Қарақалпақстан Республикасы Транспорт министри П.Қайыпбеков басшылығында  Қарақалпақстан Республикасы Ишки ислер министрлигиниң Жол ҳәрекети қәўипсизлиги басқармасы хызметкерлери ҳәм республикамыздағы жолаўшы тасыўшы кәрхана басшылары менен ушырасыў болып өтти.

Ушырасыў даўамында  дәслеп тараўға байланыслы норматив-ҳуқықый ҳүжжетлердиң мазмун-мәниси ҳәм әҳмийети, сондай-ақ, коррупцияға қарсы гүресиў, оның алдын алыў, тараўларда алып барылып атырған жумыслар ҳәм алдағы ўазыйпалар бойынша  айтып өтилди.

Соның менен бирге, аймақларда жол транспорт ҳәдийселериниң алдын алыў, автотранспортлардың техник көриктен өткерилиўин турақлы қадағалаў, орнатылған метан газ балонларына итибарлы болыў, сондай-ақ, пуқаралардың ҳәр тәреплеме қәўипсизлигин тәмийинлеў бағдарында түсиниклер берилди.

Ҳәзирги ўақытта жәмийетлик транспортлар бойынша келип түсип атырған мүрәжатлар, оларды сапластырыў ҳәм транспорт хызметин көрсетип атырған кәрханалардағы кемшиликлер бойынша айтып өтилди ҳәм қатаң қадағалаў бойынша кәрхана басшыларына тапсырмалар берилди.

Қарақалпақстан Республикасы Транспорт министрлиги мәлимлеме хызмети

Бизди социаллық тармақларда бақлап барың
👇👇👇

📱 Instagram |🌐 sayt |✉️ telegram |📱 facebook|📱twitter