

9 Mar, 20:09

Номаълум эртанги кун

Эртанги кун мен учун сир. У менга қандай сюрприз тайёрлаганини билмайман. Қаерга бораман? Кимнинг олдига тушаман? Қайси бўлимда ишлайман? Бу саволларнинг ҳеч бирига аниқ жавобим йўқ.

Лекин мен тайёрман.
Номаълумлик қўрқитмайди, аксинча, мени янада ҳаракатга ундайди. Ҳаётнинг шундай йўллари борки, уларни олдиндан билиш шарт эмас, шунчаки юриш керак. Ишонч билан, жасорат билан.

Эртанги кун ўз сирини очса, мен уни кутиб оламан. Янги муҳитми? Янги одамлар? Янги синовлар? Менга фарқи йўқ. Мен тайёрлигимни аллақачон исботлаганман.

Кел, эртанги кун!!!!
Мени қандай синовлар кутаётган бўлса ҳам, мен тайёрман!

3k 0 2 28

Как говорит М1

8 Mar, 23:59

00:54

Cover - Zohid Gulim

2.9k 0 1 34

Как говорит М1

8 Mar, 23:56

00:34

2.9k 0 2 27

Как говорит М1

8 Mar, 21:28

Сабр қилинг…

Биламан, қийин.
Ҳар куни интиқлик билан кутиш. Охири қачон келишини билмаган ҳолда.

Ҳаёт баъзан дайди каби яшашга мажбур қилади.
Боришингиз керак бўлган, аниқ манзил йўқдек, Гўёки барча учун ортикча юкдек,
Олдинга қарасангиз ҳам, орқага қарасангиз ҳам – ғам.

Лекин сабр қилинг.
Сиз синовдан ўтаётганингиз рост. Лекин бу синовлар сизга куч беради, шакллантиради, синаб кўради.

Бир кун келиб, барчасига эришасиз. Ҳа, айнан ўша кун келади! Сиз ният қилган барча яхшиликлар,
Сиз интиқ бўлган барча орзулар амалга ошади!

Фақат сабр қилинг…

2.9k 0 2 34

Как говорит М1

8 Mar, 21:21

Йиғлаб юбормаслик учун кулдим…

Кўз ёшларимни кўришмаслиги учун.
Камситилмаслик учун.
“Ҳаммаси яхши” деган ёлғонга ўзимни ишонтириш учун…

Кулдим.
Чунки йиғлаш менга ёрдам бермаслигини тушундим.
Одамлар тасалли беролмаслигини,
Дардимни улар тушунмаслигини билардим.

Шунинг учун йиғлаб юбормаслик учун кулдим.
Ич-ичимда барча оғриқларни ютиб.
Юрагимдаги оғирликни ҳис қилган ҳолда.
Кулдим.

Лекин бу кулги ҳақиқий эмас эди.
Чунки ичимдаги қоронғуликни ҳеч ким кўрмайди…