Navbatdagi tugatgan asarim shu bo'ldi. Mutolaa platformasida radiospektakl shaklini tingladim. Bu albatta juda qiziqarli. Sababi, mutaxassis, aktyor yo dublyaj ustalari rolga kirishib, intonatsiya bilan o'qishadi.
Asarga qaytadigan bo'lsak, nazarimda ko'p qahramonlarni tasviri bir yoqlama bo'lib qolgan.
Gavhar Shod Begim va Abdulatif o'ta salbiy, Mirzo Ulug'bek va boshqalar o'ta ijobiy...
Hech bir farzand otasini qotiliga aylanishni xohlamaydi. Bu vaziyatda Abdulatifning atrofidagi kuchli ta'sirlar, uning ichki olamdagi tinimsiz janglari va o'ylari, bunday ishni qilganidan so'ng vijdon azobiga qolishi va afsus-nadomatda qiynalishi, uning ham ilmga ixlosmand bo'lgani ko'proq ochib berilishi kerak edi. Masalan, Fitratning "Abulfayzxon" dramasida bunday kechinmalar ta'sirli tasvirlangan.