Министрлер Кеңеси Баслығының орынбасарлары тайынланды

Бүгин Қарақалпақстан Республикасы Жоқарғы Кеңесиниң 2-сессиясы болып өтпекте. Сессияда Министрлер Кеңеси Баслығының орынбасарларын ҳәм Министрлер Кеңесиниң ағзаларын тайынлаў ҳаққындағы мәселе көтерилди ҳәм усыған муўапық:

• Қарақалпақстан Республикасы Министрлер Кеңеси Баслығының қаржы-экономика ҳәм кәмбағаллықты қысқартырыў мәселелери бойынша биринши орынбасары – экономика ҳәм қаржы министри лаўазымына Нуруллан Ерлепесов;

• Министрлер Кеңеси Баслығының қурылыс, тосқынлықларсыз орталық жаратыў, коммуникациялар, коммунал хожалық, экология ҳәм көклемзарластырыў мәселелери бойынша орынбасары лаўазымына Шухрат Дәўлетияров;

• Министрлер Кеңеси Баслығының аўыл ҳәм суў хожалығы мәселелери бойынша орынбасары – Аўыл хожалығы министри лаўазымына Шуҳрат Тешаев;

• Министрлер Кеңеси Баслығының орынбасары – Инвестициялар, санаат ҳәм саўда министри лаўазымына Владимир Жоллыбеков;

• Министрлер Кеңеси Баслығының туризм, спорт, мәденият, мәдений мийрас ҳәм ғалабалық коммуникациялар мәселелери бойынша орынбасары лаўазымына Расул Зарикеев;

• Министрлер Кеңеси Баслығының жаслар сиясаты, социаллық раўажландырыў ҳәм руўхый-ағартыўшылық ислери бойынша орынбасары лаўазымына Байрамбай Өтемуратов;

• Министрлер Кеңеси Баслығының жәмийетлик ҳәм диний шөлкемлер менен байланыслар бойынша орынбасары лаўазымына Раджапбай Нуразизов;

• Министрлер Кеңеси Баслығының орынбасары — Шаңарақ ҳәм ҳаял-қызлар комитети баслығы лаўазымына Марьям Ахмедова тайынланды.

✅ 👉 @KRuzuz — Қарақалпақстандағы ең исенимли хабарлар