Uning aqli qo'shfikrning chalkash so'qmoqlarida kezib yurardi. Bila turib, bilmaslik; haqiqatni bila turib, uydirmani gapirish; bir-birini inkor etadigan ikki fikrni bir vaqtda qabul qilish, ikkalasiga birdek ishonish; mantiqni mantiqqa qarshi qo'yish; axloqiylikka da'vo qilgan holda, amalda uni rad etish; demoktratiya bo'lishi mumkin emas deya, lekin partiya - demokratiya posboni ekaniga ishonish; unutish lozim bo'lgan narsani unutish va, asosiysi, bu jarayonni jarayonning o'zida qo'llash. Eng nozik jihati ongli ravishda ongsizga aylanish va, ayni paytda, o'zingni aldayotganingni anglamaslik.