Мен Өзбекстанның Жәҳән саўда шөлкемине (ЖСШ) ағза болыў процесиндеги ҳәзирги жағдай ҳаққында қысқаша мағлыўмат бермекшимен. 2024-жылда мәмлекетимиз бул жөнелисте үлкен қәдем таслады.

Бул Президент Шавкат Мирзиёев тәрепинен алып барылып атырған қатаң экономикалық реформалар нәтийжесинде әмелге асты. Атап айтқанда, өткен жылы ЖСШ Жумысшы топары еки әҳмийетли жыйналыс өткерди. Бул бизге ағзалықтың тийкарғы ҳүжжети - Жумысшы топар Есабаты жойбарын таярлаўға кирисиўге мүмкиншилик берди. Соның менен бирге, АҚШ, Қытай ҳәм Япония сыяқлы 15 мәмлекет пенен өз-ара келисимлер жуўмақланды. Нәтийжеде Өзбекстан есабында 23 қол қойылған келисим бар.

Қысқа ўақыт ишинде бизнести ҳәм бәсекини және де ашық қылыў ушын 20 зәрүрли нызам қабылланды.

Тез арада Шөлкемниң толық ағзасы болыў ушын быйылғы жылда да биз сол пәтте даўам етемиз. Бул мәмлекетимиздиң инвестицион тартымлылығын асырыўы ҳәмде өзбек бизнесиниң аймақлық ҳәм глобал қосылған баҳа шынжырларына кирип барыўын тәмийинлеўи керек.

ЖСШне ағзалық ҳәм мәмлекет басшысы тәрепинен алып барылып атырған реформалардың жуўмақлаўшы мақсети, сөзсиз, халқымыз пәраўанлығын тәмийинлеў, оған мүнәсип жумыс орынларын жаратыў ҳәм экономика басқарыўын нәтийжелирек системаға өткериў болып табылады.

@SShMirziyoyeva

✅ 👉 @KRuzuz — Қарақалпақстандағы ең исенимли хабарлар