Kitobqalbli

@kitob_world

Channel's geo and language: Uzbekistan, Uzbek

Category: Telegram

• kitoblar
• musiqa
• sheʼriyat
• tarix
• sanʼat
• filmlar
Aloqa uchun: @Kitob_chat_bot
Manba bilan saqlang

Related channels | Similar channels

Channel's geo and language

Uzbekistan, Uzbek

Kitobqalbli

13 Jan, 18:15

25-gacha sogʻ boʻlinglar 🫧

#ifor

218 0 1 29

Kitobqalbli

10 Jan, 18:31

Kecha kelgumdur debon ul sarvi gulro’ kelmadi,
Ko’zlarimg’a kecha tong otguncha uyqu kelmadi.

313 0 2 30

Kitobqalbli

8 Jan, 20:13

U bilan bir xil kitoblarni oʻqimaganmisiz, keching...

419 0 2 33

Kitobqalbli

8 Jan, 13:29

_Yana_bir_sen_kabi_janon_YAna_bir_sen_kabi_zhanon Sardor_R —

03:50

#mood

Yana bir sen kabi janon
Borligiga ishonmasman...... (#)

437 0 5 7

Kitobqalbli

7 Jan, 20:37

00:33

Video is unavailable for watching

Show in Telegram

Bilaman sizlar ham hayotni zerikarli deb oʻylaysizlar... (#)

422 0 5 10

Soat 22:20
Yarim tunga oz qoldi. Uyqing kelyapti. Kun boʻyi charchagansan. Ham maʼnan, ham jismonan. Bir minusi bor. overthinking yeb bitiradi seni. Orzularing armonga aylanishini istamaysan. Koʻzlaring moshdek ochiladi. Yoʻlingga toʻsqinlik qiladigan hamma narsani, odamlarni olib tashlaging, chetlab oʻtging keladi. Biroq, biroq ularning ichida sening jon parchalaring, aziz kishilarning bor.

Ammo sen toʻxtama, yoʻlingda davom et. Hali hammasini yaxshi boʻladi. #Ifor meni yonimda boʻlsang bas. Sen mening ikkinchi yarmimsan. Senda mening istaklarim mujassam. Goʻyoki biz bir tanadagi ikki ruh misoli. Sen mudom ozod va hursan. Oldinga intil, parvoz qil. Magʻrur tur. Orzularing sari olgʻa qadam bos. Zero men sen bilan.

I believe you,

348 0 5 11

Kitobqalbli

6 Jan, 16:40

Har yili shunday odatim bor edi : oʻzim kuzatadigan va eng yaxshi deb bilgan kanallarimni ulashardim. Bu safar sal boshqacha qilishni istadim. Yaʼni, ushbu kanalda bor va menga yoqqan eng yaxshilarini ulashgim keldi. Bu reklama emas, shunchaki qalb istagi.

@november_aut - Taqrizlari yoqdi.

@Bibliophile_D - Bu inson ham taqrizlarni oʻta goʻzal yozadilar ekan.

@Mohidasblog - oʻtgan 2024-yilda 220+ kitob oʻqidi bu qiz.

@Sohibjon_Saydullayev - adabiyotga filolog yigit nigohi bilan qarashga qiziqsangiz.

@sen_va_choy - soʻzlar ortiqcha.

@turonlik - yosh boʻlishiga qaramay, ancha yutuqlarga erishdi.

@Definitsiya - qimmatli maʼlumotlar va barcha ...lizm lar haqida.

@YuSuF_QaLaNDaR - Yusuf Qalandar ijodi bilan Kamalov ogʻa orqali tanishgandim. Juda goʻzal yozadiganlar. Kanalımda borliklarini bilmasdim.

@Zakariyotiya - Zakariyoni sheʼrlari one love

@sirli_kitobxon - oʻsha instagramdagi Pathos.sad bu telegramdagi kanalları.

@filolog_kundaligidan - bu qiz ham ancha kitob oʻqib qoʻygan.

@Shoxruxcx - kirishimga “Uch ogʻayni”dan iqtibosga koʻzim tushdi.

https://t.me/+N_4QvuDj8NllZmEy - kanal maxfiy ekan-u, profillarida rus adabiyoti klassikalarini koʻrdim. Havas ketdi.

https://t.me/+13YQb8eIJdU5ZTky - Den Braun ishqibozi.

@Kitob_Xonamm - Durdona adabiyotlarni oʻqigan ekanlar.

@baxtxush_talabalik - shunchaki yoqdi.

@Qaylardasanbaxt - bugun bu qizchani tugʻilgan kuni.

@nabijonov_javohir - koʻzlar goʻzallik koʻrsin

@tafakkurwithDildora - litsey yillari tanishgan qadrdonim. Oʻqimagan kitoblari qolmagan.

https://t.me/+kNjN7UoQDIthZjAx - meni reklama qiling deb pora taklif qildilar...

539 0 16 20 11

Kitobqalbli

6 Jan, 12:16

Qachondir birgalikda sen bilan ham asarlarni muhokama qilamiz, balki oʻsha payt kanalning ham keragi qolmas...

1.9k 2 22 23

Kitobqalbli

6 Jan, 11:17

va barchamiz hikoyalarga aylanamiz...

701 1 6 13

Kitobqalbli

3 Jan, 22:20

#taqriz #review

“Muvozanat” – Ulugʻbek Hamdam

“Tavba, odamlar bir-birlari bilan urishib yurishsa, men doim o‘zim bilan o‘zim jang qilaman. Boshqalar bilan olishishga menda na fursat bor va na rag‘bat bor...”

Yashar ekanmiz eng yuqoriga intilamiz. Chiranamiz. Eng yaxshisi deymiz. Erishganimizdan soʻng ham tinchimaymiz. Kamlik qiladi. Endi yanada koʻproq istaymiz. Biz odamzod shundaymiz, toʻymaymiz. Ana shu payt oltin oʻrtalikni yoʻqotamiz. Eng keragi ham shu emasmi aslida?

“Muvozanat” asari orqali men Ulugʻbek Hamdamni tanidim. Oʻzbek adabiyotida yangi bir yozuvchi oʻlaroq oʻzimga kashf qildim. Asar mavzusi, olib chiqilgan gʻoyalar, qarashlar har doim oʻz dolzarbligini yoʻqotmagan va bevosita bugun uchun ham muhim.

Yangi mustaqil boʻlgan davrlarimiz... Ilm olishdan koʻra qornimizni qanday toʻydirishni bila olmay kimdandir najot kutib yurgan paytlarimiz... Yozuvchi ayni shu pallalarni qalamga oladi. Bosh qahramonimiz Yusuf ham universitetda dars berishini aytmaganda, boshqa daromad manbayi yoʻq. U bilan birga oʻqigan doʻstlari Said va Mirazimlar esa biri savdogar, biri xotini orqali yuqori pogʻonalarga erishgan. Ammo Yusuf bularni hech biri bilan shugʻullana olmas edi. Tabiati, vijdoni bunga imkon bermasdi.

U hamisha hayotdan maʼno istar, oʻz yoʻlini qidirardi. Nimadir unga toʻsqinlik qilar, halovat yetishmasdi. Kambagʻallik... Ilojsizlik... Yusuf qishloqqa qaytishga majbur boʻldi. Qaytishdi, yana uysizlik, sargardonlik. Ayoli tashlab ketdi. Bolasi kasal boʻldi. 1,5 yoshli oʻgʻli ochkoʻz, oʻz manfaatlaridan boshqa narsani bilmaydigan, johil shifokorlar sabab vafot etdi. Unga endi baribir boʻlib qoldi.

Eʼtiborimni tortgan yana bir qahramon — doʻsti Mirazimning ayoli Zahro. Har qancha boʻlsa pul bor. Yegani oldida, yemagani ketida. Istagani ogʻzidan chiqmasdan muhayyo. Sevib turmush qurishgan. Nihoyatda goʻzal ayol, kamchiligi yoʻq. Lekin unga mehr' yetishmasdi. Ozgina eʼtibor, biroz mehr. Uyda qamalganday yashardi. Bora-bora bundan zerikdi. Unga yangi muhit, yangi chehralar zarur edi. Koʻchadan izlamoqchi boʻldi. Baxtga qarshi botqoqqa botmadi. Ayolga asli koʻp narsa kerak emas. Yaxshi suhbatdosh, tushunadigan inson, muhabbat toʻla nigohlar boʻlsa bas.

Yusufning akasi Amir. Bu dunyoni tamom unutgan, oxirat qaygʻusiga tushib qolgan mutaassib dindor qiyofasida gavdalanadi. Ayolining holi nima kechyapti, kasal holda qanday ham uni, ham bolalarini boqyapti xayolini bir chekkasiga keltirmaydi. Ertadan kechgacha ibodat, roʻza tutishni biladi. Haqiqiy valiylarning qaramogʻisiz chillada oʻtiradi. Ayoli oxiri vafot etadi. Bolalari unga qoladi. Shu darajada toshbag‘ir boʻlib ketadiki, ularga nisbatan zarracha otalik tuygʻusini tuymaydi.

Alal oqibat, Yusuf har koʻchaga bosh suqib koʻrdi. Savdogarlik qildi, oʻz talabalari bilan ustachilik qildi. Biroq ilmdan kechmadi. Oltin oʻrtalikni, muvozanatni topdi. U ilm kishisi edi, boʻgʻiq hayotga chiday olmasdi.

Soʻngsoʻz, ancha yaxshi yozilgan asar. Ehtimol romanning mantiqiy davomi boʻlgan “To‘rtko‘cha” yanada yaxshi yozilgandir. Oʻqib koʻrish joiz. Har jabhada muvozanat lozim. Zero shu soʻz asnosida yashasak, hayot biz oʻylagandan goʻzalroq.

Ifor ✨

586 0 2 5 8

Kitobqalbli

1 Jan, 19:38

#kitobdan_parcha

Bilasanmi, mana shunday shiftga tikilib yotgan paytlaringda xayoling ming koʻchaga kirib chiqadi. Ilgari eʼtibor bermagan narsalaring haddan tashqari qabariq holda koʻz oʻngingda namoyon boʻladi. Bir narsaga sira tushunmayman. Ikki odam bizga oʻxshab bir-birini yaxshi koʻradi, lekin pirovardida bittasi oʻladi.
– Bas qil, – dedim men. Hamma vaqt kimdir birinchi boʻlib oʻladi. Hayotning oʻzi shunaqa. Bizga hali ancha bor.
– Menimcha, faqat.yolgʻiz kishilar oʻlishi kerak. Yoki bir-birini yomon koʻradiganlar. Zinhor sevishganlar emas.
Oʻzimni zoʻrlab jilmaydim.
– Ha, Pat, – dedim qizib ketgan qoʻlini olib. – Bu dunyoni ikkalamiz yaratganimizda, butunlay boshqacha boʻlardi.
– Toʻgʻri, azizim. Bunaqa narsalarga yoʻl qoʻymasdik. Faqat keyin nima boʻlishini bilish qiyin-da. Kelajakda yana nimadir borligiga ishonasanmi?
– Ha. Hayot shunaqa bemaʼni qurilganki, shu yoʻsinda tugashi mumkin emas.
Pat kuldi.
– Ha, bu ham bir dalil. Lekin mana bular ham bemaʼnimi?
U karavoti yonidagi kajavaga solingan atirgullarga ishora qildi.
– Hamma gap shunda-da, – javob berdim unga. – Hayotning ayrim jihatlari goʻzal, umuman olganda esa butunlay bemaʼni. Goʻyo bu olamni hayotning rang-barangligiga mahliyo boʻlgan bir savdoyi yaratib qoʻygan-u, soʻng uni yakson etishdan boʻlak tadbirni oʻylab topolmagan.
– Yana qayta yaratish uchun-da, – dedi Pat.
– Bunda ham maʼni yoʻq, – eʼtiroz bildirdim men. – Shu bilan hayot yaxshi boʻlib qolganida mayli edi.

© “Uch ogʻayni” - Remark

499 0 2 2 7

Kitobqalbli

31 Dec 2024, 21:16

Hozirgi hayotidan norozi har bir yosh Remarkni oʻqishi kerak)

502 0 6 5 9

Kitobqalbli

30 Dec 2024, 18:05

#sarhisob_2024
2024-yil tugabdi. Oʻqilgan kitoblar/kinolar

Romanlar:

• “Kafansiz koʻmilganlar” – Shukrullo
• “Jimjitlik” – Said Ahmad
• “Meʼmor” – Mirmuhsin (2m)
• “Mungli koʻzlar” – X. Toʻxtaboyev
• “Asrni qaritgan kun” – Ch. Aytmatov
• “Oltin zanglamas” – Shuhrat (qayta)
• “Qarzga olingan umr” – Remark
• “Alkimyogar” – Paulo Koelo
• “Kecha va kunduz” – Choʻlpon
• “Tushda kechgan umrlar” – Oʻ. Hoshimov
• “Soʻna” – Etel Lillian Voynich
• “Yulduzli tunlar”– P. Qodirov
• “Oʻtkan kunlar” – A. Qodiriy
• “Nur borki, soya bor” - Oʻ. Hoshimov
• “Ruhlar isyoni” – E. Vohidov
• “Oydin tunlar” – F. Dostoyevskiy
• “Doktor Moro oroli” – H. Uells
• “Sizga chet tilini oʻrgatib boʻlmaydi” – Zamyatkin
• “Martin Iden” – Jek London
• “Uch ildiz” – P. Qodirov
• “Alvido bolalik” – T. Malik
• “Ityurak” – M. Bulgakov
• “Ular oʻnta edi” – Agata Kristi
• “Muvozanat” – Ulugʻbek Hamdam
• “Daftar hoshiyasidagi bitiklar” – Oʻ. Hoshimov
• “Qoʻzichoqlar sukunati” – Tomas Harris
• “Alvido qurol” – Xeminguey (jarayonda)
• “Bolalik” – Oybek
• “Jazo koloniyasida” – Kafka
• “Uch ogʻayni” – Remark
• “Taxtlar oʻyini” – R. R. Martin (jarayonda)

Komediya:

• “Revizor” – Gogol

Hikoyalar:

• “Uh” – Sh. Xolmirzayev
• “Sevishganlar” – Abulqosim Mamarasulov
• “Minnatli non” – Aleksandr Kuprin
• “Oytosh” - Nodir Normatov
• “Qiyshiq oyna” – Anton Chexov
• “Puankare” – A. Yoʻldoshev
• “Muammo” – A. Yoʻldoshev
• “Spagetti yili” – H. Murakami
• “Qotillar” – Xeminguey
• “Parijga sayohat”– Xeminguey
• “Alvido” –Gi de Mopassan
• “Dunyodagi eng baxtiyor odam” – Albert Malts

Pyesalar:

• “Qirol Lir” – Shekspir

Qissalar:

• “Billur qandillar” – O. Yoqubov
• “Urush odamlari” – Nazar Eshonqul
• “Oʻn sakkizga kirmagan kim bor” – Sh. Xolmirzayev

Kinolar:

• “Sakkiz oyoq oʻyini”
• “Van Gogh: sevimli Vinsent bilan”
• “Kapalak roʻyosi”
• “Yoʻl-yoʻl pijamali bolakay”
• “The silence of lambs”
• “Wonka”
• “Dune 1,2”
• “Stiven Hoking olami”
• “Memento”
• “Interstellar”
• “Shoushenkdan qochish”
• “Dengiz boʻyidagi Manchester”
• “Yuqoriga qarama”
• “Yonarqoʻngʻizlar qabri” (anime)
• “Oldboy”
• “Moʻjiza” 1,2
• “Mavritaniyalik”
• “Parazitlar”
• “Bechoralar” (poor things)
• “Before” trilogy
• “Gone girl” (yoʻqolgan qiz)

Seriallar:

• “Yigit soʻzi”
• “Emili Parijda” 1-fasl
• “Chuqur” - 50±
• “Qog‘oz bino”

588 0 10 17 13

Kitobqalbli

27 Dec 2024, 14:49

Statistika emish...

533 0 0 5 12

Kitobqalbli

19 Dec 2024, 15:12

#nazm

ONAMGA XAT

Qaytgim keldi, onam, yoningga.
Yuragimda ismsiz dardlar.
Sovuq xonam, soat chiq-chiqi,
Tashqarida xazonrez bog‘lar,
Yomg‘irning jim xonish qilishi...
Barisi ham nechundir bu dam
Tushirmoqda seni yodimga...
Qaytgim keldi, onam, yoningga.
Yuragimni ochib gapirsam,
Kam-kam bo‘lar menda bunday hol.
Shodmon yursam, mening yodimga
Sen tushmaysan rostdan, onajon.
Nogahoniy bunday holda-chi,
Shunday ko‘rgim keladi seni.
Aytsam senga bor gaplarimni,
Orzularim, hasratlarimni.
Yig‘lab, kulib aytgim kelar, ha,
Odamlarning qadr-u qimmatin
Anglamaymiz birga bo‘lganda.
Ammo nogoh uzoqqa tushsak,
Yo tanholik hasratin cheksak,
Ba’zan shundoq,
Odam zotining
Tirnog‘iga zor bo‘lamiz, ha!
Tushunmayman bul haqiqatni,
Sen-ku, axir onasan, ona...
Onam, ranjimagil xatimdan,
Men rostini yozdim, shod damim
Sen tushmaysan aslo esimga.
Ammo hayot o‘zi, bilaman,
Solar seni yodimga bot-bot.
Ya’ni boshimizni doim ham
Ona bo‘lib silamas hayot...

✍️ Abdulla Oripov (#)

825 0 6 13

Kitobqalbli

18 Dec 2024, 13:18

#nazm

Muslim boʻldik arabdan ortiq, Oʻris boʻldik rusdan ziyoda.
Birni topsak yorugʻ dunyoda,
Oʻn karrani qilganmiz tortiq.
Ichdik, chekdik, Shoʻro yurtida,
Oʻzdik barcha oʻg‘alardan ham.
Yuzsizlikdan oshmasak boʻldi,
Ovroʻpolik togʻalardan ham.

© Erkin Vohidov

@kitob_world

749 0 7 12

Kitobqalbli

17 Dec 2024, 21:33

#taqriz #review

“Jazo koloniyasida” (hikoya) – Franz Kafka

Kafka ijodi murakkab va tushunilishi qiyin boʻlgan yozuvchi sanaladi. Uning “Jazo koloniyasida” hikoyasi shafqatsiz jazo usuli va eski tizim yoqlovchilari haqida.

Voqealar rivoji nomaʼlum oroldagi jazo koloniyasida boʻlib oʻtadi. U yerga bir chet ellik sayyoh tashrif buyuradi. Sayyoh koloniyada eskilik tarafdori boʻlgan ofitser va yangi tizimni qoʻllovchi komendantni uchratadi.

Jazo mashinasi. Ushbu mashina jinoyatchining qilgan aybini uning tanasiga yozib, azoblab oʻldirish uchun oʻylab topilgan. Aybdor oʻz aybini biladimi yoki bilmaydimi, bu qiziq emas. Muhimi, u jazolanishi kerak va majbur. Sayohatchiga qanday ishlashini tanishtirayotgan ofitser esa mashinaga “san’at asari”dek qaraydi. Hikoya davomida sayohatchining tobora norozi qiyofasi oʻqiguvchiga ham taʼsir qiladi.

Yakun, ofitserning fojiali oʻlimi. Sayohatchi koloniyadan qochib ketadi. Norozi boʻlsa, na unga qarshi fikr bildiradi, na eski tuzumni qoʻllab-quvvatlaydi. Kafka bu orqali befarq, atrofidagi oʻzgarishlarga eʼtiborsiz odam portretini chizadi. Ofitser boʻlsa eski tuzumga gʻoyat ishonuvchi, mutaassib kimsalar tasviri. Uning oʻlimi ham shafqatsiz tartibning oqibatda qulashiga olib keladi.

Kafkani qaysi asari oʻqishni bilmayotgan boʻlsangiz, shu hikoyasidan boshlang.

Yoqimli mutolaa...

Ifor ✨

725 0 1 6 4

Kitobqalbli

13 Dec 2024, 06:54

#iqtibos
- Hayotingda qancha ayolni sevgansan?
- Hech qancha.
- Meni hammi?
- Seni sevaman.
- Yana nechtani?
- Boshqa hech kimni.
- Nechtasini - nima desam ekan. Nechtasini ko'rgansan?
- Hech kimni.
- Yolg'on.
- Ha.
- Shunday bo'lgani tuzuk. Sen menga hech qachon to'g'risini aytma. Menga shunisi yaxshi...

"Alvido, qurol"
(c) Ernest Xeminguey

(#)

644 0 7 6 16

Kitobqalbli

9 Dec 2024, 17:35

#fikrlar

Kitoblar ikkiga boʻlinadi: taqriz yoziladigan va yozilmaydigan.

Asoslansak, qayerda koʻrgansiz Alisher Navoiy asarlariga taqriz yozganlarni yoki diniy asarlarga yozilganini? “Hadis va hayot”ga yozilganmi, “Xamsa”gachi? Shuning uchun diniy asar haqida kanalda yozilmagan, demak, oʻqimagan, - deyishdan oldin sal oʻylab koʻringlar. Ular badiiy adabiyot emas. Mavqeyi ancha yuqori.

#Ifor (#)

830 0 5 9 7

Kitobqalbli

7 Dec 2024, 09:14

#nazm
Qorsan, muvaqqatsan, eriysan, yo‘qsan –
Aflotun emassan – atigi xotir.
Meni ezg‘ilashga o‘chsan, kechagi
Suluv eding,
Men axir…

Ko‘zgu masxaralar, oq tushgan – xabar,
Ajinlar soladi noxush xavotir.
Meni g‘ijimlashga o‘chsan, kabutar.
Osmon eding,
Men axir…

Qo‘rqqandim, o‘shanda, qo‘llarim bog‘li,
Qo‘rqdim, kirib ketdim, chiqmadim – chodir.
Meni nimtalashga izlaysiz, dog‘li –
Yurak eding,
Men axir…

Bo‘riday sanqiyman o‘z zulmatimda
O‘g‘irlab olganim kechagi taqdir.
Nimaga unutay dard, kulfatimsan,
Sevgim eding,
Men axir…

© Abduvali Qutbiddin

@kitob_world